ەلوردا مەكتەپتەرىندە ەلباسى تۋرالى اشىق ساباق ءوتىپ جاتىر

نۇر-سۇلتان. قازاقپارات – ق ر تۇڭعىش پرەزيدەنتى كۇنىنە وراي ەلوردا مەكتەپتەرىندە ەلباسى نۇرسۇلتان نازاربايەۆ تۋرالى اشىق ساباق ءوتىپ جاتىر، دەپ حابارلايدى قازاقپارات.

«قازىرگى قازاقستان. ەلباسى كوشباسشىلىعى» تاقىرىبىندا بالالارعا ەلباسىنىڭ ءومىربايانى، قىزمەتى، ەل باسقارۋداعى ماڭىزدى ساتتەرى باياندالدى.

سونىمەن بىرگە، ن. نازاربايەۆ تۋرالى بەينەروليك كورسەتىلىپ، ويىن تۇرىندە ۆيكتورينالىق سۇراقتار قويىلدى.

ەسكە سالا كەتسەك، 2011 -جىلدىڭ 10 -جەلتوقسانىندا ق ر پارلامەنتى سەناتى دەپۋتاتتارىنىڭ باستاماسىمەن «قازاقستان رەسپۋبليكاسىنداعى مەرەكەلەر تۋرالى» ق ر زاڭىنا تولىقتىرۋ ەنگىزۋ تۋرالى» ق ر زاڭى قابىلدانعان بولاتىن. زاڭ 1 -جەلتوقساندا اتاپ وتىلەتىن قازاقستان رەسپۋبليكاسى تۇڭعىش پرەزيدەنتى كۇنىن بەلگىلەگەن ەدى.

بيىل 1 -جەلتوقسان جەكسەنبىگە تۋرا كەلگەندىكتەن مەرەكە 2 -جەلتوقسانعا اۋىستىرىلىپ، ەكى كۇن قاتارىنان دەمالىس جاريالانادى.