جەلتوقسان ايى جايلى دەرەكتەر

نۇر-سۇلتان. قازاقپارات - جەلتوقسان - جىل مەزگىلىنىڭ سوڭعى، قىستىڭ العاشقى ايى.

بۇل ايدىڭ اتاۋى تۇركى سوزدەرىنىڭ بىرىگۋىنەن پايدا بولعان. «جەل» جانە «توقسان» ءسوزىنىڭ ماعىناسى 3 اي جەل، بوران دەگەن ماعىنانى بىلدىرەدى.

قىستىڭ العاشقى ايى رەتىندە تۇرىكتەر جەلتوقساندى «جەل ايى»، «توقسان ايى» دەپ تە اتاعان. جەلتوقساندى «ماندارين ايى» دەپ اتاۋشىلار دا كوپتەپ كەزدەسەدى. جاڭا جىل مەرەكەسىندە ءار داستارحاننان ورىن الاتىن سارى جەمىستىڭ اتاۋىن ايدىڭ اتىمەن الماستىرۋعا دا بولاتىن سياقتى.

ءدال وسى ايدا الەمنىڭ كوپتەگەن ەلىنە ماروككو مەملەكەتىنەن سوڭعى پىسكەن مانداريننىڭ جاڭا پارتياسى جونەلتىلەدى. باعاسى دا ارزان، ءدامى دە ەرەكشە بۇل جەمىستىڭ ادام دەنساۋلىعىنا پايداسى كوپ. ءبىراق، بۇل جەمىستى مولشەردەن تىس تۇتىنۋ اسقازانعا كەرى اسەرىن تيگىزۋى مۇمكىن.