اكەسى بالالارىن اناسىنا كورسەتۋدەن باس تارتسا نە ىستەۋ كەرەك - زاڭگەر كەڭەسى
قازاقپارات وسى ماسەلەگە قاتىستى زاڭگەردىڭ جاۋابىن ۇسىنادى.
جامبىل وبلىسىنان حابارلاسقان وقىرمان جۇبايىمەن اجىراسقانىن، سوت مەكتەپ جاسىنداعى ۇلى مەن قىزى اناسىندا بولۋى كەرەك دەگەن شەشىم قابىلداسا دا، بۇرىنعى كۇيەۋى ەكى بالاسىن كورسەتپەي وتىرعانىن ايتتى.
«سوت ەكى رەت بالالار مەنىمەن قالۋ كەرەكتىگى تۋرالى شەشىم شىعاردى، ءبىراق بۇرىنعى جۇبايىم 8 اي بويى بالالارىمدى ماعان كورسەتۋدەن باس تارتىپ كەلەدى. ۇيىنە سوت ورىنداۋشىلارىمەن بىرگە بارعان كەزىم دە بولدى، ءبىراق ەشقانداي ناتيجە جوق. مۇنداي جاعدايدا نە ىستەۋگە بولادى؟»، - دەيدى وقىرمان.
وقىرمان سۇراعىنا «AR Legal Expert» زاڭ كومپانياسىنىڭ زاڭگەرى اقنيەت مۇقانوۆ جاۋاپ بەردى.
«مۇنداي جاعدايدا سوت ورىنداۋشىلارىمەن قاتار ينسپەكتور شاقىرۋعا بولادى. سوت ورىنداۋشى ءوزىنىڭ مىندەتىن دۇرىس ورىنداماعان بولۋى مۇمكىن، سوندىقتان بۇل جەردە جەكە سوت ورىنداۋشىسىن اۋىستىرۋ تۋرالى سۇراق تۋىندايدى. بۇل جەردە بالالاردىڭ اكەسى سوت شەشىمىن ءبىر ەمەس، ەكى رەت ورىنداماي تۇر. سوندىقتان ونىڭ بۇرىنعى ايەلى ونى قىلمىستىق ىسكە تارتۋعا قۇقىلى»، - دەيدى زاڭگەر.
اۆتور: زارينا قاھارمان