+7 (701) 759 90 19
-3 °С : نۇر-سۇلتان
-1 °С : الماتى
USD 384.97 EUR 427.12
RUB 6.04 CNY 54.75
جاڭالىقتار

شۆەيتساريالىق ينۆەستورلارعا جان- جاقتى جاردەم بەرۋگە دايىنبىز - مەملەكەت باسشىسى

22 قاراشا 15:42
:ءبولىسۋ
شۆەيتساريالىق ينۆەستورلارعا جان- جاقتى جاردەم بەرۋگە دايىنبىز - مەملەكەت باسشىسى

نۇر- سۇلتان. قازاقپارات - قازاقستان شۆەيتساريالىق ينۆەستورلارعا جان- جاقتى جاردەم بەرۋگە دايىن. بۇل تۋرالى بۇگىن اقوردادا شۆەيتساريا كونفەدەراتسياسىنىڭ پرەزيدەنتى ۋلي ماۋرەرمەن كەلىسسوزدەردەن كەيىنگى بىرلەسكەن مالىمدەمە بارىسىندا قازاقستان پرەزيدەنتى قاسىم- جومارت توقايەۆ ايتتى، دەپ حابارلايدى قازاقپارات ءتىلشىسى.

«بۇگىن ءبىز قازاقستان نارىعىندا جۇمىس ىستەۋگە قىزىعۋشىلىق تانىتىپ وتىرعان شۆەيتساريالىق ءىرى كومپانيالار باسشىلارىنىڭ اقپاراتتارىن تىڭدادىق. ماۋرەر مىرزامەن ءبىزدىڭ تاراپىمىزدان ولاردىڭ مۇنان ارى قازاقستاندا جۇمىس ىستەۋى ءۇشىن بارلىق قاجەتتى جاعدايلار جاسالاتىندىعى تۋرالى كەلىستىك. وتكەن جىلدىڭ قورىتىندىسىندا ءوزارا تاۋار اينالىمى 3 ميلليارد دوللاردان اسىپ جىعىلدى. بۇعان قوسا، كەلىسسوزدەر بارىسىندا تاۋار اينالىمى قۇرىلىمىندا شيكىزاتتىق ەمەس كومپونەنتەردى كەڭەيتۋ پايداسىنا ءارتاراپتاندىرۋ بويىنشا جۇمىستى جانداندىرۋ قاجەتتىگى تۋرالى پىكىرگە كەلدىك. بۇل ينۆەستيتسيالىق ىنتىماقتاستىققا قاتىستى. بىزگە جاڭا جوعارى تەحنولوگيالىق زاكىرلىك جوبالار قاجەت» ، - دەدى مەملەكەت باسشىسى.

قاسىم- جومارت توقايەۆ قازاقستاندا يننوۆاتسيالىق ءوندىرىس قۇرۋعا، جوعارى تەحنولوگيا، ەنەرگەتيكا، اۋىل شارۋاشىلىعى، مەديتسينا، فارماتسيەۆتيكا سالالارىنداعى جوبالاردى جۇزەگە اسىرۋعا ۇلكەن سۇرانىس بار ەكەندىگىن ايتتى. ماشينا جاساۋ، حيميا، تاماق ونەركاسىبى، كولىك پەن لوگيستيكا، تۋريزم، قورشاعان ورتانى قورعاۋ سالالارىنداعى بىرلەسكەن جوبالاردى جۇزەگە اسىرۋدىڭ كەلەشەگى زور ەكەندىگىنە نازار اۋدارتتى.

«شۆەيتساريانىڭ نەگىزگى قارجىلىق ورتالىقتاردىڭ ءبىرى رەتىندەگى مارتەبەسىن ەسكەرە بولساق، قارجىلىق قىزمەت سالاسىنداعى ىنتىماقتاستىقتىڭ كەلەشەگى زور. وسىعان وراي ءبىز «استانا» حالىقارالىق قارجى ورتالىعىنىڭ شۆەيتساريانىڭ قارجى سەكتورىمەن ءوزارا ءىس- قيمىلىنىڭ كەلەشەگى زور ەكەندىگىن اتاپ وتتىك. ەۋرازيالىق ەكونوميكالىق وداققا مۇشەلىك، الىپ نارىعى بار قىتايمەن كورشىلەستىك جانە ورتالىق ازيانىڭ كەلەشەگى بار نارىقتارىنا شىعۋ مۇمكىندىگى بارلىق ۋاقىتتا دا قازاقستاننىڭ ەكونوميكالىق تارتىمدىلىعىنىڭ ماڭىزدى فاكتورى بولىپ كەلدى. ءبىز شۆەيتساريالىق ينۆەستورلارعا ىرگەلەس نارىقتارعا سوڭعى ءونىمدى ەكسپورتتاۋعا مۇمكىندىك بەرەتىن قازاقستاندا بىرلەسكەن ءوندىرىس وشاعىن اشۋ بويىنشا قىزىعۋشىلىق تانىتقان جوبالارىنا جان- جاقتى جاردەم بەرۋگە دايىنبىز» ، - دەدى قازاقستان پرەزيدەنتى.


باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات