نۇرسۇلتان نازاربايەۆ «تىراۋلاپ ۇشقان تىرنالار» سپەكتاكلىنە باردى

نۇر-سۇلتان. قازاقپارات - ەلباسى قازاقستاننىڭ حالىق ءارتىسى، تەاتر جانە كينو رەجيسسەرى تالعات تەمەنوۆتىڭ ۆالەنتين ەجوۆتىڭ پەساسى بويىنشا ساحنالانعان «تىراۋلاپ ۇشقان تىرنالار» قويىلىمىن تاماشالادى. دەپ حابارلايدى قازاقپارات elbasy.kz سايتىنا سىلتەمە جاساپ.

سپەكتاكل ق. قۋانىشبايەۆ اتىنداعى مەملەكەتتىك اكادەميالىق قازاق مۋزىكالىق دراما تەاترىنىڭ ساحناسىندا قويىلدى.

درامالىق قويىلىم سوڭىندا نۇرسۇلتان نازاربايەۆ تەاتردىڭ شىعارماشىلىق ۇجىمى مەن كورەرمەن الدىندا ءسوز سويلەدى.

- قازاق تەاترى جۇمىس ىستەگەن جىلدار بويى مىقتى ۇجىم قالىپتاستى. كەلەسى جىلى جازدا جاڭا عيماراتقا كوشەسىزدەر. وڭ جاعالاۋداعى «مىڭجىلدىق اللەياسى» اۋماعىندا تەاتر سالىپ جاتىرمىز. وندا 650 جانە 200 ورىندىق ەكى زال بولادى. بۇگىنگى سپەكتاكل ماعان ۇنادى. مەن بارلىق ونەر يەلەرىنە كەرەمەت قويىلىم ءۇشىن العىس ايتامىن»، - دەدى قازاقستاننىڭ تۇڭعىش پرەزيدەنتى.