ءبىلىم ءمينيسترى پەداگوگتى قىزمەتىنە ءتان ەمەس جۇمىسقا تارتۋعا مۇمكىندىك بەرەتىن نورمانى جويۋعا ۋادە بەردى
ايتا كەتەرلىگى، بۇگىن ق ر پارلامەنتى ءماجىلىسىنىڭ جالپى وتىرىسىندا «پەداگوگ مارتەبەسى تۋرالى» زاڭ جوباسى ءبىرىنشى وقىلىمدا تالقىلانىپ جاتىر. تالقىلاۋ بارىسىندا ءماجىلىس دەپۋتاتى زاڭ جوباسىنداعى باستى كەمشىلىكتى اتادى.
«بۇل قوعامعا قاجەتتى تاماشا زاڭ جوباسى. Nur Otan پارتياسىنىڭ سايلاۋالدى ۋادەسىن ورىنداۋعا مۇمكىندىك بەرىپ تە وتىرعان زاڭ. ءبىراق مىنا جەردە مىناداي قىزىق بولىپ تۇر. 6-باپتىڭ 2-تارماعى 1-تارماقشاسىندا بىلاي دەيدى: «پەداگوگتى ونىڭ كاسىپتىك قىزمەتتەرىنە بايلانىستى ەمەس جۇمىس تۇرلەرىنە تارتۋعا جول بەرىلمەيدى»، دەپ جازىلعان. ال زاڭ جوباسىنىڭ 15-بابى 7-تارماقشاسىندا: «قوعامنىڭ الەۋمەتتىك، مادەني جانە ەكونوميكالىق دامۋىنا جاردەمدەسۋگە مىندەتتى» دەيدى. قوعامنىڭ الەۋمەتتىك-ەكونوميكالىق دامۋىنا جاردەمدەسۋ مەنىڭشە مۇعالىمنىڭ قىزمەتىنە كىرمەيدى. تۇلكى بۇلاڭ بولىپ كەتكەن جوق پا؟»، - دەپ سۇرادى دەپۋتات بەكبولات تىلەۋحان مينيستردەن.
وسى ورايدا سوزگە ارالاسقان ءماجىلىس سپيكەرى نۇرلان نىعماتۋلين «اۋرۋ قالسا دا، ادەت قالمايتىندىعىن» ايتىپ كۇلدى.
«شىن مانىندە بۇل تاراپتا ءبىز كەلىسەمىز، قاۋىپ بار. وسىنداي رەداكتسيادا بەرگەننەن كەيىن شىن مانىندە باسقاشا تۇسىنەدى. ءبىزدىڭ ارىپتەستەرىمىزدى جۇمىسقا قايتادان تارتۋعا وسى نورما مۇمكىندىك بەرۋى ىقتيمال. بۇل كەمشىلىكتى مويىندايمىز. جۇمىس تارتىبىندە بۇل ماسەلە جۇمىس توبىندا دا قاراستىرىلدى. 2-وقىلىمعا دەيىن ءسىزدىڭ ۇسىنىسىڭىزدى قابىلدايمىز»، - دەدى اسحات ايماعامبەتوۆ.
بۇل رەتتە نۇرلان نىعماتۋلين زاڭدى پارلامەنتكە اكەلمەي تۇرىپ تۇزەتۋ قاجەتتىگىن قاتاڭ ەسكەرتتى.
«پارلامەنتكە الىپ كەلگەندە ونى نەگە ەنگىزبەيسىزدەر. راسىندا دا وسى ەكى نورمانىڭ ماعىناسى ءبىر-بىرىنە قاراما-قارسى كەلىپ تۇرعانى كورىنىپ تۇر عوي. ءبىر جاعىنان پەداگوگتى باسقا جۇمىسقا تارتۋعا بولمايدى دەيمىز. ال ەكىنشى جاعىنان قوعامدىق جۇمىستارعا كومەكتەسۋ كەرەك دەيمىز»، - دەدى ءماجىلىس سپيكەرى.
اۆتور: مارلان جيەمباي