عالىمدار بولمە گۇلدەرىنىڭ پايداسىن جوققا شىعاردى
امەريكالىق زەرتتەۋشىلەردىڭ ايتۋىنشا، بولمە وسىمدىكتەرىنىڭ اۋاعا پايدالى اسەرى - جاي عانا اڭىز. عالىمدار وسى تاقىرىپ بويىنشا سوڭعى 30 جىل ىشىندە جۇرگىزىلگەن عىلىمي جۇمىستاردىڭ قورىتىندىسىن شىعاردى دەپ حابارلادى.
ناتيجەسىندە ولار وسىمدىكتەر زياندى زاتتاردى وتە باياۋ سىڭىرەدى دەگەن قورىتىندىعا كەلدى. فيلادەلفياداعى درەكسەل ۋنيۆەرسيتەتىنىڭ پروفەسسورى مايكل ۋورينگتىڭ ايتۋىنشا، قاراپايىم جەلدەتۋ جۇيەلەرىن پايدالانۋ اۋانى تازارتۋدا الدەقايدا ءتيىمدى.
ونىڭ ايتۋىنشا، بولمەنىڭ ءار شارشى فۋتىنە 93، ياعني ءبىر شارشى مەترگە مىڭ وسىمدىك ورنالاستىرىلعان جاعدايدا عانا وسىمدىكتەردەن وسىنداي پايدا كورۋگە بولادى. كەڭسە نەمەسە بولمە ىشىندەگى اۋانىڭ لاستانۋى بۇكىل الەمدە ماڭىزدى پروبلەماعا اينالعانى دا ايتىلدى. بريتاندىق كورولدىك دارىگەرلەر كوللەدجىنىڭ مالىمەتى بويىنشا، بۇل جىل سايىن 99 مىڭ ەۋروپا تۇرعىنىنىڭ ولۋىنە سەبەپ بولادى.
www.24.kz