شىمكەنتتىك دارىگەرلەر وزبەكستاندىق ارىپتەستەرىمەن تاجىريبە الماسادى
قالانىڭ دەنساۋلىق ساقتاۋ باسقارماسى باسشىسى اسحان بايدۋۆاليەۆ پەن سامارقاند وبلىسىنىڭ دەنساۋلىق ساقتاۋ باسقارماسىنىڭ باسشىسى داۆرانبەك جۋمانيازوۆ ەكى جاقتى مەمموراندۋمعا قول قويدى، دەپ حابارلايدى قازاقپارات ءتىلشىسى.
اتالعان قۇجاتقا سايكەس، قازاقستان مەن وزبەكستاننىڭ دەنساۋلىق ساقتاۋ جۇيەلەرى اراسىنداعى ىنتىماقتاستىق كۇشەيىپ، مەديتسينالىق ۇيىمدار اراسىنداعى ءوزارا ءىس-قيمىل جاسالادى. ەكى ەلدىڭ ازاماتتارىنا مەديتسينالىق كومەك كورسەتۋدىڭ قولجەتىمدىلىگى مەن ساپاسىن قامتاماسىز ەتۋ جاقسارادى. ەڭ باستىسى، مەگاپوليس دارىگەرلەرى بىلىكتىلىكتەرىن ارتتىرىپ، تاجىربيە الماساتىن بولادى.
ايتا كەتەيىك، مەموراندۋم قازاقستاننىڭ وزبەكستانداعى مەديتسينا كۇندەرى اياسىندا ءتۇزىلدى . اۋقىمدى شارا اياسىندا سونداي-اق، شەتەلدىك مەديتسينالىق ۇيىمدار مەن جوعارى وقۋ ورىندارى اراسىندا كەلىسىم جاسالدى. كورشى ەلدەگى قازاقستاننىڭ مەديتسيناسى كۇندەرى ەكى كۇنگە جالعاسادى دەپ كۇتىلۋدە. تاشكەنت قالاسىندا ءوتىپ جاتقان اۋقىمدى شاراعا شىمكەنت قالاسىنان دەنساۋلىق ساقتاۋ باسقارماسىنىڭ باسشىسى ا. بايدۋۆاليەۆ باستاعان ءبىر توپ دەلەگات قاتىسۋدا.