تەگىن مەديتسينالىق تەكسەرىستەن كىمدەر جانە قاشان ءوتۋى كەرەك؟
سكرينينگ تەگىن مەديتسينالىق كومەكتىڭ كەپىلدىك بەرىلگەن كولەمى اياسىندا وتكىزىلەدى، بۇل ەمدەۋ اسقىنۋلاردىڭ الدىن الۋعا مۇمكىندىك بەرەدى، دەپ حابارلادى نۇر- سۇلتان قالاسى اكىمدىگىنىڭ رەسمي سايتى.
قاتەرلى ىسىكتىڭ پايدا بولۋىنا ىقپال ەتەتىن پاتولوگيالىق وزگەرىستەردى الدىن الۋ، سونداي- اق ىسىكتەردى ەرتە دامۋ ساتىلارىندا انىقتاۋ ءۇشىن سكرينينگتىك تەكسەرۋدىڭ بىرنەشە ءتۇرى وتەدى. بۇل رەتتە، قالانىڭ مەديتسينالىق مەكەمەلەرىندە 30-دان 70 جاسقا دەيىنگى ايەلدەر ءۇشىن جاتىر موينى قاتەرلى ىسىگىن ەرتە انىقتاۋعا ارنالعان سكرينينگ، اكۋشەر- گينەكولوگتىڭ تەكسەرۋى، كورسەتكىشتەر بويىنشا كولپوسكوپيا جاسالادى.
2019 -جىلدىڭ 10 ايىندا جاتىر موينى قاتەرلى ىسىگىنىڭ سكرينينگى بويىنشا 38142 ايەل تەكسەرىلدى. ولاردىڭ تورتەۋىندە ەرتە ساتىداعى قاتەرلى ىسىك تابىلدى. 289 جاعدايدا ىسىك الدى جاعدايى انىقتالدى. سونداي- اق، ماماندار ءسۇت بەزىنىڭ قاتەرلى ىسىگىن ەرتە انىقتاۋ بويىنشا رەنتگەنولوگيالىق زەرتتەۋ (مامموگرافيا)، كورسەتكىشتەر بويىنشا ماممولوگتىڭ، ونكولوگتىڭ تەكسەرۋىن جۇرگىزەدى. ونى 40-تان 70 جاسقا دەيىنگى ايەلدەرگە ءوتۋ كەرەك.
2019 -جىلدىڭ 10 ايىندا ەلوردادا 28748 ايەل ءسۇت بەزى قاتەرلى ىسىگىن انىقتاۋعا ارنالعان سكرينينگتەن ءوتتى. 59 جاعدايدا قاتەرلى ىسىك انىقتالدى، ونىڭ 58- ءى ەرتە ساتىدا. ىسىك الدى جاعدايدىڭ سانى - 309.
سكرينينگتىك تەستىلەردىڭ تاعى ءبىر ءتۇرى 50-70 جاس ارالىعىنداعى ەرلەر مەن ايەلدەردە كولورەكتالدى وبىردى ەرتە انىقتاۋعا تەكسەرۋ، حيرۋرگ، پروكتولوگ، گاستروەنتەرولوگتىڭ تەكسەرۋى، كورسەتكىشتەر بويىنشا توق جانە تىك ىشەكتى ەندوسكوپيالىق زەرتتەۋ (كولونوسكوپيا). 2019 -جىلى كولورەكتالدى وبىر سكرينينگى بويىنشا 32786 ادام تەكسەرىلدى. قاتەرلى ىسىك دياگنوزى 10 ادامعا قويىلسا، ونىڭ 7-دە ەرتە ساتىدا انىقتالدى.
www.24.kz