ەلوردادا مۇنارا ساعات ىسكە قوسىلادى

نۇر-سۇلتان. قازاقپارات - جەلتوقسانداعى مەيرامدار قارساڭىندا نۇر-سۇلتان قالاسىنداعى قازمەديا ورتالىعىنىڭ عيماراتىندا مۇنارا ساعاتى ىسكە قوسىلادى.

بۇل تۋرالى قازمەديا ورتالىعىنىڭ instagram پاراقشاسىندا حابارلاندى.

يدەيا اۆتورلارىنىڭ ايتۋىنشا، جالپى ۇزىندىعى 18 مەتر جانە ەنى 3 مەتر، تەرۋ اۋماعى 54 م² بولاتىن ساعاتتار تاپتىرمايتىن قالالىق گادجەتكە اينالادى.

ەلەكتروندىق پانەل ىلعال مەن شاڭنان قورعالعان، 50- گرادۋستان 60+ گرادۋسقا دەيىنگى تەمپەراتۋرا دياپازونىندا جۇمىس ىستەۋگە ارنالعان.

«ەلەكتروندىق ساعاتتى ورناتۋ كەزىندە قالامىزدىڭ كليماتتىق جاعدايى، عيماراتتىڭ قۇرىلىسى مەن ديزاينى ەسكەرىلدى. ساندىق پانەل قوناقتار مەن ەلوردا تۇرعىندارىن ناقتى ۋاقىت تۋرالى، اۋا تەمپەراتۋراسى مەن كۇنىن كورسەتۋگە ارنالعان. ساعاتتار استانانىڭ جاڭا تانىلاتىن بەلگىسى بولادى جانە قالا مەن ونىڭ تۇرعىندارىنا ءدال، قاتەسىز قىزمەت ەتەدى دەپ سەنەمىز»، - دەدى قازمەديا ورتالىعىنىڭ باس ديرەكتورى لاززات ءجۇنىسوۆا.

ساعات قونايەۆ كوشەسى مەن نۇرجول بۋلۆارى جاق بەتىنەن ورناتىلادى.