ۇلتتىق بانك كوبەلەك جانە قۇراق كورپەگە ارنالعان مونەتالار شىعاردى
ۇلتتىق بانك 27- قاراشادا نومينالى 500 تەڭگەلىك كۇمىس «دالا قازىناسى» مونەتالار سەرياسىنان «Quraq kórpe» كوللەكتسيالىق مونەتالارىن جانە نومينالى 200 جانە 100 تەڭگەلىك مەلحيور قوسپاسىنان «قازاقستاننىڭ فلوراسى مەن فاۋناسى» مونەتالار سەرياسىنان «Kόbelek. Lasiommata maera» كوللەكتسيالىق مونەتالارىن اينالىسقا شىعاردى.
«Quraq kórpe» توسەنىشىنىڭ تاريحى ەجەلدەن باستاۋ الادى. ول قالىڭدىقتىڭ جاساۋىنا دايىندايدى. ۋاقىت وزگەرەدى، بارىمىزگە تانىس اجەنىڭ كورپەسىن قولدانۋ دا وزگەرەدى. الۋان ءتۇرلى ويۋ-ورنەكتەر، كەمپىرقوساقتىڭ بارلىق ءتۇسى - وسىنىڭ ءبارى قازاق كورپەسى، قولدان جاسالعان قۇراق كورپە»، دەلىنگەن حابارلامادا.
مونەتالار ءتۇرلى ءتۇستى باسۋ تەحنولوگياسىن قولدانا وتىرىپ كۇمىستەن جاسالعان. تيىننىڭ اۆەرسىندە ورتالىق بولىگىندە «QAZAQSTAN RESPÝBLIKASY ∙ REPUBLIC OF KAZAKHSTAN» دەگەن جازبانىڭ قورشاۋىندا ەلتاڭباسى ورنالاسقان. مونەتانى اينالدىرا - ۇلتتىق ويۋ-ورنەك سالىنعان. مونەتانىڭ ريەۆەرسىندە قولدان جاسالعان قۇراق كورپەنىڭ بەينەسى، «Quraq kórpe» دەگەن جازۋ، سوعىلعان جىلى جانە قازاقستان تەڭگە سارايىنىڭ تاۋار بەلگىسى ورنالاسقان.
مونەتالار 925/1000 سىنامالى كۇمىستەن دايىندالعان، ماسساسى - 31,1 گرام، ديامەترى - 38,61 م، دايىنداۋ ساپاسى - «proof»، تارالىمى - 1500 دانا.
نومينالى 200 تەڭگەلىك «Kόbelek. Lasiommata maera» مونەتا «مەرا بارقىتى» كوبەلەگىنە ارنالعان. ول قازاقستاننىڭ تاۋلارىندا، كىشى، ورتا جانە ورتالىق ازيادا، سونداي- اق سولتۇستىك افريكادا، ەۋروپادا جانە باتىس سىبىردە كەڭىنەن تارالعان. لاتىن تىلىندەگى ءتۇر اتاۋى ەجەلگى گرەك ميفولوگياسىنان الىنعان جانە اتلانتتىڭ قىزى - مەرامەن بايلانىستى.
مونەتالاردىڭ بەت جاعىندا (اۆەرسىندە) وڭ جاعىندا جانۋارلار مەن وسىمدىكتەردەن قۇرالعان كوللاج قورشاۋىندا قازاقستان ەلتاڭباسى، سول جاقتا ۇلتتىق بانكتىڭ تاۋار بەلگىسى (لوگوتيپى) جانە مونەتانىڭ نومينالىن بىلدىرەتىن «200 TEŃGE» دەگەن جازبا ورنالاسقان. مونەتانىڭ سىرت جاعىندا (ريەۆەرسىندە) ينتەرفەرەنتسيالىق قۇبىلمالى بەينەلەۋدى جانە ءتۇرلى ءتۇستى باسىپ شىعارۋدى قولدانا وتىرىپ كوبەلەك بەينەلەنگەن، مونەتانىڭ جوعارعى وڭ جاق بولىگىندە «Kόbelek. Lasiommata maera» (لاتىنشا ءتۇر اتاۋى) ورنالاسقان. تومەنگى بولىگىندە مونەتانىڭ اتىن جانە سوعىلعان جىلىن بىلدىرەتىن «Kóbelek 2019» دەگەن جازبا بار.
نومينالى 100 تەڭگەلىك «Kόbelek. Lasiommata maera» مونەتادا وسىنداي ەتىپ ارلەنگەن.
مونەتالار ينتەرفەرەنتسيالىق قۇبىلمالى بەينەلەۋ تەحنولوگياسىن قولدانا وتىرىپ مەلحيور قوسپاسىنان دايىندالعان.
1) نومينالى 200 تەڭگەلىك مونەتا مەلحيور قوسپاسىنان، «рrооf-like» ساپاسىمەن دايىندالعان، ماسساسى - 15 گرام، ديامەترى - 33 م، تارالىمى - 5 مىڭ دانا؛
2) نومينالى 100 تەڭگەلىك مونەتا مەلحيور قوسپاسىنان، «brilliant uncirculated» ساپاسىمەن دايىندالعان، ماسساسى - 11,17 گرام، ديامەترى - 31 م م، تارالىمى - 20 مىڭ دانا.
مونەتالار كوللەكتسيالىق قۇنى بويىنشا ساتۋعا ارنالعان.
نومينالى 500 تەڭگەلىك، 200 تەڭگەلىك جانە 100 تەڭگەلىك كوللەكتسيالىق مونەتالار قازاقستان اۋماعىندا كورسەتىلگەن قۇنىمەن تولەمنىڭ بارلىق تۇرلەرى بويىنشا، سونداي-اق بانك شوتتارىنا ەسەپتەۋ ءۇشىن جانە اۋدارىم جاساۋ ءۇشىن قابىلدانۋعا مىندەتتى.
كۇمىس مونەتالار كادەسىيلىق وراۋمەن شىعارىلادى جانە ۇلتتىق بانكىنىڭ مەملەكەتتىك، ورىس جانە اعىلشىن تىلدەرىندەگى نومىرلىك ساپا سەرتيفيكاتىمەن جابدىقتالعان.
كوللەكتسيالىق مونەتالاردى «ق ر ۇلتتىق بانكىنىڭ قازاقستان تەڭگە سارايى» شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورنى دايىنداعان.
مونەتالاردى ۇلتتىق بانكىنىڭ بارلىق اۋماقتىق فيليالدارىندا، سونداي-اق ينتەرنەت دۇكەن ارقىلى ساتىپ الۋعا بولادى.