+7 (701) 759 90 19
-7 °С : نۇر-سۇلتان
2 °С : الماتى
USD 384.63 EUR 427.98
RUB 6.08 CNY 54.68
جاڭالىقتار

كوشپەندىلەردىڭ ۇمىت قالعان تاعامدارىن دايىنداۋدان رەسپۋبليكالىق فەستيۆال وتۋدە

22 قاراشا 12:44
:ءبولىسۋ

قاراعاندى. قازاقپارات - قاراعاندىدا «بىرەگەي قازاقتىڭ ۇلتتىق تاعامدارى» اتتى رەسپۋبليكالىق گاستروفەستيۆال-بايقاۋدىڭ كەزەكتى كەزەڭى ءوتتى، دەپ حابارلايدى قازاقپارات.

ۇيىمداستىرۋشىلار مەن قاتىسۋشىلار كوشپەندىلەر مەن دالا تاعامدارىنىڭ الۋان تۇرلىلىگىن كورسەتۋگە تىرىستى. ۇمىتىلعان رەتسەپت بويىنشا دايىندالعان اس ءمازىرى جينالعان قاۋىمنىڭ زور قىزىعۋشىلىعىن تۋدىردى.


بايقاۋعا تەك كاسىبي اسپازدار عانا ەمەس، سونىمەن قاتار ءۇي شارۋالارى، كوللەدج ستۋدەنتتەرى دە قاتىستى. «اس ءۇي قۇپياسىن ۇرپاقتان-ۇرپاققا جەتكىزەتىن وتباسىلار بار. مەن كوپ جىل بويى ەل بويىنشا ەكسپەديتسيالار وتكىزدىم. بۇگىن قازاق تاعامدارىنىڭ ۇمىتىلعان 200 ءتۇرىن ازىرلەۋ قۇپيالارىن قايتا جانداندىردىق. ۇلتتىق اس ءۇيىمىز تۋرالى اڭگىمە بولعاندا، ەت، قۋىرداق، قۇرت، قىمىز جانە تاعى بىرەڭ-ساراڭ اتاۋلار عانا ەسكە تۇسەدى. الايدا، قازاق اسحاناسى بىرەگەي، كوپ قىرلى جانە ءارتۇرلى»، - دەيدى ق ر ۇلتتىق مۋزەيى جانىنداعى «حالىق قازىناسى» ع ز ي ماتەريالدىق ەمەس مادەني مۇرا ءبولىمىنىڭ باسشىسى، ەتنوگراف ايگەرىم مۇساعاجينوۆا.


ول قاراعاندىلىقتار ءۇشىن شەبەرلىك ساباقتارىن وتكىزدى. زەرتتەۋشى جىلقىنىڭ اسقازانىنان كوشپەندىلەردىڭ تاعامى - قارىن بورتپە دايىندادى. ايگەرىم مۇساعاجينوۆا سونداي-اق قۋىرىلعان ءبيدايدان جاسالعان توڭكەرمە تاعامىنىڭ قالاي دايىندالاتىنىن كورسەتتى. ونى قازاقتار بوساناتىن ايەلدەرگە ارنايى دايىنداپ، بالا تۋعاننان كەيىن بىردەن بەرگەن.


بۇل تاعام جاس اناعا كۇش بەرەدى جانە ايەل ءسۇتىنىڭ قۇنارلىعىن ارتتىرادى. بايقاۋعا قاتىسۋشىلار كونە رەتسەپت بويىنشا تاعامدار ازىرلەدى.


كوپبالالى انا باقىتتى قاناپينوۆانىڭ ۇستەلىنىڭ ەرەكشەلىگى باتىرلار ءۇشىن جيناقتالعان دالالىق شاعىن قاپشىق بولدى. ونىڭ ىشىندە ءسۇر جانە قۇرت ساقتالعان. وسى جيىنتىعى بولسا، باتىرلار دالادا وعان سۋ قوسىپ، وڭاي عانا سورپا ازىرلەي العان.


سايىسكەرلەر وزدەرىمەن بىرگە ۇلتتىق سۋسىنداردىڭ 7 ءتۇرىن الىپ كەلگەن.


«بۇل - حالىق اراسىندا ۇمىتىلىپ قالعان قىشقىل- ءسۇت سۋسىنى شالاپ. ول ءنارلى جانە پايدالى. وڭاي جانە تەز دايىنداۋعا بولادى. ايراندى الىپ، وعان سۋ قوسۋ قاجەت، ارتەزيان سۋى بولسا ءتىپتى جاقسى. سونان سوڭ ازداپ تۇز قوسۋ قاجەت. بۇل كالتسيگە باي تاعام. ءبىز وتباسىمىزبەن ۇنەمى شالاپ ىشەمىز، بالالار جاقسى كورەدى جانە وزدەرى دايىنداۋدى ۇيرەنىپ العان»، - دەيدى.


ال ۇلپەرشەك سالتتىق تاعامىن شاحتينسك تەحنولوگيالىق كوللەدجىنىڭ كومانداسى ۇسىندى. جىلقىنىڭ نەمەسە سيىر مالىنىڭ جۇرەگىنەن ازىرلەنگەن استىڭ ءوز تاريحى بار. بۇل تاعامدى تۇرمىسقا شىعىپ، الىسقا كەتكەن قىزىنا اتا-انالارى دايىنداعان. وسىلايشا قىزدىڭ تۋعاندارى ونى ساعىنىپ، جاقسى كورەتىندەرىن بىلدىرگەن.


بايقاۋدى ق ر اقپارات جانە قوعامدىق دامۋ مينيسترلىگى مەن «التىن قازىنا» قوعامدىق بىرلەستىگى ۇيىمداستىردى. شارا «رۋحاني جاڭعىرۋ» باعدارلاماسى اياسىندا «قازاق تانۋ» عىلىمي-اعارتۋشىلىق جوباسى بويىنشا وتكىزىلۋدە.

قاراعاندى اسپازدىق بايقاۋدىڭ ايماقتىق كەزەڭدەرى وتكىزىلگەن ءۇشىنشى قالا بولدى. قازاق اس ءۇيىنىڭ ۇزدىك بىلگىرلەرى 25- قاراشا كۇنى نۇر-سۇلتاندا وتەتىن قورىتىندى كەزەڭگە جينالادى. فەستيۆال قورىتىندىسى بويىنشا قازاق اسحاناسىنىڭ بىرەگەي جانە ۇمىتىلعان تاعامدارىنىڭ البومى شىعارىلادى.


باستى سوزدەر: مادةنيةت,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات