ەڭبەك مينيسترلىگى شەتەلدەن جۇمىسشى تارتاتىن كاسىپورىنداردى باقىلاۋعا الماق

None
None
نۇر-سۇلتان. قازاقپارات - ەڭبەك جانە حالىقتى الەۋمەتتىك قورعاۋ ءمينيسترى ءبىرجان نۇرىمبەتوۆ شەتەلدەن جۇمىس كۇشىن تارتاتىن كاسىپورىندار جۇرگىزىلگەن تەكسەرۋ جۇمىسىنىڭ ناتيجەسىن جاريالادى، دەپ حابارلايدى قازاقپارات ءتىلشىسى.

«قازىرگى تاڭدا شەتەلدىك جۇمىس كۇشىن تارتاتىن 2200 كاسىپورىن بار. ونىڭ ىشىندە قازاقستاندىقتاردىڭ ۇلەسى 96 پايىز. جوعارىدا كورسەتىلگەن ەڭبەك داۋلارىنىڭ سەبەپتەرىن ەسكەرە وتىرىپ، ەل پرەزيدەنتىنىڭ تاپسىرماسى بويىنشا پروكۋراتۋرا ورگاندارىمەن بىرلەسە وتىرىپ، 30 دان استام شەتەلدىك جۇمىس كۇشىن تارتاتىن 95 كاسىپورىنعا قاتىستى تەكسەرۋدى اياقتادىق. ناتيجەسىندە، ەڭبەك جانە كوشى-قون زاڭناماسىن بۇزۋ بويىنشا 930 فاكتى انىقتالىپ، جويىلدى. 474 جەرگىلىكتى جانە شەتەلدىك جۇمىسكەردىڭ جالاقىسىنىڭ ايىرماشىلىعى انىقتالىپ، سايكەستەندىرىلدى. تەكسەرۋ ناتيجەسى بويىنشا 681 رۇقساتتاما كەرى قايتارىلىپ، 393 شەتەلدىك ەلدەن شىعارىلدى»، - دەدى ءبىرجان نۇرىمبەتوۆ ۇكىمەت وتىرىسىندا.

مينيستر سونىمەن قاتار، بۇل رەتتە زاڭنامالىق نورمالارعا تۇزەتۋلەر ازىرلەپ جاتقانىن ا يتتى.

«ولار اكىمشىلىك جاۋاپكەرشىلىكتى كۇشەيتۋدى جانە شەتەلدەن جۇمىس كۇشىن تارتاتىن كاسىپورىندارعا جىل سايىن تەكسەرۋدى، جىل سايىنعى كۆوتالار كولەمىن جانە جۇمىسشىلار ماماندىقتارى بويىنشا شەتەلدىك پەرسونالدى قىسقارتۋدى، ءۇشىنشى جانە ءتورتىنشى سانات بويىنشا تارتىلاتىن شەتەلدىك جۇمىسكەرلەردى قازاقستاندىق كادرلارمەن اۋىستىرۋدى كوزدەيدى. وڭىرلەر اكىمدىكتەرىنە شەتەلدىك جۇمىس كۇشىن تارتۋعا كۆوتانى ەڭبەك نارىعىن جان- جاقتى زەردەلەۋ جۇرگىزگەننەن كەيىن قالىپتاستىرۋى ءتيىس»، - دەدى ول.

ەسكە سالا كەتسەك، ۇكىمەت باسشىسى جالاقىنى بەرمەۋدىڭ جۇمىس بەرۋشى ءۇشىن ءتيىمسىز بولاتىنداي ەتىپ زاڭناما نورماسىن كۇشەيتۋدى تاپسىردى.

اۆتور: ايان بەكەن ۇلى

 

سوڭعى جاڭالىقتار