+7 (701) 759 90 19
-9 °С : نۇر-سۇلتان
-1 °С : الماتى
USD 385.55 EUR 426.57
RUB 6.05 CNY 54.77
جاڭالىقتار

وتىراردا ەلىمىزدەگى تۇڭعىش ساپار ورتالىعى اشىلدى

2 جەلتوقسان 05:10
:ءبولىسۋ
وتىراردا ەلىمىزدەگى تۇڭعىش ساپار ورتالىعى اشىلدى

وتىرار. قازاقپارات - قازاقستان رەسپۋبليكاسىنىڭ تۇڭعىش پرەزيدەنتى كۇنىنە وراي ەلىمىزدەگى ەڭ العاشقى ساپار ورتالىعى تۇركىستان وبلىسىنىڭ وتىرار اۋدانىندا اشىلدى، دەپ حابارلايدى قازاقپارات.

ق ر مادەنيەت جانە سپورت مينيسترلىگىنىڭ قولداۋىمەن وتىرار قالاجۇرتى ماڭىنان سالىنعان ساپار ورتالىعىنىڭ اشىلۋ سالتاناتىنا مادەنيەت جانە سپورت ۆيتسە-ءمينيسترى ەلدوس رامازانوۆ، قازاقستاننىڭ حالىق اقىنى اسەلحان قالىبەكوۆا، كومپوزيتور، ءشامشىتانۋشى، شىمكەنت قالاسى اكىمىنىڭ كەڭەسشىسى قالدىبەك قۇرمانالى قاتىسىپ، لەنتاسىن قيدى.

«ن. نازاربايەۆتىڭ «بولاشاققا باعدار: رۋحاني جاڭعىرۋ» ماقالاسى اياسىندا سالىنعان «وتىرار مەملەكەتتىك ارحەولوگيالىق قورىق- مۋزەيى جانىنداعى ساپار ورتالىعى وتىرار ءوازيسىنىڭ مادەني مۇراسىن ەلىمىز بەن شەتەلدەردە ناسيحاتتاۋ، تاريحي- مادەني مۇرا نىساندارىن قورعاۋ مەن ولاردىڭ ساقتالۋىن قامتاماسىز ەتۋ، سونىمەن قاتار، تۋريزم سالاسىنىڭ زاماناۋي تالاپتارىنا ساي تۋريستىك ورتالىق جاساۋ ماقساتىندا جۇمىس اتقارادى»، دەلىنگەن حابارلامادا.


سونىمەن قاتار وتىرار قورىق- مۋزەيىنىڭ بازاسىندا كوممۋنيكاتسيا، مادەني اقپارات جانە شىعارماشىلىق يننوۆاتسيالاردى دامىتۋ باعىتىندا دا قىزمەت اتقاراتىن بىرەگەي نىسانعا اينالماق.

وتىرار مەملەكەتتىك ارحەولوگيالىق قورىق- مۋزەيىنىڭ فۋنكسيالارىن مادەني- اعارتۋ مەن يميدجدىك ورتالىق دەڭگەيىنە دەيىن كەڭەيتىپ، تاريح عىلىمى، ارحەولوگيا، رەستاۆراتسيا، ونەرتانۋ، ەتنوگرافيامەن ۇشتاستىرۋعا جاعداي جاساۋ دا جوسپارلانعان.

ساپار ورتالىعى مۋزەي قورىنا ءتۇسىپ وتىراتىن ەكسپوناتتار ءۇشىن ءبىرىنشى جانە ەكىنشى قاباتتاردا ەكسپوزيتسيالىق زالدارىنان جانە مۋزەي ماماندارى جانە وتىرار قالاجۇرتىندا قازبا جۇرگىزەتىن ارحەولوگتار ءۇشىن 16 ورىندىق جاتاقحانا عيماراتىن قامتيدى.

وتىرارداعى شارا «وتىرار قالاجۇرتى - قازاقستاندا ارحەولوگيالىق ەسكەرتكىشتەردى زەرتتەۋ، ساقتاۋ جانە پايدالانۋ ءىسىنىڭ وزىق ۇلگىسى» تاقىرىبىنداعى رەسپۋبليكالىق عىلىمي- تاجىريبەلىك كونفەرەنتسيامەن جالعاسىن تاپتى.


كونفەرەنسيا بارىسىندا ارحەولوگيا سالاسىنىڭ جەتىستىكتەرى، وتىرار قالاجۇرتىنداعى نىساندارداعى رەستاۆراتسيالىق جۇمىستار ناتيجەلەرى جانە مۋزەي قورىن جاساقتاۋ، رەستاۆراتسيالاۋ، ساقتاۋ ماسەلەلەرى بويىنشا باياندامالار وقىلىپ، مادەني ينفراقۇرىلىمدى كەڭەيتۋ، تاريحي- مادەني قۇندىلىقتاردى دارىپتەۋ جانە ناسيحاتتاۋ جۇمىستارىن جۇرگىزۋ، مادەني مۇرالاردى زەرتتەۋدىڭ تولىقتاي جۇيەسىن قۇرۋ ماسەلەلەرى تالقىلاندى.

جيىنعا كەلگەن قوناقتار تۋريستەرگە قولايلى جاعداي جاساۋ ماقساتىندا ارىستانباب كەسەنەسى مەن وتىرار قالاجۇرتىنىڭ سىرتقى قاقپا الدىنا جۇرگىزىلگەن اباتتاندىرۋ جۇمىستارىمەن تانىستى.

سالتاناتتى شاراعا قازاقستان رەسپۋبليكاسى مادەنيەت جانە سپورت مينيسترلىگىنىڭ وكىلدەرى، باق وكىلدەرى، وبلىستىق جانە جەرگىلىكتى باسقارۋ ورگاندارى، رەسپۋبليكالىق جوعارى وقۋ ورىندارى مەن عىلىمي زەرتتەۋ ينستيتۋتتارىنىڭ عالىمدارى، زيالى قاۋىم، تۋريستىك اگەنتتىك وكىلدەرى، رەسپۋبليكالىق جانە وبلىستىق مۋزەي قىزمەتكەرلەرى ۇلتتىق- مادەني ورتالىقتار، ورتا ءبىلىم بەرۋ مەكەمەلەرىنىڭ قىزمەتكەرلەرى قاتىستى.




باستى سوزدەر: مادةنيةت,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات