قاسىم- جومارت توقايەۆ ستراتەگيالىق كوماندالىق- شتابتىق وقۋ- جاتتىعۋلارىنا قاتىستى
مەملەكەت باسشىسىنا وقۋ- جاتتىعۋلاردىڭ نەگىزگى مىندەتتەرى مەن كەزەڭدەرى تۋرالى مالىمەت بەرىلدى. اتالعان وقۋ- جاتتىعۋلارى قازىرگى سىن- قاتەرلەردى ەسكەرە وتىرىپ، قازاقستان رەسپۋبليكاسىنىڭ قورعانىس جۇيەسى مەن اسكەري قاۋىپسىزدىگىن ساقتاۋ ماقساتىندا ۆەدومستۆوارالىق ءىس- قيمىلداردى نىعايتۋعا باعىتتالعان.
وقۋ- جاتتىعۋ بارىسىندا ەلىمىزگە تونەتىن سىرتقى قاتەرلەردى بولدىرماۋ ءۇشىن اسكەري جانە اسكەري ەمەس سيپاتتاعى مەملەكەتتىك شارالاردى جۇزەگە اسىرۋ ماسەلەلەرى پىسىقتالدى.
مەملەكەت باسشىسى اسكەري قاۋىپسىزدىك سالاسىنداعى نورماتيۆتىك- قۇقىقتىق اكتىلەردى جەتىلدىرۋ، سونداي- اق، قورعانىس جۇيەسى الدىنداعى مىندەتتەردى شەشۋ ءۇشىن مەملەكەتتىك ورگانداردى دايىنداۋ شارالارىن جولعا قويۋ جونىندە ءبىرقاتار تاپسىرما بەردى.
وقۋ- جاتتىعۋ سوڭىندا قاسىم- جومارت توقايەۆ وزدەرىنىڭ اسكەري بورىشتارىن اتقارۋ كەزىندە قازا تاپقان قازاقستان ارمياسىنىڭ ساربازدارى مەن وفيتسەرلەرىنىڭ رۋحىنا تاعزىم ەتتى.