+7 (701) 759 90 19
-7 °С : نۇر-سۇلتان
2 °С : الماتى
USD 384.63 EUR 427.98
RUB 6.08 CNY 54.68
جاڭالىقتار

تۇركىستاندا «تۋعان جەر - التىن بەسىگىم» اتتى سۋرەتشىلەر بايقاۋى ءوتتى

22 قاراشا 07:51
:ءبولىسۋ
تۇركىستاندا «تۋعان جەر - التىن بەسىگىم» اتتى سۋرەتشىلەر بايقاۋى ءوتتى

تۇركىستان. قازاقپارات - تۇركىستان قالاسىندا «تۋعان جەر - التىن بەسىگىم» اتتى سۋرەتشىلەر بايقاۋى ءوتتى.

«اربات» الاڭىندا مادەنيەت ءۇيى قىزمەتكەرلەرىنىڭ ۇيىمداستىرۋىمەن وتكەن بايقاۋعا 16-25 جاس ارالىعىنداعى ۇمىتكەرلەر قاتىستى، دەپ حابارلايدى قازاقپارات ءتىلشىسى.

«تۇركىستان - قاۋىپسىز قالا» جانە ەلباسىنىڭ «بولاشاققا باعدار: رۋحاني جاڭعىرۋ» ماقالاسى اياسىندا جۇزەگە اسقان شارا وتانعا دەگەن سۇيىسپەنشىلىكتى ارتتىرۋعا، جاستاردى ۇلتتىق رۋحتا تاربيەلەۋ مەن ولارعا قولداۋ كورسەتۋ ماقساتىندا ۇيىمداستىرىلدى. بايقاۋدىڭ اشىلۋ سالتاناتىندا ءسوز سويلەگەن قالا اكىمىنىڭ ورىنباسارى مۇرات بازارقۇلوۆ شارانىڭ ماڭىزدىلىعىنا توقتالىپ ءوتتى.

«ىشكى جان دۇنيەدەگى قۋانىش پەن وكىنىش، ءماندى دە ماعىنالى ساتتەردى قىلقالام كۇشىمەن قاعاز بەتىنە جازۋ مەن ونى كوپشىلىككە ۇعىندىرا ءبىلۋ - تاماشا قاسيەت. ءار كارتينانىڭ وزىندىك الار ورنى، تاريحي ءمانى، كەلەر ۇرپاقتىڭ قاجەتىنە جاراتارلىق قۇندىلىعى بار دەسەك، ارتىق ايتقاندىعىمىز ەمەس. ال، كەز كەلگەن ەلدىڭ اتاق-داڭقىن شىعاراتىن - سول ەلدە تۋىپ وسكەن تالانتتى تۇلعالارى مەن دارىندى جاستارى ەكەنى بەلگىلى. ءبىز ولارعا وسى كۇننەن باستاپ قولداۋ كورسەتەتىن بولساق، بولاشاقتا الەمگە تانىلاتىن سۋرەتشىلەر اتانارىنا سەنىم مول»، - دەدى قالا اكىمىنىڭ ورىنباسارى.

بايقاۋدا جاس سۋرەتشىلەر تۇركىستان قالاسىنىڭ كەز-كەلگەن كورىكتى جەرلەرى مەن مادەني ورىندارىن بەينەلەدى. ال، ءادىل قازىلار جۇلدەگەرلەردى انىقتاۋ بارىسىندا ولاردىڭ وي ۇشقىرلىعىنا، يدەيالىق مازمۇنىنا، كومپوزيتسيالىق شەشىمىنە، شەبەرلىگىنە باسا ءمان بەردى. ناتيجەسىندە ق. ا. ياساۋي اتىنداعى ح ق ت ۋ- ءدىڭ ونەر فاكۋلتەتىنىڭ 4-كۋرس ستۋدەنتى ش. تاجيمەتوۆا باس جۇلدەگە يە بولىپ، وزگە قاتىسۋشىلارعا دا العىس حاتتار مەن سىي-سياپاتتار تابىستالدى.


باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات