ەلوردادا اۋلا كلۋبتارىنىڭ «تالانتتار شەرۋى» فەستيۆالى ءوتىپ جاتىر

نۇر-سۇلتان. قازاقپارات - نۇر-سۇلتاندا «جاستار سارايىندا» «تالانتتار شەرۋى» اۋلا كلۋبتارىنىڭ فەستيۆالى ءوتىپ جاتىر، دەپ حابارلايدى قازاقپارات قالانىڭ قوعامدىق دامۋ ىستەرى باسقارماسىنا سىلتەمە جاساپ.

قازىرگى ۋاقىتتا «استانا جاستارى» اۋلا كلۋبتارىندا سپورت، شىعارماشىلىق، ينتەللەكتۋالدى دامۋ سىندى ءارتۇرلى باعىتتار بويىنشا 21 اۋلا كلۋبىنا 2500 جاس ءوسپىرىم مەن 7 جاس پەن 16 جاس ارالىعىندا بالالار بارادى.

فەستيۆال باعدارلاماسىندا «دوستىق ەستافەتاسى» سپورت سايىسى وتەدى. سايىسقا 16 توپ، ءارقايسىسىندا 8 قاتىسۋشىدان، جالپى سانى 128 ادام قاتىسادى. توپتار گران- پري جانە جۇلدەلى ورىندار ءۇشىن باق سىنايدى.

«جاستار سارايىنىڭ» 2-قاباتىنداعى فويەدە «رادۋجنوە دەتستۆو» بالالار سۋرەتتەرىنىڭ كورمەسى جانە اۆيامودەلدەۋ كورمەسى بار. سونىمەن قاتار فويەدە شاحماتتان تۋرنير وتەدى، وعان 60 تان اسا تاربيەلەنۋشى قاتىسادى. كورمەدە اۋلا كلۋبتارىنىڭ 70 تەن اسا تاربيەلەنۋشىسىنىڭ جۇمىستارى بار.

اۋلا كلۋبتارىنىڭ قورىتىندى كەشى ۇلكەن كينوكونسەرت زالىندا وتەدى، وعان 220 دان اسا تاربيەلەنۋشى قاتىسادى. كونسەرت «دوستىق الماناعى» ادەبي سپەكتاكلىنەن باستالادى. كەش بارىسىندا رەسپۋبليكالىق جانە حالىقارالىق بايقاۋلار مەن سپورتتىق جارىستاردىڭ جەڭىمپازدارىن، ولاردىڭ جاتتىقتىرۋشىلارى مەن ۇستازدارىن ماراپاتتاۋ ءراسىمى بولادى.

ودان بولەك، 21 -جەلتوقسان كۇنى 10.00 دە قالالىق وقۋشىلار سارايىندا اۋلا كلۋبتارىنىڭ 400 قاتىسۋشىسىنا ارنالعان جاڭا جىلدىق ەرتەڭگىلىك ۇيىمداستىرىلادى. فويەدەگى جاڭا جىلدىق شىرشانىڭ جانىندا ساحنالاندىرىلعان قويىلىم جانە سارايدىڭ تەاتر زالىندا «قار حانشايىم» ەرتەگىسىنىڭ كورسەتىلىمى بولادى.