شۆەيساريا پرەزيدەنتى قازاقستاننىڭ ەڭ باستى باسىمدىعىن اتادى

نۇر- سۇلتان. قازاقپارات - بۇگىن اقوردادا قازاقستان پرەزيدەنتى قاسىم- جومارت توقايەۆپەن كەلىسسوزدەردەن كەيىنگى بىرلەسكەن مالىمدەمە بارىسىندا شۆەيساريا كونفەدەراتسياسىنىڭ پرەزيدەنتى ۋلي ماۋرەر ەلىمىزدىڭ نەگىزگى باسىمدىعىن اتادى، دەپ حابارلايدى قازاقپارات ءتىلشىسى.

«ءبىز ءۇش كومپونەنتكە نەگىزدەلگەن ەكى جاقتى قارىم- قاتىناستارىمىزدى دامىتۋعا ۇمتىلامىز. دەگەنمەن، تاۋار الىس- بەرىسىن عانا دامىتقىمىز كەلىپ وتىرعان جوق. ءبىلىم الماسۋ سالاسىنداعى دا ءوزارا ءىس- قيمىلدى جانداندىرعىمىز كەلەدى. ءبىز ءۇشىن بىرلەسكەن كاسىپورىندار قۇرۋ، ءبىلىم، جاڭا تەحنولوگيالار الماسۋ بارىنشا ماڭىزدى»، - دەدى ۋلي ماۋرەر.

سونىمەن قاتار ول شۆەيسارياعا قاراعاندا قازاقستاننىڭ قانداي باسىمدىعى بار ەكەندىگىن ايتتى.

«قازاقستان جاس ءارى قارقىندى دامۋشى مەملەكەت. بۇل ەلدەرىڭىزدىڭ ەڭ ۇلكەن باسىمدىعى جانە شۆەيساريادان دا ۇلكەن ايىرماشىلىقتارىڭىز سانالادى. سەبەبى بىزدە حالىقتىڭ قارتايۋ پروتسەسى ءجۇرىپ جاتىر»، - دەدى شۆەيساريا پرەزيدەنتى.

اۆتور مارلان جيەمباي