07:20, 26 - قاراشا 2019 | GMT +6
ەلوردا اكىمدىگى جىلى ايالدامالار سانىن كوبەيتپەك
نۇر-سۇلتان. قازاقپارات - ەلوردا اكىمدىگى جىلى ايالدامالار سانىن كوبەيتۋدى جوسپارلاپ وتىر. بۇل تۋرالى نۇر-سۇلتان اكىمى التاي كولگىنوۆ ءوزىنىڭ Facebook-تەگى پاراقشاسىندا جازدى، دەپ حابارلايدى قازاقپارات.
«بۇگىن قالاداعى جىلى ايالدامالاردىڭ ءبىرقاتارىنا باردىم. جىلۋى جوق ايالدامالار انىقتالادى. سونىڭ ءبىرى - رەسپۋبليكا داڭعىلىمەن قيىلىساتىن سەيفۋللين كوشەسىندەگى «جاستار سارايى» ايالداماسى. قالا بويىنشا وسىنداي ايالدامالاردى تەكسەرىپ شىعۋ اۋدان اكىمدەرىنە تاپسىرىلدى. جىلۋى ىستەمەي تۇرعان ايالدامالاردى بايقاپ جاتساڭىزدار ناقتى ورنالاسقان جەرىن ايتۋلارىڭىزدى سۇرايمىن»، - دەپ جازدى ەلوردا اكىمى.
سونىمەن قاتار ول قالا تۇرعىندارىنا جايلى بولۋى ءۇشىن جىلى ايالدامالاردى كوبىرەك سالۋدى جوسپارلاپ وتىرعاندارىن ايتتى.
فوتو: weproject.media