ءابليازوۆ قازاقستاننان ناقتى قانشا اقشا ۇرلاپ شەتەلگە قاشقان
ميللياردتاعان سوما قالاي ۇرلاندى؟ قولدى بولعان قارجىنى قايتارۋ مۇمكىن بە؟ بۇل جانە باسقا دا ابليازوۆتىڭ قۇيتىرقى ارەكەتتەرى جايلى «Qazaqstan» ۇلتتىق ارناسىنداعى «Masele» باعدارلاماسىندا ايتىلدى.
ابليازوۆتىڭ «قازاقستاننىڭ دەموكراتيالىق تاڭداۋى» دەپ اتالاتىن قوزعالىسى ەكسترەميستىك دەپ تانىلدى. اتالعان ۇيىمنىڭ ماقساتى قانداي؟ جانە ونىڭ جاقتاستارى نەنى ءبىلۋ كەرەك؟
فرانسيادا باس ساۋعالاپ جۇرگەن قاشقىن وليگارح مۇحتار ابليازوۆ قاشان ەلگە قايتادى؟ قۋلىعىنا قۇرىق بويلامايتىن قىلمىسكەردىڭ تاعى قانداي بىلىقتارى بار؟
ايىپتاۋ مەن اقتاۋدىڭ اراسى الشاق، ءبىراق جارق ەتۋ مەن جالپ ەتۋدىڭ اراسى ءبىر- اق قادام. زاڭعا قايشى ارەكەت دالەلدەنسە، بۇل - قىلمىس. قارا باسىن اراشالاپ الۋ ءۇشىن، بۇقارانى بيلىككە ايداپ سالىپ، ءوزىن تاۋەلسىزدىكتىڭ تۇلعاسى ەتىپ كورسەتۋ، اقىلدى ادامنىڭ تىرلىگى ەمەس. ۇلتقا قارسى، جۇرتقا قارسى قىلمىس جاساعان ادامنىڭ ايىبى سوتتىڭ توم-توم ىسىندە دالەلدەنگەنى ءبىر بولەك، قاراپايىم حالىق تا اق پەن قارانى اجىراتىپ السىن دەپ رەسمي اقپارات جينالعان. وزگەلەر ءوز مۇددەسىنە پايدالانىپ كەتپەۋ ءۇشىن نەنى ءبىلۋ ەكرەك.
7,5 ميلليارد دوللار اقشانى مۇحتار ءابليازوۆ ءوزى باسقارعان بانكتەن الىپ، قالتاسىنا باسىپ قاشقان. بۇل رەسمي دەرەك.
ب ت ا بانكتىڭ قورىنان قولدى بولىپ، ابليازوۆتىڭ قالتاسىنا تۇسكەن 7,5 ميلليارد دوللاردىڭ ىشىندە 226 مىڭ ادامنىڭ - 238 ميلليارد اقشالاي سالىمى، 1 ميلليون قازاقستاندىقتىڭ - 21 ميلليارد تەڭگە جالاقىسى بولعان. بۇل اقپاراتتى سول كەزدە باسقارعانعاندار بىلمەگەن ەمەس، ءبىلدى، ءبىراق ۇرلادى. جۇرتقا وسىنشاما قيانات جاساعان ادام، جۇرتتان كەشىرىم سۇراۋ كەرەك ەمەس پە؟
ءابليازوۆ 2000 -جىلداردىڭ باسىندا اباقتىعا ايدالعاندا كەشىرىم سۇراعان ەدى.
«مەن ءوز قاتەلىگىمنىڭ كەسىرىنەن ۇلكەن ساياسي قاتەلىكتەر جاسادىم. سىزدەردىڭ سەنىمدەرىڭىزدى اقتاماي، ەلدىڭ ابىرويىنا نۇقسان كەلتىردىم. سول ىستەرىم ءۇشىن قاتتى ۇيالامىن. جازا باسقان شاكىرتتەرىڭىزدىڭ ءبىرى رەتىندە، كەشىرۋىڭىزدى سۇرايمىن، وتىنەمىن. ارينە مەنى كەشىرۋ وڭاي ءىس ەمەس ەكەنى تۇسىنەمىن»، - دەدى ول.
وكىنگەن كەيىپپەن كەشىرىم سۇرادى. قازىر قاشىپ جۇرگەن ەكس-بانكير. كەشىرىم الدى، ءبىراق ارتىنشا قاراپايىم ەلدىڭ قارجىسىن الىپ، قالتاسىنا باسىپ قاشتى.
بۇل دا سوتتا دالەلدەنگەن دەرەكتەر. حالىقتىڭ جيناپ- تەرگەنىن ۇپتەپ كەتكەن مۇحتار ابليازوۆ قانداي قۇيتىرقى ارەكەتكە باردى. وزگە تۇگىل ءوزىنىڭ جانىندا جۇرەن سەرىكتەستەرىن الداپ سوققانى قالاي؟
مۇحتار ابليازوۆتىڭ باسشىلىق قىزمەتتە جۇرگەن جىمقىرعان قاراجاتىنىڭ جالپى سوماسى، وتە قوماقتى سوما. تىپتەن بۇل قازاقستاننىڭ ج ءى و-نىڭ %10 قۇرايدى ەكەن. وسىدان-اق اككى ۇرىنىڭ مەملەكەت ەكونوميكاسىنا قانشالىقتى زيان تيگىزگەنىن كورەمىز. ءبىراق مۇنداي قوماقتى قاراجاتتى ول قالاي ۇرلاعان؟
ترانسۇلتتىق جۇيە ارقىلى. وسى جۇيەنىڭ كومەگىمەن 2006 -جىلدان 2009 -جىلعا دەيىن بانكتەن قارجىنىڭ باسىم بولىگى بىردەن ابليازوۆتىڭ وفشورلىق كومپانيالارىنا اۋدارىلعان.
«ۇلى بريتانيانىڭ سوتى ابليازوۆتىڭ 9 كومپانياسىن انىقتاعان. ءبارى ولاردىڭ ابليازوۆقا تيەسىلى ەكەنى دالەلدەنگەن. كومپانيا قۇرىلعاننان كەيىن ونىڭ شوتىنا اقشا ءتۇسىپ، كەيىن اقشاسىن شىعارعاننان كەيىن، ولار جۇمىسىن توقتاتقان. ول كومپانيالار سول ءۇشىن عانا اشىلعان»، - دەدى تەرگەۋشى.
بۇل كەزدە بانكتە شەتەلدىك ينۆەستورلاردىڭ قارجىسىنان بولەك، قاراپايىم حالىقتىڭ قاراجاتى جاتقان.