+7 (701) 759 90 19
-19 °С : نۇر-سۇلتان
-3 °С : الماتى
USD 383.95 EUR 429.26
RUB 6.16 CNY 55.02
جاڭالىقتار

ديماشتىڭ ەۋروپاداعى كونسەرتتەرىنە بيلەتتەر قانشا تۇرادى

2 جەلتوقسان 08:50
:ءبولىسۋ
ديماشتىڭ ەۋروپاداعى كونسەرتتەرىنە بيلەتتەر قانشا تۇرادى

نۇر-سۇلتان. قازاقپارات - قازاقستاندىق ءانشى ديماش قۇدايبەرگەننىڭ گەرمانيا قالالارى مەن چەحيادا وتەتىن جەكە كونسەرتىنە بيلەتتەردىڭ باعاسى 14900 تەڭگەدەن باستالادى، دەپ حابارلايدى قازاقپارات.

ديماش، جەكە كونسەرتى جونىندە جانكۇيەرلەرىنىڭ ەسىنە تاعى ءبىر سالىپ: «قۇرمەتتى دوستار! 25 ناۋرىز كۇنى پراگانىڭ «Tipsport-Arena» - سىندا وتەتىن چەحياداعى العاشقى جەكە كونسەرتىمە شاقىرامىن. بيلەتتەر @bilet.kartina.tv سايتىندا ساتىلۋدا. سىزدەردى اسىعا توسامىن. كەزدەسكەنشە!»، - دەپ جازدى Instagram-داعى پاراقشاسىندا.

ەسكە سالساق، د. قۇدايبەرگەننىڭ ەۋروپا ەلدەرى بويىنشا گاسترولى گەرمانيانىڭ ءۇش قالاسىندا جانە چەحيا استاناسىندا وتەدى. بارلىق كونسەرتتەر اتالمىش ەلدەردىڭ ەڭ ءىرى سپورتتىق- مادەني كەشەندەرىندە ۇيىمداستىرىلادى.

اتاپ ايتقاندا، 19 -ناۋرىزعا جوسپارلانعان گامبۋرگ قالاسىنداعى كونسەرتى «Barclaycard Arena» - دا بولادى. كەشەننىڭ سىيىمدىلىعى - 16 مىڭ ورىن.

21 -ناۋرىزدا ديۋسسەلدورفتاعى كەشى 13 مىڭ كورەرمەنگە ارنالعان «Düsseldorf ISS DOME « كوپ كەشەندى جابىق ارەنادا وتەدى.

ال 28 -ناۋرىزدا قازاقستاندىق ءانشى جانكۇيەرلەرىن شتۋتگارتتىڭ 15500 ورىندىق «Hanns-Martin-Schleyer-Halle « جابىق ارەناسىنا شاقىرادى.

ونەر سۇيەر قاۋىم پراگاداعى شىعارماشىلىق كونسەرتكە 25 ناۋرىز كۇنى 13500 ورىنعا شاقتالعان «TipSport-Arena» - عا جينالادى.

بيلەتتەر قۇنى 35 - 349 ەۋرو، ياعني 14900 - 148500 تەڭگە ارالىعىندا تۇرادى. ديماشتىڭ ەۋروپالىق تۋرنەسىنە بيلەتتەردى رەسمي ساتۋمەن اينالىساتىن bilet.kartina.tv سايتى ءوزىنىڭ اڭداتپا حابارلاندىرۋىندا قازاقستاندىق ءانشىنى «عالامشاردىڭ ۆوكالدىق عاجايىبى!» دەپ اتاعان.

«ءبىراق كورەرمەندەر ونى فەنومەندى داۋىسى ءۇشىن عانا ەمەس، سونداي-اق ورىنداۋداعى شىنايىلىق ءۇشىن، ءاندى ءارتۇرلى تىلدە ورىندايتىندىعى جانە اۋديتوريامەن قارىم- قاتىناس ۇستاي ءبىلۋ قابىلەتى ءۇشىن جاقسى كورەدى»، - دەپ جازىلعان سايتتا.

ەسكە سالايىق، د. قۇدايبەرگەن سونداي-اق 10 -جەلتوقسان كۇنى نيۋ-يوركتىڭ بەلگىلى «Barclays Center» ارەناسىندا كونسەرت بەرەدى.

بۇعان دەيىن ول ۇلىبريتانيا استاناسى - لوندوندا، رەسەيدىڭ ماسكەۋ، سانكت-پەتەربۋرگ قالالارىندا شىعارماشىلىق كەشتەرىن وتكىزگەن بولاتىن.

اۆتور: ميرا تولەندى قىزى


باستى سوزدەر:
:ءبولىسۋ
پئكئر قالدئرؤ
+7
جئبةرؤ
سونداي-اق... وقىڭىز
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات