سىبايلاس جەمقورلىققا جول بەرگەن باسشى ون كۇن ىشىندە وتستاۆكاعا كەتۋگە مىندەتتى

نۇر-سۇلتان. قازاقپارات - بۇدان بىلاي سىبايلاس جەمقورلىق دايەگى راستالعان ۇيىمنىڭ ءبىرىنشى باسشىسى ون كۇن ىشىندە وتستاۆكاعا كەتۋگە مىندەتتى.

«قازاقستان رەسپۋبليكاسىنىڭ كەيبىر زاڭنامالىق اكتىلەرىنە مەملەكەتتىك قىزمەت جانە سىبايلاس جەمقورلىققا قارسى ءىس- قيمىل ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭعا ەنگىزىلگەن جاڭاشىلدىق وسى.

 ماماندار مەملەكەت باسشىسى قول قويعان قۇجاتتىڭ ەلدەگى پارا الۋ ماسەلەسىن ازايتادى دەگەن سەنىمدە. ەلوردادا جىل باسىنان بەرى ءتۇرلى سالادا 40 تان اسا سىبايلاس جەمقورلىق قىلمىستارى انىقتالعان. ونىڭ ىشىندە جەرگىلىكتى اتقارۋشى ورگاننىڭ 2 لاۋازىمدى تۇلعاسى سوتتالدى. بۇگىن باس قالادا سوتقا دەيىنگى تەرگەۋ ناتيجەلەرى بويىنشا 10 ءىس قارالدى.

جەمقورلىق فاكتىلەرى ازايعانىمەن، مەملەكەتتىك ساتىپ الۋ بويىنشا ولقىلىقتاردى اۋىزدىقتاۋ مۇمكىن بولماي تۇر. ماماندار «استانا - ادالدىق الاڭى» جوباسى اياسىندا ماسەلەنى شەشۋگە مۇددەلى.

جازيرا جىلقىشيەۆا، ق ر سىبايلاس جەمقورلىققا قارسى ءىس- قيمىل اگەنتتىگىنىڭ نۇر- سۇلتان قالاسى بويىنشا باسشىسىنىڭ ءبىرىنشى ورىنباسارى:

 - ەسىل اۋداندىق اكىمى اپپاراتىندا جۇمىس ىستەگەن باس ماماننىڭ ءوزى ەلەۋسىزوۆ دەگەن ازامات سىبايلاس جەمقورلىققا بارىپ، سوت ۇكىمى شىقتى، سونى ۇجىمدا قاراعان بولاتىن. ول تامىز ايىندا جولدانعان ۇسىنىس. ءالى كۇنگە دەيىن ۇجىمدا قارالماعان. سول قارالماعان ۇسىنىستاردى جيناقتاپ، قالا اكىمىنىڭ ورىنباسارى ءبىر اپتانىڭ ىشىندە بۇكىل ۇجىمدى جيناپ، قاراستىرۋدى جانە حاتتاما تولتىرىپ، ونى جولداۋدى ۇسىندى. سونداي قىلمىستاردى ءبىزدىڭ قىزمەتكەرلەرمەن بىرىگىپ قارايمىز.

www.24.kz