+7 (701) 759 90 19
-20 °С : نۇر-سۇلتان
-4 °С : الماتى
USD 383.95 EUR 429.26
RUB 6.16 CNY 55.02
جاڭالىقتار

ابايتانۋشى ومار جالەل ۇلى «اباي قۇنانبايەۆتى» جوققا شىعاردى

22 قاراشا 14:40
:ءبولىسۋ
ابايتانۋشى ومار جالەل ۇلى «اباي قۇنانبايەۆتى» جوققا شىعاردى

نۇر-سۇلتان. قازاقپارات - قازاقتىڭ ۇلى اقىنى ابايدىڭ ەسىمى دۇرىس ايتىلماي ءجۇر.

بۇل تۋرالى لەۆ گۋميلەۆ اتىنداعى ەۋرازيا ۇلتتىق ۋنيۆەرسيتەتى الاش مادەنيەتى جانە رۋحاني دامۋ ينستيتۋتىنىڭ عىلىمي قىزمەتكەرى، ابايتانۋشى، عالىم ومار جالەل ۇلى قازاقتىڭ ۇلى اقىنى ابايدىڭ ەسىمى دۇرىس ايتىلماي جۇرگەنىن العا تارتتى، دەپ حابارلايدى Sputnik قازاقستان سايتىنا سىلتەمە جاساعان OINET. KZ.

قازاق ۇلتتىق حورەوگرافيا اكادەمياسىندا ۇلى ويشىل، اعارتۋشى، فيلوسوف ابايدىڭ 175 جىلدىق مەرەيتويىنا ارنالعان «اباي مۇراسى - الەمدىك مادەنيەت قازىناسى» اتتى حالىقارالىق عىلىمي- پراكتيكالىق كونفەرەنسياسى ءوتتى. جيىندا اباي تۇلعاسىنىڭ الەمدىك مادەنيەتتەگى ورنى مەن ءرولى، تۇلعانىڭ مادەنيەت پەن ءبىلىمنىڭ دامۋىنا قوسقان ۇلەسى تۋرالى ءسوز بولدى.

كونفەرەنسيادا عالىم ومار جالەل ۇلى «اباي قۇنانبايەۆ» دەپ دۇرىس ەمەس ەكەنىن اتاپ ءوتتى.

«مادەنيەت اتاۋدان باستالادى. كوپ ادام «اباي قۇنانبايەۆ» دەپ ايتىپ، جازىپ ءجۇر. وعان ەشكىمدى كىنالاۋدىڭ قاجەتى جوق. ءبىراق ءبىز ءبىر نارسەنى ەسكەرۋىمىز كەرەك.

«اباي قۇنانبايەۆ» دەپ ايتۋ قاتە. ولاي ايتۋعا بولمايدى. ويتكەنى، ابايدىڭ ازان شاقىرىپ قويعان شىن ەسىمى - يبراھيم قۇنانباي ۇلى. ال اباي لاقاپ اتى، ونى پسيەۆدونيم دەيدى»، - دەدى ول جيىندا سويلەگەن سوزىندە.

وسى ورايدا ابايتانۋشى ءسوزىن دالەلدەۋگە تىرىستى.

«مىسالى، ورىس جازۋشىسى ماكسيم گوركيدى الايىق. ونىڭ شىن ەسىمى - الەكسەي پەشكوۆ. ءبىز الەكسەي پەشكوۆ ماكسيم گوركي دەپ ايتپايمىز. فرانسۋز حالقىنىڭ ۇلى جازۋشىسى ستەندال بار. ونىڭ شىن ەسىمى - ماري-انري بەيل. ءبىز ماري-انري بەيل ستەندال دەپ قولدانبايمىز. سوندىقتان تەك «اباي» دەپ ايتۋ كەرەك»، - دەدى ومار جالەل ۇلى.

سونداي-اق عالىم مەكتەپ وقۋلىقتارىندا قازاقتىڭ ۇلى اقىنىنىڭ ەسىمى دۇرىس جازىلماي جۇرگەنىنە قىنجىلدى.

«الەمدە قالىپتاسقان زاڭدىلىق بار. پسيەۆدونيم مەن شىن ەسىم ارالاستىرىلىپ ايتىلمايدى. «اباي» دەپ ايتساق جەتكىلىكتى. ويتكەنى اباي تاعدىرلى ەسىمگە اينالدى. ونىڭ اتىن ايتساق، بارلىعى تۇسىنىكتى بولادى. ەگەر ساۋاتتى تۇردە ايتقىڭىز كەلسە، يبراھيم قۇنانباي ۇلى بولادى. ول (مەكتەپ وقۋلىقتارىنداعى اقىن ەسىمى - Sputnik) - قاتە.

مۇحتار اۋەزوۆ «اباي جولى» كىتابىن شىعارعان كەزدە وندا اباي (يبراھيم) قۇنانباي ۇلى دەپ جازعان. نەگىزىنەن ءبىز ويلانبايمىز، كەيبىر جاعدايعا ءمان بەرمەيمىز. ەشقانداي ەل شىن ات پەن لاقاپ اتتى قاتار قولدانبايدى. ءبىز عانا سولاي ىستەپ ءجۇرمىز»، - دەپ تۇيىندەدى ءسوزىن ومار جالەل.


باستى سوزدەر: مادةنيةت,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات