توڭازىتقىشتا ءبىر جىل ساقتالاتىن الما شىعارىلدى
نۇر-سۇلتان. قازاقپارات – ا ق ش-تا توڭازىتقىشتا ءبىر جىل ساقتالسا دا بۇلىنبەيتىن جاڭا الما سۇرپى ساتىلا باستادى، دەپ حابارلايدى قازاقپارات BBC- گە سىلتەمە جاساپ.
جاڭا المانى سۇرىپتاپ شىعارۋعا 20 جىل كەتكەن. Cosmic Crisp دەپ اتالاتىن المانى ۆاشينگتون شتاتىنىڭ ۋنيۆەرسيتەتى عالىمدارى Honeycrisp جانە Enterprise گيبريد سورتتارىنان العاش رەت 1997 -جىلى شىعارعان.
ۆاشينگتون شتاتىنىڭ فەرمەرلەرى بۇل سۇرىپتى الداعى 10 جىل تەك قانا وزدەرى وسىرۋگە ەكسكليۋزيۆ قۇقىق العان.
«بۇل قاتتى ءارى ءنارلى قىشقىل- ءتاتتى ءدامى بار الما»، - دەيدى ۋنيۆەرسيتەتتىڭ وسى سورتتى سەلەكسيالاۋ باعدارلاماسىن باسقارعان كەيت ەۆانس.
ونىڭ ايتۋىنشا، الما توڭازىتقىشتى 10-12 اي ساقتاۋ كەزىندە ءوزىنىڭ قىزىل ءتۇسى مەن كەرەمەت ءدامىن وتە باياۋ جوعالتادى.
قازىرگى ۋاقىتتا شتاتتا وسى المانىڭ 12 ميلليون ءتۇپ اعاشى ەگىلگەن. الايدا ليتسەنزيا جۇيەسىنىڭ قاتاڭ تالابى ونى ۆاشينگتون شتاتىنان باسقا جەردە وسىرۋگە رۇقسات بەرمەيدى.
باستاپقىدا الما ءتۇرى WA38 دەپ بەلگىلەنگەن، كەيىن تۇنگى جۇلدىزدى اسپانعا ۇقسايتىن اق داقتارى كوپ بولعاندىقتان Cosmic Crisp دەپ اتالعان.
اۆتور: جانىبەك امانگەلدى