+7 (701) 759 90 19
-17 °С : نۇر-سۇلتان
-3 °С : الماتى
USD 383.95 EUR 429.26
RUB 6.16 CNY 55.02
جاڭالىقتار

ساپارحان وماروۆ قانداي ازىق- تۇلىك تۇرلەرى يمپورتقا تاۋەلدى ەكەنىن ايتتى

3 جەلتوقسان 12:49
:ءبولىسۋ
ساپارحان وماروۆ قانداي ازىق- تۇلىك تۇرلەرى يمپورتقا تاۋەلدى ەكەنىن ايتتى

نۇر- سۇلتان. قازاقپارات - قازاقستان سوماسى 505 ميلليون ا ق ش دوللارى بولاتىن 6 تاۋار بويىنشا عانا يمپورتقا تاۋەلدى.

بۇل تۋرالى بۇگىن ۇكىمەت وتىرىسىندا ق ر اۋىل شارۋاشىلىعى ءمينيسترى ساپارحان وماروۆ ايتتى، دەپ حابارلايدى قازاقپارات ءتىلشىسى.

«قازىرگى ۋاقىتتا سەكتوردا قازاقستاننىڭ اگروونەركاسىپتىك كەشەنىنىڭ دامۋىن تەجەپ تۇرعان ءبىرقاتار پروبلەما بار. بۇلار - اۋىل شارۋاشىلىعى داقىلدارى ءتۇسىمىنىڭ جانە مال شارۋاشىلىعىنداعى ونىمدىلىكتىڭ تومەندىگى. اۋىل شارۋاشىلىعى ەڭبەككەرلەرىنىڭ 60 پايىزدان استامى مال شارۋاشىلىعىمەن ەمەس، تەك وسىمدىك شارۋاشىلىعىمەن اينالىسادى، تيىسىنشە ولار حالىقتى جىل بويى جۇمىسپەن قامتي المايدى. اۋىل شارۋاشىلىعى تەحنيكاسى مەن جابدىعىنىڭ توزۋ دارەجەسى 80 پايىزعا جەتەدى»، - دەدى مينيستر.

ونىڭ اتاپ وتۋىنشە، قازىرگى ۋاقىتتا اۋىل شارۋاشىلىعى مينيسترلىگى «نۇر وتان» پارتياسىنىڭ ىشكى نارىقتى وتاندىق ونىمدەرمەن مولىقتىرۋ جونىندەگى سايلاۋالدى پلاتفورماسىن ەسكەرە وتىرىپ، اگروونەركاسىپتىك كەشەندى دامىتۋدىڭ 2017-2021 -جىلدارعا ارنالعان مەملەكەتتىك باعدارلاماسىنا وزگەرىستەر دايىنداعان.

«قازىر بىزدەگى الەۋمەتتىك ماڭىزى بار تاۋارلار تىزبەسىنە 19 تاۋار ەنگەن. ولاردىڭ ىشىندە 505 ميلليون ا ق ش دوللارى سوماسىنداعى تەك 6 تاۋار بويىنشا عانا يمپورتقا تاۋەلدىمىز. اتاپ ايتقاندا، 191,6 مىڭ توننا نەمەسە ىشكى تۇتىنۋدىڭ 49 پايىزى كولەمىندەگى قۇس ەتى؛ شامامەن 30 مىڭ توننا نەمەسە يمپورت ۇلەسى 39 پايىز كولەمىندەگى شۇجىق ونىمدەرى؛ 21,9 مىڭ توننا نەمەسە جالپى تۇتىنۋدىڭ 46,5 پايىزى كولەمىندەگى ىرىمشىك پەن سۇزبە؛ 101 مىڭ توننا نەمەسە يمپورت ۇلەسى 31,5 پايىز كولەمىندەگى الما؛ شامامەن 250 مىڭ توننا نەمەسە يمپورت ۇلەسى 57,3 پايىز كولەمىندەگى قانت؛ 30,6 مىڭ توننا نەمەسە يمپورت ۇلەسى 72 پايىز كولەمىندەگى بالىق»، - دەدى س. وماروۆ.

اۆتور: مارلان جيەمباي


باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات