ەلوردادا مەرەكە كۇندەرى قايدا بارۋعا بولادى

نۇر- سۇلتان. قازاقپارات - الداعى دەمالىس كۇندەرى ەلوردادا قازاقستان رەسپۋبليكاسىنىڭ تۇڭعىش پرەزيدەنتى كۇنىنە ارنالعان ءبىرقاتار مەرەكەلىك ءىس- شارالار وتەدى.

 اتاپ ايتقاندا، قالا تۇرعىندارى مەن قوناقتارى كونسەرتتەر، سپورتتىق ويىندار، كورىنىستەر مەن شوۋلاردى تاماشالاي الادى، دەپ حابارلايدى قالا اكىمدىگىنىڭ رەسمي سايتى.

30 - قاراشادا «استانا» كونتسەرت زالىندا «بايدىڭ بالالارى» ءازىل- سىقاق كونسەرتى وتەدى. كەش ساعات 19:00 دە باستالادى. 30 - قاراشا مەن 1 - جەلتوقسان ارالىعىندا ەلوردالىق سيرك قالا تۇرعىندارى مەن قوناقتارىن ماسكەۋلىك «ەكستريم» سيركىنىڭ شوۋىنا شاقىرادى. قويىلىم ساعات 16:00 دە وتەدى.

تاعى سونداي اسەرلى شوۋدى تاماشالاۋ ءۇشىن دەلفينارييگە بارۋعا بولادى. «دەلفيندەر مەن كاريب تەڭىزىنىڭ قاراقشىلارى» دەگەن جارقىن اتاۋمەن كورىنىستەر - 30 - قاراشا مەن 2 - جەلتوقسان ارالىعىندا.

قالا تۇرعىندارىنا 1 - جەلتوقساندا دا مادەني جانە سپورتتىق باعدارلامالار دايار تۇر. ساعات 15:00 دە «استانا وپەرا» تەاترىندا «ەلى سۇيگەن، ەلىن سۇيگەن ەلباسى» كونسەرتى وتەدى. ەكى ساعاتتان كەيىن، وسى جەردە «رايموندا» بالەتى قويىلادى.

ال، «استانا بالەت» تەاترى تۇرعىنداردى كورەرمەن كوزايىمىنا اينالعان «ۇلى دالا مۇراسى» كونسەرتتىك باعدارلاماسىن تاماشالاۋعا شاقىرادى. سونداي- اق، كورەرمەندەر «جۋسان» بالەتىن كورىپ باعاسىن بەرە الادى. ونىڭ باستالۋى ساعات 18:00 دە.

سول كۇنى «قازاقستان» و ك ز- دا الەمگە ايگىلى «تۇران» ەتنو- فولكلورلىق ءانسامبلىنىڭ 10 جىلدىعىنا ارنالعان ۇلكەن كونسەرتى بولادى. انسامبل «كارنەگي حولل» (نيۋ- يورك، ا ق ش) ، «كەننەدي ورتالىعى» (ۆاشينگتون، ا ق ش) ، «كونسەرت حاۋس» (بەرلين، گەرمانيا) ، «كرەمليەۆسكي دۆورەتس» (ماسكەۋ، رەسەي) ، «كونگرەسس جانە فەستيۆالدار سارايى» (كاننى، فرانسيا) ، «ساللە كورتو» (پاريج، فرانسيا) جانە ت. ب. اتاقتى كونسەرت زالدارىندا ونەر كورسەتكەن.

انسامبلمەن بىرگە ساحنادا ەلوردالىق فيلارمونيانىڭ سيمفونيالىق وركەسترى، «Astana musical»  مەملەكەتتىك تەاترى، قازاق ۇلتتىق حورەوگرافيا اكادەمياسىنىڭ ارتىستەرى، ءانشى مەرۋەرت ءمۇسىرالى ونەر كورسەتەدى.

ەلوردالىق تەاترلار دا كورەرمەندەردى وسى كۇنى بىردەن ءۇش قويىلىممەن قۋانتادى. 1 - جەلتوقسان كۇنى ساعات 12:00 جانە 16:00 دە قۋىرشاق تەاترىنىڭ ارتىستەرى «ەر توستىك» ەرتەگىسىن كورسەتەدى.

كەشكە، ساعات 18:00 دە «Nomad City Hall» ساحناسىندا «قوش، ماحاببات» سپەكتاكلىن كورۋگە بولادى. ال ق. قۋانىشبايەۆ اتىنداعى قازاق مۋزىكالىق- دراما تەاترى ساعات 19:00 دە باستالاتىن «ءشامشى» قويىلىمىنا شاقىرادى.

سپورت سۇيەر قاۋىم «بارىس» جانە «دينامو مينسك» كوماندالارى اراسىنداعى شايبالى حوككەيدەن ماتچتا كومادالارىنا قولداۋ كورسەتە الادى. كەزدەسۋ ق ح ل چەمپيوناتى اياسىندا «بارىس ارەنا» مۇز سارايىندا وتەدى. ويىن ساعات 17:00 دە باستالادى.