+7 (701) 759 90 19
-20 °С : نۇر-سۇلتان
-4 °С : الماتى
USD 383.95 EUR 429.26
RUB 6.16 CNY 55.02
جاڭالىقتار

وبىردى سەزگەن يت يەسىن امان الىپ قالدى

22 قاراشا 17:28
:ءبولىسۋ
وبىردى سەزگەن يت يەسىن امان الىپ قالدى

نۇر- سۇلتان. قازاقپارات - ا ق ش- تىڭ ۆيسكونسين شتاتىنىڭ تۇرعىنى قاتەرلى ىسىك اۋرۋىنا شالدىققانىن ءيتىنىڭ ارقاسىندا ءبىلدى. بۇل تۋرالى Qazaqstan ارناسى حابارلادى.

ستەفاني حەرفەل ەسىمدى ايەلدىڭ ايتۋىنشا، ونىڭ سەررا (Sierra) اتتى ءيتى وسىدان 6 جىل بۇرىن ءوزىن ءبىرتۇرلى ۇستاعان كورىنەدى. جانۋار يەسىنىڭ ءىشىن قايتا- قايتا يىسكەپ، تۇمسىعىن سول جەرگە باسا بەرگەن.

العاشىندا امەريكالىق كەلىنشەك ءيتىنىڭ بۇل قىلىعىنا ءمان بەرمەگەن. الايدا بىرنەشە كۇننەن كەيىن ونىڭ ءيتى شكافقا تىعىلاتىندى شىعارعان. سەررا دوڭگەلەنە جاتىپ الىپ، قۇيرىعىن جاستانىپ، وعان تۇمسىعىن تىعاتىن بولعان.

ءىشىنىڭ اۋىرا باستاعانى مەن ءيتىنىڭ وسىنداي وعاش ارەكەتىنەن سوڭ، ايەل مەديتسينالىق كومەككە جۇگىنگەن. وسى كەزدە دارىگەرلەر ناۋقاستىڭ انالىق بەز وبىرىنا شالدىققانىن انىقتاعان. وسىلايشا ەم- دومدى ۋاقىتىندا باستاپ، اۋرۋدىڭ بەتىن قايتارعان.

ارادا بىرنەشە اي وتكەننەن كەيىن سەررا تاعى دا يەسىنىڭ ءىشىن يىسكەلەي باستايدى. تۇمسىعىن تابانىمەن، قۇيرىعىمەن جابا بەرگەن. بىردەن كۇدىكتەنگەن ايەل تاعى دا دارىگەرگە كورىنسە، وبىردىڭ بەلگىلەرى بارى انىقتالعان. قازىر ستەفاني حەرفەل ەمدەلىپ جاتىر.

جالپى، سەررانىڭ بۇل ارەكەتىنىڭ عىلىمي ءمانى بار. يتتەردىڭ تازا قان مەن قاتەرلى ىسىكتى جۇقتىرعان قاندى اجىراتا الاتىنى ءتۇرلى زەرتتەۋلەرمەن دالەلدەنگەن (97 پايىزدا). Experimental Biology زەرتتەۋىنە سۇيەنسەك، يتتەردىڭ ءيىس سەزۋ قابىلەتى ادامداردان 10 مىڭ ەسە كۇشتى ءارى ناقتى ەكەن. ولار ادام سەزبەيتىن يىستەردى بىردەن بىلەتىن كورىنەدى.


باستى سوزدەر: الةم,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات