قىرعىزستاننىڭ وش قالاسىندا تۇركىتىلدەس ەلدەردىڭ باۋىرلاستار ستەللاسى اشىلدى
راسىمگە وش قالاسىنىڭ ءمەرى تاالايبەك سارىباشوۆ، حالىقارالىق تۇركى مادەنيەتى ۇيىمىنىڭ باس حاتشىسى (تۇركسوي) دۇيسەن قاسەيىنوۆ، قىرعىزستاننىڭ مادەنيەت، اقپارات جانە تۋريزم ءمينيسترى ازامات جامانقۇلوۆ، قالالىق كەڭەس ءتوراعاسى جاپاربەك ورمونوۆ، سونداي-اق تۇركىتىلدەس 12 مەملەكەتتىڭ مادەنيەت مينيسترلەرى قاتىستى، ونىڭ قاتارىندا تۇركيا، ازەربايجان، تۇركىمەنستان، قازاقستان، وزبەكستان بار. سونداي-اق، شاراعا وش قالاسىنىڭ جۇرتشىلىعى مەن قوعام بەلسەندىلەرى كەلدى.
ستەللانى اشۋ راسىمىندە قالا مەرى تاالايبەك سارىباشوۆ، «وش تۇركى الەمىنىڭ مادەني استاناسى - 2019» شاراسى بارشا تۇركىتىلدەس ەلدەرى ءۇشىن ماڭىزدى شارا ەكەنىن اتاپ ءوتىپ، وتكىزىلگەن مادەني بۇقارالىق شارالاردى وش قالاسىنىڭ جانە ەلدىڭ وڭتۇستىك بولىگىندەگى تۇرعىنداردىڭ ۇمىتپايتىنىن، ول تۇركىتىلدەس ەلدەردىڭ مادەني استانالارىنىڭ باۋىرلاستىعىن نىعايتاتىنىن جەتكىزدى.
اۆتور: جانىبەك امانگەلدى