+7 (701) 759 90 19
-11 °С : نۇر-سۇلتان
-3 °С : الماتى
USD 385.55 EUR 426.57
RUB 6.05 CNY 54.77
جاڭالىقتار

بەرليتس تاسىلىمەن ءتىل ۇيرەنۋ

1 جەلتوقسان 15:29
:ءبولىسۋ
بەرليتس تاسىلىمەن ءتىل ۇيرەنۋ

نۇر-سۇلتان. قازاقپارات - دجون لەننون جاپون ءتىلىن قانداي تاسىلمەن ۇيرەندى؟

مەريل ستريپ قالايشا پولياك ءتىلىن تەز مەڭگەرىپ الدى؟ انتونيو باندەراس 32 جاسقا كەلگەنىنە قاراماستان قالايشا اعىلشىن ءتىلىن بىردەن «قاعىپ الدى»؟ جاۋاپ: بۇلاردىڭ بارلىعى ءتىلدى بەرليتس تاسىلىمەن ۇيرەندى. وزگە ءتىلدى مەڭگەرۋدىڭ ءتۇرلى جولى بار. ەڭ ءتيىمدىسى قايسى؟ ءتىل ماماندارى بەرليتس ءتاسىلىنىڭ ارتىقشىلىقتارىن العا تارتادى. بۇل ءتاسىل ورتا جاستاعى، ەگدە تارتقان ادامداردىڭ ءتىلدى مەڭگەرۋىنە وتە قولايلى.

ميعا سالماق تۇسىرمەي، قاتىپ قالعان ەرەجەلەرگە باعىنباي-اق، اۋىزەكى سويلەسۋ ارقىلى كەرەك ءتىلدى جەتىلدىرۋگە كومەكتەسەتىندىكتەن كوپ ادام وسى ءتاسىلدى قولدانادى. سويلەۋ، ديالوگ ورناتۋ، ءتۇسىندىرۋ ارقىلى ءتىل ۇيرەنۋشى جاڭا سوزدەردى جاتتاپ، سوزدىك قورىن مولايتا تۇسەدى. ياعني، بۇل ءتىلى ەندى شىعىپ كەلە جاتقان بالانىڭ انا ءتىلىن ۇيرەنۋ پروتسەسى سياقتى. تەك ەستۋ، سونى قايتالاپ ايتۋ، دىبىستاۋ ارقىلى جۇزەگە اسادى.

نەمىس ەنسيكلوپەدياسىندا بەرليتس تاسىلىنە بىلاي انىقتاما بەرگەن: «بەرليتس ءتاسىلى - ءتىل ۇيرەنۋگە نيەتتى ادامعا، ءوزىنىڭ انا ءتىلىن ۇيرەنۋ كەزىندەگىدەي اسەر بەرەتىن تابيعي زاڭدىلىقتارعا نەگىزدەلگەن جۇيەلى ءتاسىل».

ماكسيميليان دەلفينيۋس بەرليتس 1852 -جىلى گەرمانيادا، يەۆرەيلەر وتباسىندا دۇنيەگە كەلگەن. 1870 -جىلداردىڭ باسىندا ول فرانسياعا، كەيىن ا ق ش-قا كوشتى. ءومىرىنىڭ كوپ بولىگىن ۇستازدىق جولعا ارناپ، فرانسۋز، نەمىس تىلدەرىنەن ساباق بەردى. كۇندەردىڭ كۇنىندە بەرليتس اۋىرىپ قالىپ، ارىپتەسى، فرانتسۋز نيكولاس جوليگە ءوز ورنىنا فرانسۋز تىلىنەن ساباق بەرە تۇرۋىن وتىنەدى.

الايدا بەرليتس ارىپتەسىنىڭ اعىلشىن ءتىلىن مۇلدە بىلمەيتىنىنەن بەيحابار ەدى. ال توپتا تولىعىمەن امەريكالىق ستۋدەنتتەر وقيتىن. جولي اۋديتورياعا كىرگەننەن تازا فرانسۋز تىلىندە ساباق جۇرگىزگەن. ستۋدەنتتەردىڭ تۇسىنبەگەن سوزدەرىن سوزدىكتىڭ كومەگىمەن ەمەس، ءىس- قيمىلمەن كورسەتۋ ارقىلى، ميميكا، ينتوناتسيا ارقىلى ءتۇسىندىرىپ وتىرعان. ارادا التى اپتا وتكەندە بەرليتس ساۋىعىپ، قايتادان ءوز ستۋدەنتتەرىنە ورالادى. وسى كەزدە شاكىرتتەرىنىڭ بويىنان ءتىلدى ۇيرەنۋگە دەگەن قىزىعۋشىلىقتارىنىڭ ارتقانىن، وزدەرى تۇسىندىرە الماعان ويلارىن ءىس-قيمىلمەن، سينونيمدەرمەن ءتۇسىندىرىپ جاتقانىن كورىپ تاڭقالادى. وسى جاعدايدان كەيىن ول ستۋدەنتتەرىمەن سويلەسۋ كەزىندە اعىلشىن ءتىلىن مۇلدە ارالاستىرمايتىن بولعان.

بەرليتس ءتاسىلىنىڭ 5 پرينسيپى:

1) ماقسات - ءبىرىنشى سويلەپ ۇيرەنۋ، سودان كەيىن عانا وقۋعا، جازۋعا كوڭىل ءبولۋ؛

2) اۋىزەكى سويلەسۋ ارقىلى جاڭا سوزدەردى جاتتاۋ؛

3) ءسىز ۇيرەنۋگە تالپىنعان ءتىلدى تەك سول ءتىلدى انا ءتىلىم دەپ قابىلدايتىن ادام عانا ۇيرەتە الادى؛

4) وقۋ پروتسەسى كەزىندە ستۋدەنت ءارقاشان بەلسەندى بولادى؛

5) تۇسىنىكسىز ءسوزدى ءوز انا تىلىڭىزگە اۋدارۋعا تىيىم سالىنادى. بەرليتس تاسىلىنەن بولەك، ءتىل مەڭگەرۋدىڭ ءتۇرلى جولدارى بار. وسىعان دەيىن وسى تاقىرىپ شەڭبەرىندە الەمدىك جۇلدىزدار تاجىريبەسىن جازعان ەدىك.


باستى سوزدەر: الةم,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات