+7 (701) 759 90 19
-21 °С : نۇر-سۇلتان
-4 °С : الماتى
USD 383.95 EUR 429.26
RUB 6.16 CNY 55.02
جاڭالىقتار

جەك ما اعىلشىن ءتىلىن قالاي ۇيرەندى؟

22 قاراشا 22:11
:ءبولىسۋ
جەك ما اعىلشىن ءتىلىن قالاي ۇيرەندى؟

نۇر-سۇلتان. قازاقپارات - شاكيرا مەن شۆارتسەنەگگەردىڭ، جەكي چاننىڭ اعىلشىن ءتىلىن قالاي ۇيرەنگەنىن جازعان ەدىك. بۇگىن تاعى ءبىر قىتايلىق ازامات، بەلگىلى كاسىپكەر، Alibaba group كومپانياسىنىڭ نەگىزىن قالاعان دجەك ما تاجىريبەسىن نازارلارىڭىزعا ۇسىنباقپىز.

Forbes زەرتتەۋى بويىنشا (07.11.2019) دجەك ما قىتايداعى ميللياردەرلەر رەيتينگىندە ءبىرىنشى ورىندا تۇر. جەكە كاپيتالى - 38,2 ميلليارد دوللار. بۇگىندە باق پەن بايلىققا، تانىمالدىققا يە بولعان مانىڭ وتكەنىنە ۇڭىلسەك، ونىڭ ساتسىزدىككە ءجيى كەزىككەنىن كورەمىز. ءوز ءومىرىنىڭ قىسىلتاياڭ كەزەڭدەرىن جەك ما بىلاي باياندايدى. جەك مانىڭ شىن ەسىمى - ما يۋن. ول 1964 -جىلدىڭ 10 - قىركۇيەگىندە قىتايدىڭ حانجوۋ قالاسىندا دۇنيەگە كەلگەن. اتا- اناسى - قاراپايىم مۋزىكانتتار. وتباسىنداعى قارجىلىق تاپشىلىققا بايلانىستى كىشكەنتاي ما 12 جاسىنان باستاپ جۇمىس ىستەي باستادى. بۇل كەزەڭدە حانجوۋدا تۋريزم سالاسى قاناتتانىپ، الەمنىڭ تۇپكىر- تۇپكىرىنەن شەتەلدىك دەمالۋشىلار كەلەتىن. بۇل جاعداي مانىڭ اعىلشىن ءتىلىن ۇيرەنۋگە دەگەن قىزىعۋشىلىق ودان ءارى ارتتىرىپ، سونىمەن قاتار ازىناۋلاق اقشا تابۋعا مۇمكىندىك بەردى. ول كۇن سايىن ۆەلوسيپەدپەن شەتەلدىكتەر تۇراقتاعان قوناقۇيگە بارىپ، بۇنداعى ادامدارمەن ارالاسىپ، ولارعا كومەك كورسەتۋگە تىرىساتىن. ەڭ ءبىرىنشى كەزەكتە ءتىلدى مەڭگەرۋدى ماقسات ەتكەن ول ادامدارمەن ەش قيىندىقسىز بايلانىس ورناتا الاتىن دەڭگەيگە جەتكەندە گيد رەتىندە قىزمەت ەتە باستادى. ايتپاقشى، ما يۋنگە «جەك» لاقاپ اتىن وسى ۋاقىتتا شەتەلدىك ءبىر تۋريست قويعان ەكەن.

ول ءوزىنىڭ تۇپكى ماقساتىنا جەتۋ ءۇشىن العاشىندا اعىلشىن ءتىلدى تۋريستەرگە تەگىن قىزمەت كورسەتتى. حانجوۋدىڭ كورىكتى جەرلەرىن كوركەم تىلمەن جەتكىزۋ ءۇشىن، سوزدىك قورىن مولايتۋ ءۇشىن ادامدارمەن سويلەسۋ كەزىندە جاڭا سوزدەردى جازىپ الىپ، كەيىن جاتتاپ الۋعا تىرىستى. 1979 -جىلى ما 15 جاستا ەدى. وسى كەزدە ول قىتايعا قىدىرىپ كەلگەن اۋستراليالىق وتباسىمەن تانىسىپ، كەيىن ولارمەن تىعىز بايلانىستا بولدى. حات ارقىلى حابار سۇراپ وتىراتىن شەتەلدىك وتباسى مانى 1985 -جىلى اۋسترالياعا شاقىردى. بۇرىن مۇحيت اسىپ شەتەلگە شىقپاعان قىتاي ازاماتىنا بۇل ساپار ۇلكەن اسەر بەردى. بۇعان دەيىن وعان مەكتەپ قابىرعاسىندا قىتايدى ەڭ باي جانە الەمدەگى ەڭ باقىتتى ەل دەپ ۇيرەتكەن ەدى. وسى ساپار ونىڭ ساناسىن سەرپىلتىپ، الەم جايلى، ءوز ەلى جايلى ويىن وزگەرتتى. قاتەلەسۋدەن قورىقپايتىن، كەرىسىنشە قالت باسقان ءار ارەكەتىنەن ساباق الاتىن جەك مانىڭ جاقسى قاسيەتتەرىن، ومىرلىك قاعيدالارىن، ناقىلعا اينالعان سوزدەرىن، ومىرلىك تاجىريبەسىن سايتىمىزدا ءجيى جازامىز.


ول جۋىردا عانا مەملەكەت باسشىسى قاسىم- جومارت توقايەۆپەن كەزدەسىپ، حانجوۋدا Alibaba group كومپانياسىن تانىستىرعان ەدى. ودان بولەك قازاقستاندىق ءانشى ديماش قۇدايبەرگەنمەن، بوكسشىمىز گەننادي گولوۆكينمەن كەزدەستى. #Abay175 چەللەندجىنە قاتىسىپ، ابايدىڭ «قۇلاقتان كىرىپ، بويدى الار» ولەڭىن قىتاي تىلىندە جاتقا وقىعان ەدى. 12 جاسىنان باستاپ اعىلشىن ءتىلىن مەڭگەرۋگە كۇش سالعان دجەك ما اعىلشىن تىلىندە ەركىن، اكسەنتسىز، اڭگىمەسىن ازىلمەن ارلەپ سويلەيدى. تومەندەگى ۆيدەودا ول امەريكالىق كاسىپكەر يلون ماسكپەن جاساندى سانا جايىندا پىكىر تالاستىرادى. بۇگىنگى عاسىردىڭ قاھارماندارىنا اينالعان تۇلعالاردىڭ دەباتىن ءتۇپنۇسقا تۇرىندە نازارلارىڭىزعا ۇسىنامىز.

Massaget.kz


باستى سوزدەر: الةم,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات