نۇرسۇلتان نازاربايەۆتىڭ «ەپيتسەنتر ميرا» كىتابى نورۆەگيادا تانىستىرىلدى
تۇڭعىش پرەزيدەنت كۇنىنە ارنالعان شاراعا مەملەكەتتىك ورگانداردىڭ وكىلدەرى، ساراپشىلار، يادرولىق قارۋعا قارسى قوزعالىس بەلسەندىلەرى، ءدىني قايراتكەرلەر، ديپلوماتيالىق كورپۋس وكىلدەرى قاتىستى.
شارانى قازاقستاننىڭ نورۆەگياداعى ەلشىسى ەركىن اقىنجانوۆ اشىپ، سەمەي پوليگونىنىڭ جابىلعانى، جاپپاي قىرىپ-جويۋ قارۋىنان باس تارتۋ پروتسەسى ەلباسى نۇرسۇلتان نازاربايەۆتىڭ مۇراسى ەكەندىگىن تىلگە تيەك ەتتى.
بيىل كەڭەس وداعى سەمەي تۇبىندە العاش رەت اتوم بومباسىن سىناقتان وتكىزگەنىنە 70 جىل تولدى. پوليگون ق ر پرەزيدەنتىنىڭ 1991-جىلعى 29- تامىزداعى جارلىعىمەن جابىلدى.
نورۆەگيانىڭ بەلگىلى ساياساتكەرى، ەلدىڭ بۇرىنعى پرەمەر-ءمينيسترى كەل ماگنە بونديەۆيكتىڭ ايتۋىنشا، قازاقستان جانە نۇرسۇلتان نازاربايەۆ يادرولىق قارۋ اسا اۋىر زارداپتارعا اكەپ سوقتىراتىنىن جەتە تۇسىنەدى ءارى «ەپيتسەنتر ميرا» ەڭبەگىندە ونىڭ سەبەپتەرى تولىق اشىپ كورسەتىلگەن.
قازاقستاندىق سۋرەتشى، يادرولىق قارۋعا قارسى حالىقارالىق قوزعالىستىڭ بەلسەندى مۇشەسى كارىپبەك كۇيىكوۆ سەمەي ءوڭىرى تۇرعىندارىنىڭ تارتقان ازابى مەن پوليگوننىڭ قورشاعان ورتاعا تيگىزگەن زارداپتارى جايلى، قازاقستان حالقىنىڭ سىناقتاردى توقتاتۋ جانە ن. نازاربايەۆتىڭ پوليگوندى جابۋ تۋرالى شەشىمى ءۇشىن جۇرگىزگەن كۇرەسى تۋرالى اڭگىمەلەپ بەردى. شارا قوناقتارىن «اتوم» جوباسىن (www.theATOMProject.org) قولداپ، يادرولىق قارۋدان تازا الەم قۇرۋ تۋرالى پەتيتسياعا قول قويۋعا شاقىردى.
تۇڭعىش پرەزيدەنت - ەلباسى قورىنىڭ اتقارۋشى ديرەكتورى اسەت يسەكەشيەۆ، بۇرىنعى پرەمەر-مينيستر كەلل ماگنە بونديەۆيك، نورۆەگيانىڭ سىرتقى ىستەر ءمينيسترى يننە ەريكسەن-سورەيدە، NUPI بۇرىنعى ديرەكتورى سۆەررە لودگارد كىتاپتىڭ نورۆەگ تىلىندەگى باسىلىمىنا قاتىستى العى ءسوز سويلەدى.
«ەپيتسەنتر ميرا» كىتابىن نورۆەگ تىلىنە ساياساتتانۋشى، حالىقارالىق قاتىناستار مامانى، كاسىبي اۋدارماشى نيكولاي گەروۆ اۋداردى.
كىتاپ «Steffen Grafisk Tilrettelegging» باسپاسىنان جارىق كوردى. ەسكە سالا كەتەيىك، ءدال وسى باسپا 2009-جىلى نۇرسۇلتان نازاربايەۆتىڭ «قازاقستان جولى» كىتابىن دا نورۆەگ تىلىندە شىعارعان بولاتىن.
