ەلوردادا كوپبالالى وتباسىعا بەرىلەتىن جالدامالى پاتەرلەرگە قۇجات قابىلداۋ باستالدى
نۇر- سۇلتان قالاسىنىڭ «تۇرعىن ءۇي قورى» كمم ساتىپ الۋ قۇقىعىنسىز جالدامالى پاتەرگە قۇجاتتاردى قابىلداي باستادى. بۇل باعدارلامادا «التىن القا»، «كۇمىس القا» القالارىمەن ناگرادتالعان نەمەسە بۇرىن «باتىر انا» اتاعىن العان، سونداي-اق I جانە II دارەجەلى «انا داڭقى» وردەندەرىمەن ناگرادتالعان كوپبالالى انالار، كوپبالالى وتباسىلار ساناتتاعى تۇرعىن ءۇي كەزەگىندەگى كوپبالالى وتباسىلار قاتىسا الادى. بارلىعى 251 پاتەر، ونىڭ 184 ى ءۇش بولمەلى (65-85 ش. م. )، 67 سى ەكى بولمەلى (60-70 ش. م. ) قۇجاتتاردى 1 -جەلتوقسان مەن 6 جەلتوقسان ارالىعىندا نۇر-سۇلتان قالاسىنىڭ اكىمدىگىنىڭ «تۇرعىن ءۇي قورى» ك م م ر. قوشقاربايەۆ داڭعىلىنداعى 39-ۇيدە قابىلدايدى.
مەكەمە قۇجاتتاردى 1-2 -جەلتوقساندا ساعات 10.00-دان 16.00-گە دەيىن، 3-6 -جەلتوقسان ساعات 8.30-دان 17.00-گە دەيىن قابىلدايدى. ءۇزىلىس ساعات 13.00 دەن 14.30 عا دەيىن.
تۇرعىن ۇيگە ۇمىتكەرلەر كەلەسى قۇجاتتاردى تاپسىرۋى كەرەك:
ءوتىنىش؛ ءوتىنىش بەرۋشى مەن ونىڭ وتباسى مۇشەلەرىنىڭ جەكە باسىن كۋالاندىراتىن قۇجات؛ نەكە قيۋ/نەكەنى بۇزۋ، جۇبايىنىڭ/زايىبىنىڭ قايتىس بولۋى، بالالاردىڭ تۋۋ تۋرالى كۋالىكتەرى، ءوتىنىش بەرۋشىنىڭ نەكەدە تۇرمايتىندىعى تۋرالى ح ق و- نان انىقتاما؛ ءوتىنىش بەرۋشىنىڭ جانە ونىمەن تۇراقتى بىرگە تۇراتىن وتباسى مۇشەلەرىنىڭ قازاقستان رەسپۋبليكاسىنىڭ اۋماعى بويىنشا مەنشىك قۇقىعىنداعى ءۇيىنىڭ نەمەسە ساتىپ الۋمەن جالدامالى تۇرعىن ءۇيىنىڭ بار نەمەسە جوق ەكەندىگى تۋرالى انىقتاما؛ جىلجىمايتىن مۇلىككە تىركەلگەن قۇقىقتار جانە ونىڭ تەحنيكالىق سيپاتتامالارى (بالشىقتان قۇيىلعان جانە قاڭقالى- قامىستى تۇرعىن ۇيدەگى، جاتاقحاناداعى بولمەدە ۇلەسى بولعان كەزدە) تۋرالى انىقتاما، سونداي-اق اتالعان جاعدايلاردا مەنشىك قۇقىعىنىڭ تۋىنداۋىن راستايتىن قۇجاتتار. سونىمەن قاتار، كوپبالالى انا كىتاپشاسى (ەگەر بار بولسا كوشىرمەسى) بولۋى ءتيىس.
ەسكە سالا كەتسەك، تاياۋدا قالادا «بەرەكەلى باسپانا» باعدارلاماسى بويىنشا باسپانا بەرىلەتىن 419 ادامنىڭ ءتىزىمى جاريالاندى.