بەرنارد شوۋ: ءوزىڭنىڭ، ءسوزىڭنىڭ، ويىڭنىڭ قادىرىن ءبىل

نۇر-سۇلتان. قازاقپارات – دجوردج بەرنارد شوۋ -  يرلانديالىق دراماتۋرگ، جازۋشى، نوبەل سىيلىعىنىڭ لاۋرەاتى.

► ويلانباستان سويلەي سالساڭ، ويىڭداعىنى اشىپ ايتتىڭ دەگەن ءسوز.

► كوپ ادامدى وزىنە ەش قاتىسى جوق نارسە كوبىرەك قىزىقتىرادى.

► ءوزى ءوتىنىپ سۇراماعان ادامعا كومەكتەسۋگە اسىقپا، الدىڭا كەلمەگەن جانعا كەڭەس بەرەم دەپ كيلىكپە. ءوزىڭنىڭ، ءسوزىڭنىڭ، ويىڭنىڭ قادىرىن ءبىل.

► مەنىڭ قالجىڭداۋ ءتاسىلىم -  بۇل تەك شىندىقتى ايتۋ. ومىردە ودان اسقان كۇلكىلى اڭگىمە جوق.

► دوستار رەنجىسكەندە ءبىر- ءبىرىن جوعالتادى دەپ ويلاۋشى ەدىم. جوق، ولار ىسكە، اقشاعا، ۋاقىتقا كەلگەندە ەكىگە ايىرىلادى ەكەن.

► سويلەۋدى ۇيرەندىڭ بە، دەمەك ءوستىڭ. ۇندەمەۋدى ۇيرەندىڭ بە، دەمەك اقىلىڭ كىردى. ► اۋەدە قۇستاي ۇشۋدى، سۋدا بالىقتاي ءجۇزۋدى ۇيرەندىك. ەندى بىزگە ءبىر عانا ءومىردى ادامشا ءسۇرۋدى ۇيرەنۋ قالدى.

► ادام كىرپىش سەكىلدى، كۇيدىرگەن سايىن ىسىلادى.

► سىزدە دە، مەندە دە الما بار دەيىك، ەكەۋىن اۋىستىرىپ الساق، سىزدە دە، مەندە دە ءبىر- ءبىر المادان بولادى. ال ەگەر سىزدە دە، مەندە دە يدەيا بار بولسا، ولاردى الماستىرىپ الساق، ەكەۋمىزدە دە ەكى- ەكى يدەيادان بولادى.

► سۇيگەنىڭىزدى الۋعا تىرىسىڭىز، ايتپەسە العانىڭىزدى سۇيۋگە تۋرا كەلەدى.

► قولىنان ءىس كەلەتىن ادام ارەكەت ەتەدى، قولىنان تۇك كەلمەيتىن ادام وزگەلەرگە ۇيرەتۋمەن بولادى.

► جالعىزدىققا شىداپ، ودان ءلاززات الا ءبىلۋ -  ناعىز ەرلىك.

► شىنايى بولۋ قاۋىپتى، ونىڭ ۇستىنە اقىماق بولساڭىز، ءتىپتى قورقىنىشتى.

► ناعىز ەركەك -  ءوز ايەلىن ەڭ جاقسى ايەل دەپ ەسەپتەيتىن ازامات.

► ەڭبەگىمىز سىڭبەگەن باقىتتى يەمدەنۋگە حاقىمىز جوق.

► الەم جۇمىس ىستەمەي- اق اقشا تاپقىسى كەلەتىن جالقاۋلار مەن بايىماي- اق جۇمىس ىستەي بەرگىسى كەلەتىن اقىماقتاردان قۇرالادى.

► وتىرىكشى ءۇشىن ەڭ اۋىر جازا -  ادامداردىڭ وعان سەنبەۋى ەمەس، ءوزى ەشكىمگە سەنە الماۋى.

► بي -  كولدەنەڭ قۇشتارلىقتىڭ تىگىنەن بەيلەنگەن كورىنىسى.

► كۇيەۋلەرىڭدى سۇيىڭدەر. ولار سەندەردىڭ ماحابباتارىڭا مۇقتاج. ءتىپتى مۇنى ءوزى مويىنداماسا دا سولاي. ءار ۇلى ازاماتتىڭ ارتىندا ونى شىن بەرىلە سۇيگەن، سەنگەن ايەل تۇرعان.

Massaget.kz