14:15, 28 - قاراشا 2019 | GMT +6
ەلوردادا رەسپۋبليكالىق پاتريوتتار فورۋمى ءوتتى
نۇر-سۇلتان. قازاقپارات - ەلوردادا ق ر ۇلتتىق مۋزەيى زالىندا ءداستۇرلى پاتريوتتار فورۋمىنا ەلىمىزدىڭ بارلىق وڭىرىنەن 200 دەلەگات قاتىستى، دەپ حابارلايدى قازاقپارات ءتىلشىسى.
«بۇگىنگى فورۋم قازاقستاندىقتاردىڭ وتانعا دەگەن سۇيىسپەنشىلىگىن ارتتىرادى. وسى جەردە باس قوسقان ازاماتتاردى ەلىمىزدىڭ بەتكە ۇستار تۇلعالارى دەپ بىلەمىن، سەبەبى ەل الدىنداعى بورىشتارىڭىزدى ءوز ەڭبەكتەرىڭىزبەن دالەلدەپ وتىرسىزدار. بۇگىنگى فورۋم سىزدەردە باسقا دا يگى باستامالارعا جەتەلەيدى دەگەن ويدامىن»، - دەدى ق ر مادەنيەت جانە سپورت ۆيتسە- ءمينيسترى نۇرعيسا داۋەشوۆ.
فورۋم جۇمىسى اياسىندا قىزمەتتىك بورىشىن ادال اتقارىپ، ءوز سالاسىندا جەمىستى ەڭبەكتەرىمەن، قول جەتكىزگەن جەتىستىكتەرىمەن، وتان الدىنداعى ەرەن ەرلىگىمەن دارالانعان ازاماتتار ماراپاتتالدى.
اۆتور: زارينا قاھارمان