التاي كولگىنوۆ ەلوردانىڭ قاي تۇرعىن ءۇي الابىنا ەڭ ءبىرىنشى گاز بەرىلەتىنىن ايتتى
«بۇگىن گاز قۇبىرلارىن دانەكەرلەۋ جۇمىستارىن قاداعالاپ شىقتىم. كەلەسى جىلۋ بەرۋ ماۋسىمىندا جەس-1، 2، 3، كوكتال-1، 2، اگروقالاشىق، ءوندىرىس، تەمىرجول، وڭتۇستىك- شىعىس تۇرعىن ءۇي الاپتارىن گازبەن جىلىتۋدى جوسپارلاپ وتىرمىز. تەحنيكالىق جانە اۆتورلىق قاداعالاۋ قىزمەتتەرىنە دانەكەرلەۋ جۇمىستارىنىڭ ورىندالۋ ساپاسىنا ايرىقشا نازار اۋدارۋ قاجەت. قۇبىرلاردىڭ بۇتىندىگىن جانە جارىقعا جول بەرمەۋ ماقساتىندا ماماندار دەنەكەرلەنگەن قوسپالاردى رەنتگەنمەن تەكسەرۋدە»، - دەپ جازدى ەلوردا اكىمى Instagram-داعى پاراقشاسىندا.
ونىڭ اتاپ وتۋىنشە، قازىرگى وزىندە قالادا ءتۇتىن بايقالىپ وتىر. ال ول ەكولوگيانى بۇزىپ، ادامداردىڭ دەنساۋلىعىنا زيانىن تيگىزەدى.
«گازداندىرۋ اۋاعا زياندى شىعارىندىلاردى 6 ەسە، قاتتى قالدىقتاردى 40 تونناعا ازايتادى. ەلوردانى گازداندىرۋدى 3 كەزەڭمەن جۇرگىزەمىز»، - دەدى التاي كولگىنوۆ.