قىزىلوردا قىتايعا ماقسارى مايى مەن ءجۇن ەكسپورتتايدى

None
None
نۇر- سۇلتان. قازاقپارات – ق ر پرەزيدەنتى جانىنداعى ورتالىق كوممۋنيكاتسيالار قىزمەتىنىڭ الاڭىندا وتكەن باسپا ءسوز كونفەرەنتسياسىندا قىزىلوردا وبلىسىنىڭ اكىمى قۋانىشبەك ىسقاقوۆ ءوڭىردىڭ باستى جەتىستىكتەرى مەن بيىلعى ون ايدىڭ قورىتىندىسى بويىنشا ءوڭىردىڭ الەۋمەتتىك- ەكونوميكالىق دامۋى تۋرالى باياندادى.

وسى جىلدىڭ 10 ايىنىڭ قورىتىندىسىمەن ءبىرقاتار باعىتتاردا وڭ ناتيجەگە قول جەتكىزدىك. تۇتاستاي العاندا، جالپى مەملەكەت ساياساتىن جۇيەلى ىسكە اسىرۋ ناتيجەسىندە سوڭعى جىلدىڭ وزىندە وڭدەۋشى ونەركاسىپتە ءوندىرۋ كولەمى %5,4 ۇلعايدى، جۇمىسپەن قامتىلعاندار سانى %71 دەرلىك، ال، شيكىزاتتىق ەمەس ەكسپورت كولەمى - %49 استام ءوستى، - دەپ مالىمدەدى قۋانىشبەك ىسقاقوۆ.

 ءوڭىر ەكونوميكاسىن ءارتاراپتاندىرۋدىڭ نەگىزى يندۋستريالاندىرۋ سالاسىنا تيەسىلى.

اكىمنىڭ ايتۋىنشا، 10 ايدىڭ قورىتىندىسى بويىنشا ونەركاسىپتىڭ شيكىزاتتىق ەمەس سەكتورىنداعى ءوندىرىس ءوسىمى %4,4 قۇراعان. بۇگىنگى تاڭدا مەملەكەتتىك باعدارلاما اياسىندا ىسكە اسىرىلعان 24 جوبانىڭ 18 ءى جوسپارلى قۋاتتىڭ %90 دان %100 جەتكەن. جىل سوڭىنا دەيىن يندۋستريالاندىرۋدىڭ ەكىنشى بەسجىلدىعى اياسىندا تاعى دا 3 جوبانى ىسكە اسىرۋ جوسپارلانۋدا، بۇل 200 استام جاڭا جۇمىس ورنىن اشۋعا مۇمكىندىك بەرەدى.

 يندۋستريالاندىرۋ باعدارلاماسى اياسىندا «ارال تۇز» اق 2 يسپاندىق تسەحتى ىسكە قوستىق. بۇگىنگى تاڭدا بۇل كاسىپورىن ءوز ءونىمىنىڭ 79% ەكسپورتقا ۋكراينا، ءازىربايجان، گرۋزيا، قىرعىزستان، سونداي- اق رەسەي فەدەراتسياسىنىڭ 82 قالاسىنا جىبەرەتىن تابىستى كاسىپورىننىڭ ءبىرى. شەتەلدە ءونىم قاجەتتىلىگىنىڭ ارتۋىنا بايلانىستى بيىل تۇز ءوندىرۋ كولەمىن %25، ياعني جىلىنا 400 دەن 500 مىڭ تونناعا دەيىن جەتكىزگەن، ال 2022 -جىلى ءوندىرۋ كولەمىن تاعى %75 جىلىنا 700000 تونناعا دەيىن ارتتىرۋ جوسپارلانۋدا، - دەدى ايماق باسشىسى.

 باسا ايتۋ كەرەك، سىر وڭىرىندە اۋىل شارۋاشىلىق سالاسىنا اسا ءمان بەرىلۋدە. اگروونەركاسىپ ونىمدەرىن ەكسپورتتاۋعا قاتىستى جۇمىستار كۇشەيتىلۋدە.

 2016 -جىلى باقشا داقىلدارىنىڭ ەكسپورتى جانداندى، 2017 -جىلى كوكونىستەر مەن مالدى (بىرىككەن اراب امىرلىگى، يران، مونعوليا جانە وزبەكستان) ەكسپورتتاۋ جۇمىستارى باستالدى، 2018 -جىلى قىتايعا العاش رەت ماقسارى مايى جىبەرىلدى. ال، بيىل وسى ەلگە ءجۇن ەكسپورتتاۋ جولعا قويىلدى. 10 ايدىڭ وزىندە اۋىل شارۋاشىلىعىنىڭ جالپى ءونىمىنىڭ كولەمى 3,5 پايىزعا ارتقان، - دەپ اتاپ ءوتتى قۋانىشبەك ىسقاقوۆ.

2015 -جىلى اگروونەركاسىپ كەشەنىنىڭ نەگىزگى كاپيتالىنا شامامەن 9 ميلليون  ا ق ش دوللارى تارتىلسا، 2018 -جىلى اتالمىش 15 ميلليون  ا ق ش دوللارىنان اسىپ تۇسكەن.

سىر ءوڭىرىنىڭ برەندى كۇرىش دەسەك، بيىل كۇرىششىلەر ءار گەكتارىنان 60,3 تسەنتنەردەن ءونىم جيناپ، 530,5 مىڭ توننا كۇرىش سالىسى قامباعا قۇيىلىپ، وسىلايشا جاڭا رەكوردقا قول جەتكىزدى.

سوڭعى جاڭالىقتار