+7 (701) 759 90 19
-9 °С : نۇر-سۇلتان
-2 °С : الماتى
USD 386.19 EUR 427.71
RUB 6.07 CNY 54.87
جاڭالىقتار

ساپاربايەۆ سولتۇستىك قازاقستان وبلىسىندا قونىس اۋدارۋشىلارعا ارنالعان ۇيلەردى ارالادى

22 قاراشا 17:50
:ءبولىسۋ
ساپاربايەۆ سولتۇستىك قازاقستان وبلىسىندا قونىس اۋدارۋشىلارعا ارنالعان ۇيلەردى ارالادى

سولتۇستىك قازاقستان. قازاقپارات – ق ر پرەمەر- ءمينيسترىنىڭ ورىنباسارى بەردىبەك ساپاربايەۆ باستاعان ۇكىمەتتىك جۇمىس توبى سولتۇستىك قازاقستان وبلىسىنا كەلدى، دەپ حابارلايدى ءوڭىر باسشىسىنىڭ باسپا ءسوز قىزمەتى.

جۇمىس توبىنىڭ قۇرامىندا ق ر ەڭبەك جانە حالىقتى الەۋمەتتىك قورعاۋ ءمينيسترى ءبىرجان نۇرىمبەتوۆ، ءبىلىم جانە عىلىم ۆيتسە- ءمينيسترى شولپان كارينوۆا، دەنساۋلىق ساقتاۋ ۆيتسە- ءمينيسترى كامالجان نادىروۆ، مادەنيەت جانە سپورت ءمينيسترى ەلدوس رامازانوۆ، اقپارات جانە قوعامدىق دامۋ ۆيتسە- ءمينيسترى دانيار ەسين بار.

استانالىقتاردىڭ جۇمىس ساپارى قىزىلجار اۋدانىنداعى ەڭبەك كۇشى مول وڭىرلەردەن قونىس اۋدارۋشىلارعا ارنالعان تۇرعىن ۇيلەردى ارالاۋدان باستالدى. بۇل ۇيلەر ءونىمدى جۇمىسپەن قامتۋ جانە جاپپاي كاسىپكەرلىكتى دامىتۋ «ەڭبەك» مەملەكەتتىك باعدارلاماسى اياسىندا سالىنۋدا. بيىل وڭىرگە 688 وتباسى قونىس اۋداردى. ونداعى 2060 ادامنىڭ 1031- ءى جۇمىسقا قابىلەتتى جاستا، 935 - جەتكىنشەك، 57 - ستۋدەنت، 37 - زەينەتكەر. وبلىستىڭ الەۋمەتتىك- ەكونوميكالىق دامۋىنىڭ كەشەندى جوسپارى نەگىزىندە 2142 ءۇيدىڭ قۇرىلىسى قاراستىرىلعان. 428 ءۇي بيىل سالىندى. ەكى جاتىن بولمە، زال جانە اس ءۇي 120 شارشى مەتردى قۇرايدى.

بەردىبەك ساپاربايەۆ قىزىلجار اۋدانىنىڭ بايتەرەك اۋىلىندا تۇرعىزىلعان ۇيلەردى ارالاپ، قونىستانۋشىلارمەن ەمەن- جارقىن اڭگىمەلەستى. «جىلۋ ۇيگە كىرىپ، ءومىر سۇرە بەرۋگە بولادى»، - دەيدى رۋسلان ناسىروۆ. ول بۇل اۋىلعا مامىر ايىندا ايەلى جانە ەكى بالاسىمەن تۇركىستان وبلىسى قازىعۇرت اۋدانىنان قونىس اۋدارىپ كەلگەن. ءوز شەشىمىنىڭ دۇرىس ەكەندىگىنە كوزى جەتكەن وتاعاسى وسى اۋىلدى تۇراقتاپ قالماق.

«بۇل ءوڭىردىڭ توپىراعىن العاش دوسىما قوناققا كەلىپ باسقان بولاتىنمىن. مەنى كوشۋگە كوندىرگەن سول. جۇمىسپەن قامتۋ ورتالىعىنا بارىپ، قانداي بوس جۇمىس ورىندارى بار ەكەنىن سۇرادىم. ونداعى ماماندار بارلىعىن ءتۇسىندىردى، شارتتارعا قۇلاعدار ەتتى. بىرنەشە جۇمىس ورنىن ۇسىنىپ، تاڭداۋ جاساۋعا مۇمكىندىك بەردى. باسپانا ماسەلەسى وڭاي شەشىلەتىنىن ايتتى. ءبىز - جاس وتباسىمىز. قول جەتكىزۋگە ءتيىستى جوسپارىمىز دا كوپ. بايتەرەك بىزگە ۇنادى. ادامدارى كەڭپەيىلدى، كومەك قولىن سوزۋعا قاشاندا دايىن»، - دەيدى رۋسلان ناسىروۆ.

جاڭا ۇيلەر جىلى، جارىق، قولايلى. تۇرعىنداردىڭ كوڭىلىنەن شىعىپ وتىر.

جۇمىس توبى اتباسىن تىرەگەن كەلەسى نىسان - جەرگىلىكتى مەكتەپ بولدى. قوناقتار بايتەرەك اۋىلىنىڭ تۇرعىندارىمەن كەزدەسىپ، جىلى سوزدەر ەستىدى. تۇرعىندار اۋىلىنىڭ ءبىر ورىندا تۇرماي دامىپ، كوركەيىپ كەلە جاتقاندىعىن ماقتانىشپەن ايتتى. سۋ، كوممۋنيكاتسيا ماسەلەسىندە ەش قيىندىق جوق. تۇرعىندار ۇكىمەت باسشىسىنىڭ ورىنباسارىنا تەك بالاباقشانىڭ جەتىسپەيتىندىگىن ايتىپ، وسى ماسەلەگە قولعابىس جاساۋدى ءوتىندى.

ۆيتسە- پرەمەر بەسكول اۋىلىندا دا بولدى. اۋدان اكىمدىگىندە جۇمىس توبىنىڭ حالىقپەن كەزدەسۋى ۇيىمداستىرىلدى. ق ر ەڭبەك جانە حالىقتى الەۋمەتتىك قورعاۋ ءمينيسترى ءبىرجان نۇرىمبەتوۆ كوپبالالى جانە از قامتىلعان وتباسىلاردى قولداۋدىڭ جاڭا تاسىلدەرى تۋرالى ەگجەي- تەگجەيلى ايتىپ بەردى.

بەردىبەك ساپاربايەۆ جۇمىس توبىنىڭ باستى مىندەتى حالىقتىڭ ءومىر ءسۇرۋ ساپاسىن باعالاۋ جانە پروبلەمالىق ماسەلەلەردى شەشۋگە جاردەمدەسۋ دەپ اتاپ كورسەتتى. اسىرەسە، ءبىلىم جانە دەنساۋلىق ساقتاۋ سياقتى ماڭىزدى الەۋمەتتىك سالالارعا ەرەكشە توقتالدى.

«12 جىلدىق ءبىلىم بەرۋگە كوشۋگە كەلەتىن بولساق، قازىر ارنايى توپ جۇمىس ىستەۋدە. پرەزيدەنت ەڭ باستىسى مەكتەپتەردىڭ، مۇعالىمدەردىڭ، وقۋلىقتاردىڭ دايىندىعىن شەشىپ بارىپ، اسىقپاي ورىنداۋعا تاپسىرما بەرگەن بولاتىن»، دەي كەلە ۆيتسە- پرەمەر اۋىلدىق جەرلەردە مۇعالىمدەردىڭ جەتىسپەۋشىلىگى بولماسا، بۇل سالادا باسقا وزەكتى ماسەلە جوقتىعىن اتاپ ءوتتى. «ديپلوممەن اۋىلعا» باعدارلاماسى بويىنشا ءبىز جەرگىلىكتى اتقارۋشى ورگاندارمەن جۇمىستى شيراتىپ، مۇعالىمدەرگە ءتيىستى جاعدايدى قامتاماسىز ەتۋىمىز كەرەك. مەكتەپتەردى زەرتحانالارمەن، كابينەتتەرمەن جابدىقتاۋ بويىنشا جۇمىستار قارقىندى جالعاسىن تابادى».

سونداي- اق، بەردىبەك ساپاربايەۆ ازاماتتاردى مەملەكەت بەرەتىن مۇمكىندىكتەردى پايدالانۋعا جانە مەملەكەتتىك باعدارلامالارعا قاتىسۋعا شاقىردى. «ءتۇرلى سالادا 14 مەملەكەتتىك باعدارلاما بار. ولار ارقىلى 500 مىڭ تەڭگەگە تەگىن گرانت الۋ مۇمكىندىگى بار، سونداي- اق جەڭىلدىكپەن ميكروكرەديت الۋعا دا بولادى. ءبىراق، وكىنىشكە وراي، كوپشىلىك قولجەتىمدى مەحانيزمدەردى پايدالانبايدى. بىرەۋ بىلسە، بىرەۋ بىلمەيدى. ەڭ باستىسى - ادامنىڭ ءوز ءىسىن اشۋعا دەگەن نيەتى. ءبىز بۇل تەتىكتەردىڭ حالىق ءۇشىن جۇمىس ىستەۋىن كوزدەيمىز. تۇرعىندار بۇل كومەكتەردى پايدالانىپ، جۇمىس ىستەپ، اقشا تاۋىپ، وتباسىلارىن اسىراي الۋى ءۇشىن باعدارلامالاردى ودان ءارى جەتىلدىرە تۇسەمىز»، - دەپ اتاپ ءوتتى بەردىبەك ساپاربايەۆ.

كەزدەسۋ سوڭىندا جۇمىس توبىنىڭ مۇشەلەرى حالىقتىڭ سۇراقتارىنا جاۋاپ بەردى.


باستى سوزدەر: ايماق,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات