الماتىدا نۇرسۇلتاندار قايىرىمدىلىق اكسياسىن باستادى

الماتى. قازاقپارات - قازاقستان رەسپۋبليكاسىنىڭ تۇڭعىش پرەزيدەنتى كۇنىنە وراي Nur Otan پارتياسىنىڭ نۇرسۇلتان ەسىمدى مۇشەلەرىنىڭ ۇسىنىسىمەن پارتيانىڭ الماتى قالالىق فيليالىنىڭ قولداۋىمەن «ارماندار ورىندالادى» قايىرىمدىلىق اكسياسى ۇيىمداستىرىلدى، دەپ حابارلايدى قازاقپارات قالا اكىمدىگىنە سىلتەمە جاساپ.

«نۇرسۇلتان ەسىمدى 100 ازامات ارنايى برەندتەلگەن اۆتوبۋسپەن «اقساي» رەسپۋبليكالىق كلينيكالىق بالالار اۋرۋحاناسىنا بارىپ، ونداعى ەمدەلىپ جاتقان 100 بالانى مەرەكەمەن قۇتتىقتاپ، ولارعا وزدەرى قالاعان باعالى سىيلىقتارىن تابىس ەتتى. بۇل مەديتسينالىق مەكەمەدە كۇردەلى دياگنوزى بار بالالار ەم قابىلدايدى. بالالاردىڭ بارلىق تىلەكتەرى الدىن الا جينالعان بولاتىن»، دەلىنگەن اكىمدىكتىڭ Telegram-داعى پاراقشاسىندا.

شارا سوڭىندا تۇڭعىش پرەزيدەنت ساياباعىندا اكسياعا قاتىسۋشىلار قايىرىمدىلىق چەللەندجىن باستاپ، قازاقستاندىقتارعا وسى ءىس-شارانى قولداپ، ناۋقاس بالالارعا كومەك كورسەتۋ تۋرالى ۇندەۋ جاسادى. اۋىر دەرتكە شالدىققان بالالارعا كومەك كورسەتۋ ءۇشىن وسى اكسياعا قاتىسۋعا بولادى. انىقتاما ءۇشىن Nur Otan پارتياسى الماتى قالالىق فيليالىنا حابارلاسۋ كەرەك.