+7 (701) 759 90 19
8 °С : نۇر-سۇلتان
12 °С : الماتى
USD 421.58 EUR 496.83
RUB 5.53 CNY 62.2
جاڭالىقتار

مۇعالىمدى زاڭسىز جۇمىسقا تارتقاندارعا قانداي شارا قولدانىلادى

28 قاراشا 14:45
:ءبولىسۋ
مۇعالىمدى زاڭسىز جۇمىسقا تارتقاندارعا قانداي شارا قولدانىلادى

نۇر-سۇلتان. قازاقپارات - مۇعالىمدى زاڭسىز جۇمىسقا تارتقاندارعا 120 ايلىق ەسەپتىك كورسەتكىشكە دەيىن ايىپپۇل سالىنادى.

بۇل تۋرالى ءماجىلىستىڭ جالپى وتىرىسىندا ق ر ءبىلىم جانە عىلىم ءمينيسترى اسحات ايماعامبەتوۆ ايتتى، دەپ حابارلايدى قازاقپارات ءتىلشىسى.

«قازاقستان رەسپۋبليكاسىنىڭ كەيبىر زاڭنامالىق اكتىلەرىنە پەداگوگ مارتەبەسى، وقۋشى مەن مۇعالىمگە جۇكتەمەنى تومەندەتۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى ازىرلەندى. اتالعان زاڭ جوباسىمەن 3 كودەكسكە جانە 15 زاڭعا وزگەرىستەر مەن تولىقتىرۋلار ەنگىزۋ كوزدەلگەن. زاڭ جوباسىندا مەملەكەتتىك باقىلاۋدىڭ سىرتقى باعالاۋ مەن اككرەديتتەۋدىڭ قولدانىستاعى جۇيەسىن جەتىلدىرۋ بويىنشا ءبىرقاتار نورما قاراستىرىلعان. مۇعالىمدەردى ارتىق جۇمىسقا تارتۋعا، شامادان تىس ەسەپ بەرۋگە، نەگىزسىز تەكسەرۋلەر جۇرگىزۋگە تىيىم سالۋ جانە وسى نورانى ىسكە اسىرۋ ءۇشىن ناقتى سانكسيالار قاراستىرىلعان»، - دەدى زاڭ جوباسىن تانىستىرعان مينيستر.

ونىڭ اتاپ وتۋىنشە، زاڭ جوباسىندا مۇعالىمدەردى ءوز مىندەتىنە جاتپايتىن قىزمەتتەرگە تارتقانىن ءۇشىن جانە ولاردان ورىنسىز ەسەپ بەرۋىن تالاپ ەتكەنى ءۇشىن ءارتۇرلى قۇقىق بۇزۋشىلىق سۋبەكتىسىنە بايلانىستى 20 دان 120 ا ە ك- كە دەيىن ايىپپۇل كوزدەلگەن.

«وسىعان ۇقساس ايىپپۇل جۇمىس ۋاقىتى نورماسىن زاڭسىز اسىرعانى ءۇشىن دە قاراستىرىلىپ وتىر. سونىمەن قاتار ءبىلىم بەرۋ ۇيىمدارىنىڭ ەسەپتىك تىزبەسى مەن فورماسىن بەكىتۋ بويىنشا ءبىلىم مينيسترلىگىنىڭ قۇزىرەتتىلىگى كەڭەيەدى. سونداي-اق مۇعالىمدەردىڭ بىلىكتىلىك تالاپتارىن بەكىتۋ، وقۋشىلار مەن تاربيەلەنۋشىلەردىڭ وقۋىنىڭ قاۋىپسىز جاعدايىن، تاربيەلەنۋشىلەردى كۇتۋ، ولاردى قامتاماسىز ەتۋ نورمالارى دا ساقتالىپ وتىر»، - دەدى مينيستر.

اۆتور: مارلان جيەمباي


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات