+7 (701) 759 90 19
-11 °С : نۇر-سۇلتان
-3 °С : الماتى
USD 385.55 EUR 426.57
RUB 6.05 CNY 54.77
جاڭالىقتار

قاراعاندى وبلىسىندا العاش رەت پوليتسيا وفيتسەرلەرىنىڭ بالى ءوتتى

1 جەلتوقسان 17:02
:ءبولىسۋ
قاراعاندى وبلىسىندا العاش رەت پوليتسيا وفيتسەرلەرىنىڭ بالى ءوتتى

قاراعاندى. قازاقپارات - قاراعاندى وبلىسىندا العاشقى پوليتسيا وفيتسەرلەرىنىڭ بالى ءوتتى.

بي كەشى جەزقازعان قالاسىندا ۇيىمداستىرىلدى. وقيعا جاستار جىلىنا ورايلاستىرىلدى، دەپ حابارلايدى قازاقپارات ءتىلشىسى.

جاس لەيتەنانتتار بۇل كەشتە پوليتسەيدىڭ جۇمىسى تەك ءتارتىپ پەن تۇزەتۋ عانا ەمەس، سونىمەن قاتار اسەمدىكپەن دە ساباقتاسا الاتىنىن كورسەتتى.


قىزمەتكەرلەر اراسىنان 24 جۇپ انىقتالدى. ولار ءبىر جارىم اي بالعا دايىندالىپ، مامانداردىڭ جەتەكشىلىگىمەن بي قوزعالىستارىن ۇيرەندى. پاركەتكە سالتاناتتى تۇردە كاۆالەرلەر شىقتى، ال حانىمدار قىزمەتتىك كيىم- كەشەكتەرىن كەشكى كويلەكتەرگە اۋىستىردى. جاس وفيتسەرلەر شوپەن، باح جانە موتسارتتىڭ مۋزىكاسىنا ۆالس بيلەپ، پولونەز جانە مازۋركانى ورىندادى.

«مۇندا پولكوۆنيكتەر، وفيتسەرلەر، ىشكى ىستەر ورگاندارىنىڭ ارداگەرلەرى بار. مەنىڭ ويىمشا، مۇنداي ءىس- شارا پوليتسەيدىڭ يميدجىن ارتتىرۋعا ىقپال ەتەدى. ءبىز وفيتسەرلىك بالدى جاقسى داستۇرگە اينالدىرعىمىز كەلەدى»، - دەدى قاراعاندى وبلىسى پوليتسيا دەپارتامەنتى كادر ساياساتى باسقارماسى باستىعىنىڭ ورىنباسارى رينات سۇتتىبايەۆ.

سونداي-اق، پوليتسيادا پاتريوتتىق اندەر شىرقالدى. «ۇلىتاۋ جۇلدىزدارى» بارابانشىلار توبى ونەر كورسەتتى. «شەلكۋنچيك» بالەتىنىڭ قويىلىمىن جەزقازعان ونەر مەكتەبىنىڭ تاربيەلەنۋشىلەرى ۇسىندى.






اۆتور: اگاتا مۋحامەدجانوۆا


باستى سوزدەر: ايماق,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات