اياز، قار، كوكتايعاق: جۇماعا ارنالعان اۋا رايى

نۇر-سۇلتان. قازاقپارات - «قازگيدرومەت» ر م ك 22- قاراشاعا ارنالعان اۋا رايى بولجامىن ۇسىنادى، دەپ حابارلايدى قازاقپارات.

انتيتسيكلون اسەرىنەن رەسپۋبليكانىڭ باسىم بولىگىندە كوبىنەسە جاۋىن-شاشىنسىز، ايازدى اۋا رايى كۇتىلەدى، تەك سولتۇستىك، وڭتۇستىك جانە وڭتۇستىك-شىعىس اۋدانداردان اتموسفەرالىق اعىندردىڭ وتۋىمەن كەي جەرلەردە قار جاۋادى، بۇرقاسىن، تۇمان، كوكتايعاق كۇتىلەدى، جەل كۇشەيەدى.

تۇركىستان وبلىسىنىڭ كەي جەرلەرىندە تۇمان، كوكتايعاق، بۇرقاسىن بولىپ، جەلدىڭ جىلدامدىعى 15-20 م/س جەتەدى.

جامبىل وبلىسىنىڭ كەي جەرلەرىندە - تۇمان، جاياۋ بۇرقاسىن، جەل 15-20 م/س كۇشەيەدى، كۇندىز كوكتايعاق كۇتىلەدى.

قىزىلوردا وبلىسىنىڭ كەي جەرلەرىندە تۇمان ءتۇسىپ، جەل 15-20 م/س جەتەدى.

ماڭعىستاۋ، قوستاناي، قاراعاندى، تۇندە الماتى، شىعىس قازاقستان وبلىستارىنىڭ كەي جەرلەرىندە تۇمان كۇتىلەدى.