اسقار مامين: سالىق جانە كەدەن سالاسىندا بيزنەس پروتسەستەردى اۆتوماتتاندىرۋدى جالعاستىرۋ كەرەك

None
None
نۇر- سۇلتان. قازاقپارات - بۇگىن ۇكىمەت وتىرىسىندا ق ر پرەمەر- ءمينيسترى اسقار مامين سالىق جانە كەدەن سالالارى بويىنشا بيزنەس پروتسەستەردى اۆتوماتتاندىرۋدى جالعاستىرۋدى تاپسىردى، دەپ حابارلايدى قازاقپارات ءتىلشىسى.

«جالپى، قارجى مينيسترلىگى ۇسىنعان تاسىلدەردى قولدايمىز. مۇددەلى مەملەكەتتىك ورگاندار وسى باعىتتا ۇيلەستىرىلگەن جۇمىستى جالعاستىرۋى قاجەت. ق ر تۇڭعىش پرەزيدەنتى - ەلباسى تاپسىرماسى بويىنشا 1 - قاڭتاردان باستاپ شوب سۋبەكتىلەرىنە سالىقتىق راقىمشىلىق جاسالىپ، ايىپپۇلدار مەن ءوسىمپۇلدار كەشىرىلدى. مەملەكەتتىڭ قولداۋمەن بورىشتى جويۋ ناتيجەسىندە سالىق تولەۋشىلەردىڭ بانك شوتتارىنداعى شەكتەۋلەر الىنىپ تاستالدى. مۇلىكتەرگە سالىنعان شەكتەۋلەر الىندى»، - دەدى ۇكىمەت باسشىسى.

اسقار مامين مەملەكەت باسشىسىنىڭ تاپسىرماسى بويىنشا 2020 -جىلدىڭ 1 - قاڭتارىنان باستاپ، ارنايى سالىق رەجيمدەرىن قولداناتىن ميكروبيزنەس پەن شاعىن بيزنەس سۋبەكتىلەرى تابىس سالىعىن تولەۋدەن ءۇش جىلعا بوساتىلعانىن ايتتى.

«قورىتا كەلگەندە ءبىرقاتار ماسەلەگە توقتالعىم كەلەدى. ءبىرىنشى - بيۋدجەتكە تۇسەتىن تۇسىمدەر جوسپارىنىڭ ورىندالۋى جونىندە. مەملەكەتتىك بيۋدجەتكە تۇسەتىن تۇسىمدەردىڭ ءوسۋ قارقىنى 14 پايىز بولدى. بۇل وتكەن كەزەڭمەن سالىستىرعاندا 911 ميلليارد تەڭگەگە ارتىق. ناتيجە جامان ەمەس. ءبىراق وسى قارقىندى تومەندەتىپ الماي جۇمىستى جالعاستىرۋ قاجەت. وسى رەتتە قارجى مينيسترلىگىنە پىسىقتالعان جوسپاردى ساپالى ورىنداۋ ءۇشىن بارلىق قاجەتتى شارالاردى قابىلداۋدى تاپسىرامىن»، - دەدى ول.

ۇكىمەت باسشىسى ەكىنشىدەن، قازىرگى ۋاقىتتا قارجى مينيسترلىگى سالىق جانە كەدەن سالالارىندا بيزنەس پروتسەستەردى اۆتوماتتاندىرۋ بويىنشا اۋقىمدى جۇمىس جۇرگىزىپ جاتقانىن ايتتى.

«سونىڭ ىشىندە «استانا-1، «ە- تەرەزە»، «ۆيرتۋالدىق قويما» جانە باسقالارى بار. بۇل شارالاردى ىسكە اسىرۋ پروتسەستەردى وڭتايلاندىرىپ قانا قويماي، سالىقتىق وپەراتسيالار مەن كەدەندىك كووپەراتسيالاردى جۇرگىزۋدى جەدەلدەتۋگە ءارى ولاردىڭ اشىقتىعىن ارتتىرۋعا مۇمكىندىك بەرەدى. وسى جۇمىستى جالعاستىرۋ قاجەت»، - دەدى اسقار مامين.

اسقار مامين 2020 -جىلعى 1 - ساۋىرگە دەيىن دەرەكتەر بازاسىن وزەكتەندىرۋدى اياقتاۋدى تاپسىردى.

«ءاليحان اسحان ۇلىنىڭ (ق ر پرەمەر- ءمينيسترىنىڭ ءبىرىنشى ورىنباسارى - قارجى ءمينيسترى سمايىلوۆ) بايانداماسىندا مەملەكەتتىك ورگانداردىڭ دەرەكتەر بازاسىن وزەكتەندىرۋ تاقىرىبى قوزعالدى. بۇل - ماڭىزدى ماسەلە. اۋىل شارۋاشىلىعى، ىشكى ىستەر، ادىلەت مينيسترلىكتەرىنە، بارلىق مەملەكەتتىك ورگاندارعا جانە اكىمدىكتەرگە «ازاماتتارعا ارنالعان ۇكىمەت» مەملەكەتتىك كورپوراتسياسىنا 2020 -جىلعى 1 - ساۋىرگە دەيىن دەرەكتەر بازاسىن وزەكتەندىرۋدى اياقتاۋدى تاپسىرامىن»، - دەدى پرەمەر- مينيستر.

سونىمەن قاتار ۇكىمەت باسشىسى قازىرگى تاڭدا ميكرو جانە شاعىن بيزنەس سۋبەكتىلەرى 3 جىلعا سالىق تولەۋدەن جانە تەكسەرۋدەن بوساتىلعانىن ايتتى.

«بۇل رەتتە مەملەكەتتىك كىرىس ورگاندارى مەن اكىمدىكتەر ميكرو جانە شاعىن بيزنەس سۋبەكتىلەرىن ونلاين باقىلاۋ كاسسالىق ماشينالاردى، پوست- تەرمينالداردى تولىق قولدانۋىن، كىرىستەر مەن شىعىستارىن وڭايلاتىلعان ەسەبىن كەزەڭ- كەزەڭىمەن ەنگىزۋىن قامتاماسىز ەتۋى ءتيىس»، - دەدى اسقار مامين.

اۆتور: مارلان جيەمباي

سوڭعى جاڭالىقتار