مەن قازاقپىن: پاۆلودار وقۋشىلارىنىڭ چەللەندجى الەۋمەتتىك جەلىنى ءدۇر سىلكىندىردى

None
None
نۇر-سۇلتان. قازاقپارات - پاۆلودار قالاسىنىڭ ورتا مەكتەپتەرى اراسىندا ەلىمىزدىڭ تاۋەلسىزدىك مەرەكەسىنە وراي ەرەكشە چەللەندج باستالدى، دەپ حابارلايدى قازاقپارات ءتىلشىسى.

ابزال قابدراش ەسىمدى ازاماتتىڭ Facebook-تەگى پاراقشاسىندا جاريالاعان ۆيدەودان مەكتەپ وقۋشىلارىنىڭ ەلىمىزدە حيتكە اينالعان قۋاندىق راقىمنىڭ «مەن قازاقپىن» ءانىن قوسىلا شىرقاعانىن كورۋگە بولادى.

«پاۆلودار قالاسىنىڭ №25 جالپى ورتا ءبىلىم بەرۋ مەكتەبى تاۋەلسىزدىك مەرەكەسىنە ارنالعان چەللەندجدى «جەبە» جانە «قاعاندىق» قوعامدىق بىرلەستىگىنەن قابىل الىپ، №19 جالپى ورتا ءبىلىم بەرۋ مەكتەبىنە جولدايدى»، - دەدى وقۋشىلار ءاندى شىرقاماستان بۇرىن مەكتەپ ۇستازدارىنىڭ ءبىرى.

ايتا كەتەيىك، الەۋمەتتىك جەلىدە جاريالانعانىنا تاۋلىك بولمسا دا بۇل ۆيدەونى 10 مىڭنان استام ادام تاماشالاپ، ونىڭ 400 دەن استامى ءلۇپىل باسقان. بولىسكەن ادامداردىڭ قاتارى 600 گە جۋىقتايدى. پىكىر جازۋشىلاردىڭ دا لەگى قالىڭ.

«بۇل مەكتەپتىڭ ديرەكتورى دا مىقتى پاتريوت ادام! ونىڭ شاكىرتتەرى دە ءسوزسىز ەلىن سۇيەر، رۋحتا بولارى ھاق!!!»، - دەپ پىكىر قالدىرادى اينا كارىموۆا ەسىمدى جەلى قولدانۋشى.

«تاۋەلسىز ەلدىڭ بولاشاعى وسىلار امان بولسىن!!! كەرەمەت!»، - دەدى ەركەعالي جانعازى ەسىمدى ازامات.

ەستەرىڭىزدە بولسا، قۋاندىق راقىمنىڭ «مەن قازاقپىن» ءانىن 2018 -جىلدىڭ 7 -مامىرىندا قارۋلى كۇشتەردىڭ 3 مىڭ ساربازى جاۋىنگەرلىك پاراد كەزىندە شىرقاعان ەدى شىققان ەدى.

بۇل تۋىندىنىڭ ءسوزىن اقىن نۇرجان ءومىرباي، ال ءانىن جاراسحان تولەباي ەسىمدى جاس كومپوزيتور جازعان. ءان اۆتورى جاراسقان تولەبايدىڭ ايتۋىنشا، «مەن قازاقپىن» ءانى كەيىنگى بۋىن وكىلدەرىنىڭ شەتەل مۋزىكاسىنا ەلىكتەۋى ءورشىپ بارا جاتقان ۋاقىتتا، ەلدىڭ رۋحىن وياتاتىن قازاق ءانى جات ەلدىڭ داڭعازاسىنا تويتارىس بولسىن دەگەن ماقساتتا تۋىنداعان.

«قازاقستان اسكەرى - ەلىمىزدىڭ تىرەگى. ءبىر مەملەكەتتىڭ اسكەرى ساپتا تۇرىپ، «مەن قازاقپىن» ءانىن شىرقاپ تۇرسا، ارينە بۇل مەن ءۇشىن زور قۋانىش، ۇلكەن جەتىستىك»، - دەدى ج. تولەباي.

اۆتور: مارلان جيەمباي

سوڭعى جاڭالىقتار