عالىمدار الەمدەگى التىننىڭ كولەمىن ەسەپتەدى

نۇر-سۇلتان. قازاقپارات - التىننىڭ كوپ بولىگى 1950 -جىلدان بەرى ءوندىرىلدى.

باعالى مەتالدىڭ جارتىسىنا جۋىعى زەرگەرلىك بۇيىمداردى دايىنداۋعا پايدالانىلادى. عالىمدار پلانەتامىزدا قانشا التىن وندىرىلگەنىن ەسەپتەپ شىقتى.

بۇل تۋرالى دۇنيەجۇزىلىك التىن جونىندەگى كەڭەس دەرەگىندە حابارلاندى.

وسى كەزگە دەيىن قازىپ الىنعان التىنداردى ەرىتسە، قابىرعاسىنىڭ ۇزىندىعى 21 مەتر بولاتىن كۋب شىعادى.

2017 -جىلدىڭ سوڭىندا الەمدە وندىرىلگەن التىننىڭ كولەمى 190040 توننانى قۇرادى. بۇل ساناققا تانىمال تاريحي جاساندى زاتتار دا قوسىلعان.

عالىمداردىڭ ەسەبىنە قاراعاندا، 1950 -جىلدان بەرى جەر استىنان التىننىڭ ۇشتەن ەكى بولىگى شىعارىلعان. سونىمەن قاتار، باعالى مەتالدىڭ %47,7 زەرگەرلىك بۇيىمدارعا جۇمسالاتىنى بەلگىلى بولدى.