+7 (701) 759 90 19
-20 °С : نۇر-سۇلتان
-5 °С : الماتى
USD 383.95 EUR 429.26
RUB 6.16 CNY 55.02
جاڭالىقتار

دانيال احمەتوۆ: جاڭادان بىردە-ءبىر اۋدان اشپايمىز

22 قاراشا 15:07
:ءبولىسۋ
دانيال احمەتوۆ: جاڭادان بىردە-ءبىر اۋدان اشپايمىز

نۇر-سۇلتان. قازاقپارات - شىعىس قازاقستان وبلىسىنىڭ اكىمى دانيال احمەتوۆ توقسانىنشى جىلدارى اۋداندىق مارتەبەدەن ايىرىلعان ەلدى مەكەندەردىڭ احۋالى جايلى بايان ەتتى، دەپ حابارلايدى قازاقپارات ءتىلشىسى.

«مارقاكول مەن باسقا اۋدانداردى قايتا قۇرۋ ماسەلەسى تۋرالى ايتىپ بەرەيىن. ماعان ونداي وتىنىشپەن ازاماتتار كەلدى. 45 اداممەن كەزدەسىپ، جاقسى سۇراقتار قويىلدى. ولاردان: «ايتىڭدارشى، قايسىلارىڭىز كۇرشىم مەن مارقاكولدە تۇراسىزدار؟»، - دەپ سۇرادىم. سويتسەم، 45 ادامنىڭ بىرەۋى عانا سول جاقتان كەلگەن ەكەن. ءبارى دە 20 جىلدان بەرى وسكەمەن مەن سەمەيدە تۇراتىن بولىپ شىقتى. ءبىراق، وتە دۇرىس ماسەلە كوتەرىلىپ، ارنايى كوميسسيا قۇرىلدى. قازىر بەس اۋداندا جۇمىس جۇرگىزىپ جاتىرمىز. ولار: ءۇرجار، تارباعاتاي، زايسان، كاتونقاراي جانە كۇرشىم اۋداندارى. سول اۋدانداردى ارنايى باعدارلامامەن قامتىپ، قوسىمشا قارجى بولەمىز»، - دەدى دانيال احمەتوۆ بۇگىن ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا.

ايماق باسشىسى وڭىردە «جاڭادان بىردە-ءبىر اۋدان اشىلمايتىنىن» مالىمدەدى.

«نەگە دەسەڭىز، ول اۋدانداردى اشىپ الساق، جۇمىس ورىندارىن قۇرىپ، حالىقتى تارتۋ ءۇشىن 9 ميلليارد تەڭگە كەرەك بولادى. حالىققا جاڭا شەنەۋنىكتەر كەرەك پە؟ ونىڭ ورنىنا سول الدىما كەلگەن ادامدارمەن كەلىستىم. ولار دا ماقۇلدادى. بىزگە ارنايى باعدارلاما كەرەك. سونى ىسكە اسىرامىز»، - دەدى ش ق و اكىمى.


باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات