+7 (701) 759 90 19
-19 °С : نۇر-سۇلتان
-3 °С : الماتى
USD 383.95 EUR 429.26
RUB 6.16 CNY 55.02
جاڭالىقتار

قانداسىمىز اقنار اداق قىزى الەم چەمپيوناتىندا التىن الدى - شەتەلدەگى قازاق ءتىلدى ب ا ق- قا شولۋ

1 جەلتوقسان 14:59
:ءبولىسۋ
قانداسىمىز اقنار اداق قىزى الەم چەمپيوناتىندا التىن الدى - شەتەلدەگى قازاق ءتىلدى ب ا ق- قا شولۋ

نۇر-سۇلتان. قازاقپارات- «قازاقپارات» ح ا ا شەتەلدەگى قازاق تىلىندە تارايتىن اقپارات كوزدەرىنە اپتالىق شولۋىن ۇسىنادى.

قانداسىمىز اقنار اداق قىزى الەم چەمپيوناتىندا التىن الدى - «جەنمين جيباو» (People Daily)

جاستار اراسىنداعى كونكيمەن جۇگىرۋدەن 2019-2020 -جىلعى الەم كۋبوگىنىڭ ەكى كەزەڭىنە قاتىسقان اقنار اداق قىزى التىننان القا تاقتى، دەپ حابارلايدى kazakh.people.com.cn سايتى.


اتالعان ب ا ق- تىڭ جازۋىنشا، قىتايدا تۇراتىن قانداسىمىز اقنار اداق قىزى نورۆەگيادا وتكەن جاستار اراسىنداعى كونكيمەن جۇگىرۋدەن الەم كۋبوگىنىڭ 1- كەزەڭى مەن نيدەرلاندتتا وتكەن 2- كەزەڭىندە قاتارىنان ەكى باس جۇلدەنى قانجىعالاعان. ول وسى ەكى چەمپيوناتتا دا ايەلدەر اراسىنداعى 3000 مەتر قاشىقتىقتاعى كوماندالىق جارىستا جانە جەكە قاشىقتىق باسەكەسىندە التىن مەدالعا قول جەتكىزگەن.

اقنار اداق قىزى نورۆەگياداعى الەم كۋبوگىنىڭ العاشقى كەزەڭىندە 3000 مەترلىك قاشىقتىقتاعى جارىستا 4 مينۋت 24,799 سەكۋندتا كەلسە، نيدەرلاندىداعى چەمپيوناتتا وسى قاشىقتىقتى 4 مينۋت 20,580 سەكۋندتا باعىندىرعان. سونىمەن قاتار نيدەرلاندىدا وتكەن الەم كۋبوگىنىڭ ەكىنشى ماتچىندا ايەلدەر اراسىنداعى سپرينتەرلىك كوپسايىستا اقناردىڭ كومانداسى قولا مەدال جەڭىپ العان.


اقنار اداق قىزى 1999 -جىلى قىتايدىڭ شىنجاڭ ولكەسىنىڭ قۇتىبي اۋدانىندا تۋعان. قازىرگى كۇنى اقنار كونكيمەن جۇگىرۋدەن قىتاي قۇراماسىنىڭ مۇشەسى. ول وسى ۋاقىتتارعا دەيىن دە تالاي مارتە رەسپۋبليكالىق جانە حالقارالىق جارىستاردىڭ باس جۇلدەسىن جەڭىپ العان.


ازيا چەمپيوناتىندا جاندوس پەن جانارگۇل قولا جۇلدەگەر اتاندى - kaznews.mn


موڭعوليا استاناسى ۇلانباتىر قالاسىندا بوكستان جاستار اراسىنداعى ازيا چەمپيوناتىندا جاندوس اسقار ۇلى مەن ب. جانارگۇل قولا جۇلدەگەر اتاندى، دەپ جازادى موڭعوليانىڭ KAZNEWS اقپاراتتىق پورتالى.


«بوكستان جاستار اراسىنداعى ازيا چەمپيوناتىندا موڭعوليا ەرلەر قۇراماسىندا 64 كەلى سالماق دارەجەسىندە ونەر كورسەتكەن جاندوس اسقار ۇلى قولا جۇلدەگەر اتاندى. ول قولا مەدال ءۇشىن سايىستا قىرعىز بوكسشىسى ە. باقتىبەك ۇلىن 5:0 ەسەبىمەن ۇتىپ، جارتىلاي فينالدا وزبەكستاندىق بوكسشىدان ۇتىلىپ قالدى. ال، قىزدار اراسىنداعى -48 كەلى سالماقتا ونەر كورسەتكەن ب. جانارگۇلدە ازيا چەمپيوناتىنان قولا مەدال يەلەندى. ول، جارتىلاي فينالدا ق ح ر- نىڭ سپورتشىسىنا ەسە جىبەرىپ الدى»، - دەپ جازادى kaznews.mn.


قىتايدا قازاق تىلىندە شىعاتىن ەكى جۋرنال وقىرماندارىمەن كەزدەسۋ وتكىزدى - قىتايدىڭ «ورتالىق حالىق راديوسى» (CNR)

قىتاي ەلىندەگى قازاق تىلىندە شىعاتىن «شۇعىلا» جۋرنالى مەن «مۇرا» جۋرنالىنىڭ رەداكسياسى ءۇرىمجى قالاسىندا جۋرنالدىڭ تۇراقتى اۆتورلارىمەن جانە وقىرماندارىمەن كەزدەسۋ وتكىزدى، دەپ حابارلايدى قىتايلىق kazakcnr.com سايتى.


اتالعان ب ا ق- تىڭ جازۋىنشا، بۇل جولعى ءىس-شارا شىنجاڭ ولكەسىنىڭ ادەبيەت- كوركەمونەر قوعامىنىڭ قۇرىلتايشىلىعىمەن شىعاتىن «شۇعىلا» جانە «مۇرا» جۋرنالدارىنىڭ الداعى ۋاقىتتا تارالىمىن كوبەيتىپ، وقىرمان سۇرانىسىنا ساي باسىلىمعا جاڭا مازمۇندى شىعارمالاردى، تىڭ تۋىندىلاردى تارتۋ ءۇشىن ۇيىمداستىرىلعان.



«...قىتاي ەلىندە قازاق تىلىندە ايىنا ءبىر رەت شىعاتىن «شۇعىلا» ادەبي جۋرنالىنىڭ 67 جىلدىق تاريحى بار. باسىلىمنىڭ العاشقى سانى 1953 -جىلى جارىق كورگەن. ال ەكى ايدا ءبىر رەت شىعاتىن «مۇرا» جۋرنالىنىڭ وقىرمانمەن جۇزدەسكەنىنە بيىل 37 جىل تولىپ وتىر. كەڭەس بارىسىندا «شۇعىلا» جۋرنالىنىڭ ورىنباسار باس رەداكتورى مادەنيەت مۇقاتاي ۇلى، «مۇرا» جۋرنالىنىڭ ورىنباسار باس رەداكتورى اقان كارمەن ۇلى، بەيجىڭنەن شىعاتىن «ۇلتتار ادەبيەتى» جۋرنالى قازاقشا باسىلىمىنىڭ باس رەداكتورى مينار نۇرلازات قىزى ءوز باسىلىمدارىنىڭ قازىرگى تىنىس- تىرشىلگى تۋرالى بايانداما جاسادى»، - دەپ جازادى CNR.

قازاقستاننىڭ «ازىرەت سۇلتان» مەشىتىندە «بەيبىتشىلىك پەن ءبىتىم» ورتالىعى اشىلدى - «فارس» اقپارات اگەنتتىگى


قازاقستان مۇسىلماندارى ءدىني باسقارماسىنىڭ باسشىسى ورىنباسارىنىڭ باستاماسىمەن نۇر- سۇلتانداعى «ازىرەت سۇلتان» مەشىتىندە «بەيبىتشىلىك پەن ءبىتىم» ورتالىعى اشىلدى، دەپ حابارلايدى parstoday اقپارات اگەنتتىگى.

«ناۋرىزباي قاجىنىڭ باستاماسىمەن، «ازىرەت سۇلتان» مەشىتىنىڭ باس ءمۇفتيىنىڭ ورىنباسارى مارات بەكتازينوۆ مەن نۇر- سۇلتان قالاسى سوتىنىڭ ازاماتتىق ىستەر جونىندەگى باسشىسى قۋانىشباي الجىكوۆ مەموراندۋمعا قول قويدى. مەموراندۋمعا سايكەس تاراپتار ازاماتتىق قايشىلىقتاردى شەشۋ سالاسىندا ارىپتەستىك جاسايتىن بولادى. ىنتىماقتاستىق مەموراندۋمى اياسىندا «ازىرەت سۇلتان» مەشىتىنىڭ قىزمەتكەرلەرى سوتتان بۇرىن ىسپەن تانىسۋدى قولداپ، جانۇيانىڭ بىرلىگىن ساقتاۋعا تالپىنىپ، كونسۋلتاتسيالىق قىزمەتتەر اتقارادى. سول سەبەپتى باستى مەشىتتىڭ «بەيبىتشىلىك پەن ءبىتىم» ورتالىعىندا بىلىكتى ءدىنباسى تاعايىندالدى. بۇل ورتالىق جانۇيالىق ماسەلەلەردى شەشۋمەن اينالىسىپ، قيىندىقتاردى جويۋعا تالپىنىس جاسايدى» ، - دەپ جازادى parstoday.

ءمادىعايىم نۇق كىر كوتەرۋدەن جەكە رەكوردىن جاڭالادى - kaznews.mn


ر ف-نىڭ ۋلان- ۋدە قالاسىندا وتكەن كىر تاسىن كوتەرۋدەن سەرگەي لەونوۆ اتىنداعى VI بۇكىل رەسەيلىك تۋرنيردە ءمادىعايىم نۇق ءوزىنىڭ جەكە رەكوردىن جاڭالادى، دەپ حابارلايدى موڭعوليانىڭ KAZNEWS اقپاراتتىق پورتالى.

«اتالعان تۋرنيردە 17 وبلىستان 500 گە جۋىق سپورتشى باق سىنادى. سونداي-اق، موڭعوليادان 5 سپورتشى قاتىستى. اتالمىش جارىسقا موڭعوليا قۇراماسىنداعى ءمادىعايىم نۇق 85 كەلى سالماقتا ونەر كورسەتىپ 5-ورىن يەلەنىپ، 32ك گ+ 32 ك گ گىر تاسىن كوتەرۋ ارقىلى ءوزىنىڭ جەكە رەكوردىن جاڭارتتى. ەستەرىڭىزگە سالساق، ءمادىعايىم نۇق گىر سپورتىنان الەم كۋبوگىنان 2 قولا مەدال السا، 2015، 2016 -جىلعى الەم چەمپيوناتىندا 7-ورىن، 2017 -جىلى سامبو كۇرەسىنەن ەل چەمپيوناتىنىڭ جانە قازاق كۇرەسىنەن ازيا چەمپيوناتىنىڭ قولا جۇلدەگەرى اتانعان»، - دەپ جازادى kaznews.mn.

نۇر-سۇلتاندا كونە تۇركى جازۋىنىڭ قۇپياسى اشىلعان كۇن اتاپ ءوتىلدى - TRT


قازاقستاننىڭ ەلورداسى نۇر-سۇلتان قالاسىندا كونە تۇركى جازۋىنىڭ قۇپياسى اشىلعان كۇننىڭ 126 -جىلدىعى اتاپ ءوتىلدى، دەپ جازادى تۇركيا راديو تەلەۆيزيا پورتالى.

«ۇلى بۇدۇن» قوعامى تاراپىنان قازاقستان رەسپۋبليكاسى ۇلتتىق مۇراجايىندا بولعان شارادا كونە تۇركى جازۋىنا بايلانىستى فيلم كورسەتىلدى. قاتىسۋشىلارعا جازۋ تاريحى جونىندە مالىمەت بەرىلدى. «ۇلى بۇدۇن» قوعامىنىڭ ءتورايىمى مەرۋەرت قۇرمانعاليەۆا كونە تۇركى جازۋى العاش رەت الەمگە پاش ەتىلگەن 25 -قاراشا كۇنىنىڭ تۇرىك رەسپۋبليكالارىندا تويلانۋىن قالايتىندارىن تىلگە تيەك ەتىپ: «كەلەسى جىلى وسىنداي شارالار بۇكىل تۇركى ەلدەرىندە وتكىزىلەدى دەپ ويلايمىز» دەدى. ەلورداداعى شاراعا تۇركولوگتار، عالىمدار، قازاق، قىرعىز، نوعاي، تۇرىكمەن، التاي، ۇيعىر، گاگاۋىز، تاتار، حاكاس جانە باسقا دا تۇركى حالىقتارىنىڭ وكىلدەرى قاتىستى»، - دەپ جازادى TRT.

تاشكەنتتە «شىمكەنت - شىرايلى شاھارىم!» اتتى مادەنيەت كۇنى ءوتتى - «ءوزا» اقپاراتتىق اگەنتتىگى


قازاقستاننىڭ شىمكەنت قالاسى اكىمىنىڭ ورىنباسارى قايرات نۇرتاي باستاعان دەلەگاتسيا قۇرامى تاشكەنت قالاسىندا وزبەكستانداعى «قازاقستان جىلى» اياسىندا «شىمكەنت - شىرايلى شاھارىم!» اتتى مادەني ءىس- شارا وتكىزدى، دەپ جازادى وزبەكستاننىڭ «ءوزا» مەملەكەتتىك اقپاراتتىق اگەنتتىگى.



«الىشەر ناۋاي اتىنداعى ۇلتتىق كىتاپحانادان باستالعان شارادا، قالدىبەك قۇرمانالى، اسەلحان قالىبەكوۆا، امانحان ءالىم، قاسىمحان بەگمان، بەكجان اشىربايەۆ، كوپەن امىربەك، كاريما ورالوۆا، اقمارال لەۋبايەۆا سەكىلدى ونەر قايراتكەرلەرى مەن اقىندار شىعارمالارىمەن ءبولىستى. سونىمەن بىرگە وزبەك ۇلتتىق اكادەميالىق دراما تەاترىندا شىمكەنت قالاسى ونەرپازدارىنىڭ «شىمكەنتتەن - شاشۋ» اتتى گالا-كونسەرتى ءوتتى.


وندا شىمكەنت قالالىق مادەنيەت ءۇيىنىڭ ۇلت اسپاپتار وركەسترى، «قازىنا»، «شاتتىق» بي انسامبلدەرىنىڭ دايىنداعان حورەوگرافيالىق كومپوزيتسيالارى جانە قازاق ەسترادا جۇلدىزدارى زاتتىبەك كوپبوسىن ۇلى، شاحيزادا بايپاتشانوۆا، قازاقستاننىڭ ەڭبەك سىڭىرگەن ءارتىسى اقجول مەيىربەكوۆ، وزبەكستان مەن قازاقستاننىڭ حالىق ءارتىسى فاررۋح زاكيروۆ ءان سۇيەر قاۋىمعا ۇمىتىلماستاي مەرەكەلىك كوڭىل- كۇي سىيلادى»، - دەپ جازادى «ءوزا».

باقىتجول كاكەش


باستى سوزدەر: شەتەل قازاقتارى ,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات