ميلليونەرلەردەن قانداي جاقسى ادەتتەر ۇيرەنۋ كەرەك
ول ولاردىڭ كۇندەلىكتى ارەكەتتەرى ءبىر-بىرىنە ۇقسايتىنىن بايقادى جانە ءدال سول ارەكەتتەر ولاردىڭ تابىسقا جەتۋلەرىنە ىقپال ەتى دەگەن قورىتىندىعا كەلدى.
ومىرىڭىزگە بۇگىننەن باستاپ قولدانۋعا بولاتىن ميلليونەرلەردىڭ 17 ادەتى:
1. ۇنەمى وقۋ
ميلليونەرلەر كوڭىل كوتەرۋ ءۇشىن ەمەس، ءوزىن- ءوزى دامىتۋ ءۇشىن وقيدى. كورلي ولاردىڭ %88 ى «كۇنىنە وزدىگىنەن ءبىلىم الۋ نەمەسە ءوزىن-ءوزى كەمەلدەندىرۋ ءۇشىن كەم دەگەندە 30 مينۋت ۋاقىتىن وقۋعا بولەدى» جانە «ولاردىڭ كوپشىلىگى كوڭىل كوتەرۋ ءۇشىن وقىمايدى» دەپ جازدى.
«بايلار ءبىلىم الۋ ءۇشىن نەمەسە ونى دەمەۋ ءۇشىن وقيدى» دەيدى ول.
سونداي-اق، توماس كورلي ميلليونەرلەر ادەبيەتتىڭ ءۇش ءتۇرىن تاڭداۋعا بەيىم ەكەنىن انىقتادى: تابىستى ادامداردىڭ ءومىربايانى، تۇلعانى دامىتۋ تۋرالى كىتاپتار جانە تاريحي كىتاپتارى.
2. سپورتپەن شۇعىلدانۋ
«باي ادامداردىڭ %76 ى كۇن سايىن كەم دەگەندە 30 مينۋت بويى اەروبتى جاتتىعۋلار جاسايدى»، - دەيدى كورلي. اەروبتى جاتتىعۋلار كارديوعا بايلانىستى بارلىق نارسەلەردى قامتيدى: جۇگىرۋ، ءجۇرۋ جانە ۆەلوسيپەد.
«كارديو تەك فيزيكالىق جاعدايعا عانا ەمەس، سونىمەن قاتار ميعا دا پايدالى. ول نەيرونداردى قالپىنا كەلتىرۋگە كومەكتەسەدى»، - دەپ جازادى كورلي.
«دەنە جاتتىعۋلارى سونىمەن قاتار گليۋكوزا ءوندىرىمىن ارتتىرادى. گليۋكوزا ميعا ارنالعان وتىن. ءسىز وعان قانشالىقتى كوپ جانارماي بەرسەڭىز، ول سوعۇرلىم جاقسى جۇمىس ىستەيدى جانە ءسىز اقىلدى بولاسىز» - دەيدى كورلي.
3. تابىستى ادامدارمەن ارالاسۋ
«ءسىزدىڭ جەتىستىكتەرىڭىز ءسىز ءجيى سويلەسەتىن ادامدار قانشالىقتى تابىستى بولۋىنا بايلانىستى. ميلليونەرلەر ءارقاشان ماقساتتى، ءوپتيميستى، ىنتالى جانە جالپى ءپوزيتيۆتى ويلايتىن ادامداردى ىزدەيدى»، - دەپ جازادى كورلي. ول تەرىس كوزقاراستى ادامداردان اۋلاق بولۋ وتە ماڭىزدى ەكەنىن باسا ايتادى، ويتكەنى «دەسترۋكتيۆتى سىن ءسىزدى تابىستى بولۋدان ايىرادى».
4. قايىرىمدىلىقپەن اينالىسۋ
وزدەرىن بەدەلدى ادامدارمەن قورشاۋ ءۇشىن كوپتەگەن ميلليونەرلەر قايىرىمدىلىق جۇمىستارىمەن اينالىسادى، دەيدى كورلي. «مىنە، سوندىقتان كوپتەگەن باي ادامدار قوعامدىق ۇيىمداردا ءوز ەرىكتەرىمەن جۇمىس ىستەيدى. بۇل ولارعا باسقا تابىستى ادامدارمەن تانىسۋ جەلىسىن كەڭەيتۋگە كومەكتەسەدى»، - دەپ جازادى ول. ول ادەتتەرىن زەرتتەگەن ميلليونەرلەردىڭ %72 اي سايىن ەرىكتىلەردىڭ جۇمىسىنا كەم دەگەندە بەس ساعات بولگەن.
5. ارمانداردى تۇجىرىمداۋ
«ارمانداردى تۇجىرىمداۋعا ءسىزدىڭ يدەالدى ءومىرىڭىزدىڭ ستسەنارييىن جاساۋ كىرەدى. ءسىزدىڭ بارلىق تىلەكتەرىڭىز ورىندالادى دەپ ەلەستەتىپ، ءسىز ءوزىڭىزدى جانە بولاشاقتاعى ءومىرىڭىزدى سۋرەتتەيسىز. سودان كەيىن بەس جۇزدەن مىڭعا دەيىن سوزدەردى قولدانىپ قاعاز بەتىنە تۇسىرەسىز»، - دەپ تۇسىندىرەدى كورلي. ونىڭ زەرتتەۋلەرىنە قاتىسقانداردىڭ 61%- ى وسى ءادىستى قولداناتىندارىن حابارلادى.
6. ءوز ماقساتتارىڭدى كوزدەۋ
«ءوز قالاۋىڭىز بەن ماقساتتارىڭىزعا جەتۋگە تىرىسىپ قۋدالاۋ ۇزاق ۋاقىتتىق باقىت پەن ۇلكەن بايلىققا قول جەتكىزۋگە مۇمكىندىك بەرەدى»، - دەپ جازادى كورلي. كوپتەگەن ادامداردىڭ جىبەرەتىن قاتەلىگى باسقا بىرەۋدىڭ ارمانىنا جەتۋگە تىرىسۋ، مىسالى، اتا- انالارىنىڭ ارمانى، تابىستى ادامدار وزدەرىنىڭ ماقساتتارىن انىقتايدى جانە ولارعا جەتۋ ءۇشىن بار كۇشىن سالادى.
«قۇمارلىق جۇمىستى جاعىمدى ەتەدى. قۇمارلىق ساتسىزدىكتەر مەن قاتەلىكتەردى جەڭۋ ءۇشىن قاجەت قۋات پەن تاباندىلىقتى بەرەدى»، - دەپ جازادى كورلي.
7. جەتى ساعاتتان از ۇيىقتاماۋ
«ۇيقى ساتتىلىك ءۇشىن وتە ماڭىزدى»، - دەيدى كورلي. ونىڭ زەرتتەۋىنە
قاتىسقانداردىڭ %89 ى جەتى ساعاتتان از ۇيىقتامايتىندارىن ايتتى. «ۇيقى كوپتەگەن بەيماعلۇم تاپسىرمالاردى ورىندايدى» ونىڭ ىشىندە ەستە ساقتاۋ قابىلەتىن جاقسارتۋ دا بار، - دەيدى ول.
8. ەرتە تۇرۋ
ادەتتەرى زەرتتەلگەن ميلليونەرلەردىڭ شامامەن %50 ى جۇمىس كۇنى باستالعانعا دەيىن ءۇش ساعات الدىن وياناتىندارىن ايتتى. وسىلايشا ولار ۇزاق ۋاقىتقا سوزىلاتىن جينالىس، كولىك كەپتەلىسى نەمەسە اۋىرىپ قالعان بالانى مەكتەپتەن الىپ كەتۋ سياقتى ءسوزسىز بولىپ تۇراتىن جاعدايلارمەن كۇرەسەدى.
«بۇل توسىن جاعدايلار بىزگە پسيحولوگيالىق اسەر ەتەدى. ولار ءتۇپساناعا ەنىپ، ءبىزدىڭ ءومىرىمىزدى باسقارا المايمىز دەگەن سەنىم قالىپتاستىرۋى مۇمكىن. ءبىر كۇندە اياقتاعىڭىز كەلەتىن ءۇش نەگىزگى نارسەنى اياقتاۋ ءۇشىن تاڭعى بەستە تۇرۋ سىزگە باقىلاۋدى قالپىنا كەلتىرۋگە كومەكتەسەدى. ول سىزگە شىنىمەن ءومىردى باسقاراتىندىعىڭىزعا سەنىمدىلىك بەرەدى»، - دەپ جازادى كورلي.
9. بىرنەشە كىرىس كوزىنە يە بولۋ
«ءوز كۇشىمەن داۋلەتكە جەتكەن ميلليونەرلەر ءبىر تابىس كوزىنە سۇيەنبەيدى. ولار بىرنەشە اقشا اعىندارىن دامىتادى»، - دەپ جازادى جازۋشى. «ءۇش سانى مەنىڭ زەرتتەۋىمدە سيقىرلى سانعا اينالعانعا ۇقسايدى»، - دەپ جازادى كورلي، رەسپوندەنتتەردىڭ %65 ى «العاشقى ميلليونىنا قول جەتكىزگەنگە دەيىن كەم دەگەندە ءۇش تابىس كوزىنە يە بولعانىن» اتاپ كورسەتتى. وسى قوسىمشا اقشا اعىندارىنىڭ مىسالدارىنا: جالعا جىلجىمايتىن مۇلىكتى بەرۋ، قور نارىعىندا ينۆەستيتسيالاردىڭ بولۋى جانە قوسىمشا بيزنەستە جارتىلاي مەنشىك يەسى بولۋ جاتادى.
10. تالىمگەرلەردى تابۋ
«تالىمگەر تابۋ بايلىقتى جيناۋ پروتسەسىن تەزدەتەدى»، - دەيدى كورلي. «تالىمگەرلەر سىزگە تەك وڭ اسەر ەتپەيدى. ولار ۇنەمى جانە بەلسەندى تۇردە ءسىزدىڭ جەتىستىكتەرىڭىزگە قاتىسادى، نە ىستەۋ كەرەك جانە نە ىستەمەۋ كەرەك دەپ كەڭەس بەرەدى. ولار وزدەرىنىڭ تالىمگەرلەرىنەن نەمەسە ءومىردىڭ قاتال مەكتەبىنەن العان قۇندى ساباقتارىمەن بولىسەدى».
11. باسقالارعا جەتىستىككە جەتۋگە كومەكتەسۋ
«جەتىستىككە ۇمتىلعان ادامدارعا كومەكتەسۋ وزىڭىزگە دە جەتىستىككە جەتۋگە مۇمكىندىك بەرەدى. مۇنى ماقساتتاس ادامدار توبىنىڭ قولداۋىنسىز ەشكىم جاساي المايدى. كوماندا قۇرۋدىڭ ەڭ جاقسى ءتاسىلى - باسقا ءورشىل ادامدارعا كومەك ۇسىنۋ. جەتىستىككە ۇمتىلاتىن، ومىرگە قۇشتار، ماقساتتى، ءپوزيتيۆتى جانە شابىتتاندىراتىن ادامدارعا كومەكتەسۋگە باسا نازار اۋدارۋ كەرەك» - دەيدى كورلي.
12. ءارقاشان پوزيتيۆتى ويلاۋ
«الەمگە ءپوزيتيۆتى كوزقاراستا بولعاندا عانا ۇزاق مەرزىمدى جەتىستىككە جەتۋگە بولادى. مەنىڭ زەرتتەۋىمدە بارلىق ميلليونەرلەردىڭ ەرەكشە بەلگىسى پوزيتيۆتىلىك بولدى»، - دەپ جازادى كورلي. ونىڭ پىكىرىنشە، ادامداردىڭ كوپشىلىگىنىڭ پروبلەماسى - ولار وڭ دا، تەرىس تە بولسىن ءوز ويلارىن سەزىنبەيدى. «ەگەر ءسىز ءوز ويلارىڭىزعا كوڭىل ءبولىپ زەردەسىنە جەتسەڭىز ولاردىڭ كوپشىلىگى نەگاتيۆتى ەكەنىن بايقايسىز. ءبىراق ءسىز ولاردى زەردەلەگەندە عانا ولاردىڭ مۇنداي ەكەنىن تۇسىنەسىز. زەردەلەۋ - بۇل كىلت»، - دەيدى جازۋشى.
13. كوپشىلىكتىڭ ارتىنان ەرمەۋ
«ءبىز كوپشىلىكپەن بىرىگىپ، كوپشىلىكتىڭ قاتارىنا قوسىلعىمىز كەلەدى، سوندىقتان ودان شىقپاۋ ءۇشىن قولىمىزدان كەلگەننىڭ ءبارىن جاسايمىز»، - دەپ سانايدى كورلي. سوندىقتان «كوپتەگەن ادامداردىڭ جەتىستىككە جەتە الماۋلارىنىڭ سەبەبى ءوزىن توبىردان بولە الماۋى»، - دەيدى ول. جازۋشىنىڭ ايتۋىنشا، تابىستى ادامدار وزدەرىنىڭ توپتارىن قۇرىپ، ءىزباسارلارىن تارتادى.
14. ەتيكەت ەرەجەلەرىن ۇيرەنۋ
«ءوز كۇشىمەن داۋلەتكە جەتكەن ميلليونەرلەر بەلگىلى ءبىر ەتيكەت ەرەجەلەرىن يگەرگەن، ءسىز دە جەتىستىككە جەتۋدى قالاساڭىز، ولاردى يگەرۋىڭىز كەرەك» دەپ جازادى كورلي.
بۇل ەرەجەلەرگە العىس حاتتاردى جىبەرۋ، ۇيلەنۋ جانە تۋعان كۇندەر سياقتى ماڭىزدى وقيعالاردا قۇتتىقتاۋ، داستارقان باسىندا ادەپ ەجەلەرىن ساقتاۋ جانە ءىس- شارالارعا دۇرىس كيىمدى تاڭداۋ كىرەدى.
15. كۇنىنە 15-30 مينۋت ويعا شومۋ
«ويلانىپ- تولعانۋ تابىستىڭ كىلتى»، - دەيدى كورلي. باي ادامدار كۇندە تاڭەرتەڭ كەمىندە 15 مينۋتىن جالعىزدىقتا ويعا شومۋعا بولەدى.
جازۋشىنىڭ ايتۋىنشا، «ولار كۇن سايىن جەكە قالىپ كوپتەگەن ماسەلەلەردى قامتيتىن مي شابۋىلدارىن وتكىزەدى» - مانساپ پەن قارجىدان باستاپ دەنساۋلىق پەن قايىرىمدىلىققا دەيىن.
ولار «كوبىرەك اقشا تابۋ ءۇشىن نە ىستەي الامىن؟»، «جۇمىسىم مەنى باقىتتى ەتەدى مە؟»، «مەن كوپ جاتتىعامىن با؟»، «مەن تاعى قانداي قايىرىمدىلىق جوبالارىنا قاتىسا الامىن؟» دەگەن سياقتى سۇراقتار قويادى.
16. كەرى بايلانىس ىزدەۋ
«سىننان قورقۋ - بۇل كەرى بايلانىسقا جۇگىنبەۋىمىزدىڭ سەبەبى. ءبىراق ول نە دۇرىس بولىپ جاتقانىن، قاي جەردە قاتەلىكتەر كەتكەنىن ءتۇسىنۋ ءۇشىن قاجەت. كەرى بايلانىس سىزگە دۇرىس جولدا ەكەنىڭىزدى تۇسىنۋگە كومەكتەسەدى. جاقسى دا، جامان دا پىكىرلەر وقۋ مەن ءوسۋدىڭ ماڭىزدى ەلەمەنتى بولىپ تابىلادى»، - دەيدى كورلي.
سونىمەن قاتار، كەرى بايلانىس سىزگە باعىتتى وزگەرتۋگە جانە جاڭا جۇمىس نەمەسە كاسىپپەن تاجىريبە جاساۋعا مۇمكىندىك بەرەدى. كورلي ايتقانداي، «كەرى بايلانىس كەز- كەلگەن باستامادا جەتىستىككە جەتۋ ءۇشىن قاجەتتى اقپاراتتى بەرەدى».
17. ەشقاشان بەرىلمەۋ
«ءوز كۇشىمەن داۋلەتكە جەتكەن ميلليونەرلەر تاباندى. ولار ەشقاشان ءوز ارماندارىنان باس تارتپايدى. ولار كەمەنى تاستاپ كەتكەننەن گورى كەمەمەن بىرگە سۋعا باتىپ كەتەر ەدى»، - دەپ جازادى كورلي. ونىڭ زەرتتەۋىنە قاتىسقانداردىڭ تورتتەن بىرىنەن كوبى بيزنەستە كەم دەگەندە ءبىر رەت ساتسىزدىككە ۇشىراپ، قايتادان ورالعاندارىن ايتتى. «ەگەر ءسىز جەتىستىككە جەتكىڭىز كەلسە، شەكسىز بولىپ كورىنەتىن باقىتسىزدىقتارعا قارسى ءتوزىمدى بولۋىڭىز كەرەك»، - دەپ جازادى جازۋشى.
كەرىمسال جۇباتقانوۆ، تاريح عىلىمدارىنىڭ كانديداتى