+7 (701) 759 90 19
-17 °С : نۇر-سۇلتان
-4 °С : الماتى
USD 383.95 EUR 429.26
RUB 6.16 CNY 55.02
جاڭالىقتار

قالماققىرعان تاريحي شايقاسىنا ارنالعان كىتاپ جارىق كوردى

22 قاراشا 20:39
:ءبولىسۋ
قالماققىرعان تاريحي شايقاسىنا ارنالعان كىتاپ جارىق كوردى

پاۆلودار. قازاقپارات - تورايعىروۆ ۋنيۆەرسيتەتىندە «قالماققىرعان تاۋلارىنداعى ارحەولوگيالىق- ەتنوگرافيالىق زەرتتەۋلەر» اتتى حالىقارالىق عىلىمي- تاجىريبەلىك كونفەرەنسيا ءوتتى،

دەپ حابارلايدى pavlodarnews.kz.

كونفەرەنسيانىڭ پلەنارلىق وتىرىسىنا پاۆلودار وبلىسىنىڭ اكىمى بولات باقاۋوۆ، بەلگىلى عالىمدار، زيالى قاۋىم وكىلدەرى، ستۋدەنتتەر مەن وقۋشىلار قاتىستى. وتىرىستىڭ اشىلۋىندا ءسوز العان ايماق باسشىسى بولات باقاۋوۆ كونفەرەنسيانىڭ وسكەلەڭ ۇرپاققا تاريحي سانانى سىڭىرۋدەگى ماڭىزدىلىعىنا توقتالىپ ءوتتى.

«حالقىمىزدىڭ ەجەلدەن كەلە جاتقان تاريحى وسكەلەڭ ۇرپاققا زور تاعىلىم مەن ونەگە بەرەدى. وتكەننەن ساباق الۋ ارقىلى جارقىن بولاشاققا جول اشامىز. كەلەشەك ۇرپاقتىڭ تاربيەسىندە وتانعا، تاريحقا دەگەن قۇرمەت ماڭىزدى ورىن الادى»، - دەدى بولات باقاۋوۆ.


كونفەرەنسياعا وراي ۇيىمداستىرىلعان كورمەدە ۋنيۆەرسيتەت عالىمدارى قۇراستىرعان «سەرەكتاس شايقاسى» كىتابىنىڭ تانىستىرىلىمى ءوتتى. جيناقتا تاريحشى، ەتنوگراف عالىمداردىڭ «قالماققىرعان» تاريحي شايقاسى تۋرالى ماقالالارى توپتاستىرىلعان. جيناق اۆتورلارىنىڭ ءبىرى - ە. بەكماحانوۆ اتىنداعى تاريح جانە ەتنوگرافيا ورتالىعىنىڭ ديرەكتورى، فيلوسوفيا عىلىمدارىنىڭ كانديداتى، پروفەسسور امانتاي قۇدابايەۆ الداعى ۋاقىتتا كىتاپتىڭ ەكىنشى تومى شىعاتىنىن جەتكىزدى.

«جينالعان ماتەريالدىڭ 30 پايىزى عانا وسى جيناققا ەندى. كىتاپ ءتورت بولىمنەن تۇرادى. ءبىرىنشى ءبولىم «قازىنالى قازبالار» دەپ اتالادى. مۇندا ارحەولوگيالىق زەرتتەۋلەر توپتاستىرىلعان. كەلەسى «تاريحتان تابارىك»، «باھادۇر بابالار»، «اڭىز بەن اقيقات» بولىمدەرىندە قازاق- قالماق شايقاستارىنا بايلانىستى زەرتتەۋلەر، كونەكوز قاريالاردىڭ ەستەلىكتەرى، ولكەتانۋشىلار مەن جۋرناليست قاۋىمنىڭ ماقالالارى كەلتىرىلگەن»، - دەيدى امانتاي قۇدابايەۆ.

«وسى كىتاپ ارقىلى ءبىز «قالماققىرعان» تاريحي وقيعاسىنىڭ قاشان، قاي جەردە بولعاندىعىن دالەلدەپ، وعان قاتىسقان باتىرلاردىڭ ەسىمدەرىن جاڭعىرتتىق».

كونفەرەنتسيادا ءال- فارابي اتىنداعى قازاق ۇلتتىق ۋنيۆەرسيتەتىنىڭ پروفەسسورى يرينا ەروفەيەۆا، رەسەي عىلىم اكادەمياسىنىڭ عىلىمي قىزمەتكەرى ۆلاديمير تەپكەيەۆ، تاريحشى- ولكەتانۋشى داۋرەن اياشينوۆ، ءا. مارعۇلان اتىنداعى ارحەولوگيالىق عىلىمي- زەرتتەۋ ورتالىعىنىڭ ديرەكتورى، دوتسەنت ۆيكتور مەرتس، ە. بەكماحانوۆ اتىنداعى تاريح جانە ەتنوگرافيا ورتالىعىنىڭ ديرەكتورى امانتاي قۇدابايەۆ ءسوز سويلەپ، قازاق- قالماق شايقاستارىنىڭ تاريح پەن عىلىمدا الاتىن ورنى تۋرالى بايانداما جاسادى.


باستى سوزدەر: ايماق,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات