+7 (701) 759 90 19
-17 °С : نۇر-سۇلتان
-3 °С : الماتى
USD 383.95 EUR 429.26
RUB 6.16 CNY 55.02
جاڭالىقتار

قىزىلوردا وبلىسىنداعى اۆتوبۋس اپاتى: ەلجان ءبىرتانوۆ زارداپ شەككەندەردىڭ جاعدايىن ايتتى

3 جەلتوقسان 12:27
:ءبولىسۋ
قىزىلوردا وبلىسىنداعى اۆتوبۋس اپاتى: ەلجان ءبىرتانوۆ زارداپ شەككەندەردىڭ جاعدايىن ايتتى

نۇر- سۇلتان. قازاقپارات – ق ر دەنساۋلىق ساقتاۋ ءمينيسترى ەلجان ءبىرتانوۆ قىزىلوردا وبلىسىندا جول اپاتىنان زارداپ شەكەندەردىڭ جاعدايىن ايتتى، دەپ حابارلايدى قازاقپارات ءتىلشىسى.

«اۋىر جاراقاتتانعان 6 ادام وبلىستىق اۋرۋحاناعا جەتكىزىلدى. 16-سى ورتاشا دەڭگەيدە، 7-تەۋى جەڭىل- جەلپى جاراقاتتانعان. رەسپۋبليكالىق شۇعىل مەديتسينالىق كومەك ورتالىعى تاراپىنان قولداۋ كورسەتىلىپ جاتىر، سانيتارلىق اۆياتسيا بريگاداسى دا باردى»، - دەدى مينيستر ۇكىمەت وتىرىسىنان كەيىن باق وكىلدەرىنە.

سونىمەن قاتار ول قازىرگى ۋاقىتتا زارداپ شەككەن بارلىق ازاماتقا قاجەتتى مەديتسينالىق كومەك كورسەتىلىپ جاتقانىن باسا ايتتى.

«جاعدايدى مونيتورينگىلەپ وتىرمىز. ەگەر پاتسيەنتتەردى بارىنشا جوعارى تەحنولوگيالىق ورتالىقتارعا جەتكىزۋ قاجەتتىگى تۋىندايتىن بولسا، وندا ءبىز وعان دا دايىنبىز»، - دەدى ەلجان ءبىرتانوۆ.

بۇعان دەيىن ق ر ءى ءى م اكىمشىلىك پوليتسيا كوميتەتى ءتوراعاسىنىڭ ورىنباسارى جانات ءابدىراحمانوۆ 8 ادام اجال قۇشقان « قىزىلوردا- قۇمكول» جولىنداعى اپات جايىندا مالىمەتتەرمەن بولىسكەنىن حابارلاعان ەدىك.

ال قىزىلوردا وبلىسى دەنساۋلىق ساقتاۋ باسقارماسى باسشىسىنىڭ ورىنباسارى ولجاس ىسقاقوۆتىڭ ايتۋىنشا، جاراقات العان 21 ادام وبلىستىق جانە قالالىق اۋرۋحانالارعا جاتقىزىلعان.

«وقيعا ورنىندا بارلىعى 7 جەدەل جاردەم كولىگىمەن دارىگەرلەر جۇمىس ىستەدى. سانيتارلىق اۆياتسيا جەلىسى پايدالانىلدى. جاراقات العان 21 ادام وبلىستىق مەديتسينا ورتالىعى مەن قالالىق اۋرۋحاناعا جاتقىزىلدى. ونىڭ ىشىندە 17- ءسى وبلىستىق مەديتسينا ورتالىعىندا ەم قابىلداپ جاتىر. ونىڭ 5-ەۋى جانساقتاۋ بولىمىنە ورنالاستىرىلدى. ال قالالىق اۋرۋحاناعا جەتكىزىلگەن 4 ناۋقاستىڭ 1-ەۋى جانساقتاۋ بولىمىندە. ولارعا بارلىق ءتيىستى ەمدەۋ شارالارى جاسالۋدا»، - دەدى ول.

اۆتور: مارلان جيەمباي


باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات