ناسا اپپاراتى يۋپيتەردىڭ جاڭا سۋرەتىن جاقىننان ءتۇسىردى

نۇر- سۇلتان. قازاقپارات - يۋپيتەر جۇيەسىن زەرتتەۋمەن اينالىساتىن «يۋنونا» پلانەتاارالىق ستانساسى جەرگە وسى پلانەتانىڭ جاڭا سۋرەتىن جولدادى، دەپ حابارلايدى قازاقپارات nasa.gov سايتىنا سىلتەمە جاساپ.

سۋرەت 3 - قاراشا كۇنى اپاراتتىڭ پلانەتاعا جاقىن كەلگەنىنەن كەيىن تۇسىرىلگەن، دەپ ءمالىم ەتتى NASA.

سۋرەتتى تۇسىرگەن ۋاقىتتا «يۋنونا» يۋپيتەر بۇلتتارىنىڭ ۇستىندە 104,6 مىڭ شاقىرىم قاشىقتىقتا بولعان.

قۇرىلعى يۋپيتەردىڭ وڭتۇستىك جارتى بولىگىن تۇسىرگەن. سۋرەتتە پوليۋس ماڭىنداعى قۋاتتى سيكلوندار، سونىمەن قاتار قىزعىلت سارى جولاق پەن پوليارلىق ايماق اراسىندا ورنالاسقان بەي- بەرەكەت جوڭكىلگەن بۇلتتار كورىنىپ تۇر.

ايتا كەتەرلىگى، «يۋنونا» يۋپيتەردىڭ وربيتاسىنا 2016 -جىلدىڭ 4 -شىلدەسىندە ۇشىپ جەتكەن. ول پلانەتا وربيتاسىندا ءالى بىرنەشە جىل تۇراقتاپ، جەرگە جاڭا سۋرەتتەردى جىبەرىپ وتىرادى. جۇمىس اياقتالعان سوڭ زوندتىڭ كوزى جويىلادى.